以色列之旅——A Land flowing with milk and honey

laohe1998

LZ又会去以色列咁奇怪嘅……

goods

居然連鐵路都有Wifi ... 香港地鐵3G 都好慢，莫說有Wifi ... 我上次去韓國，地鐵都有Wifi

geniuz

goods 发表于 2014-11-1 14:42
居然連鐵路都有Wifi ... 香港地鐵3G 都好慢，莫說有Wifi ... 我上次去韓國，地鐵都有Wifi

佢都係有下有、有下冇嘅，，，而且冇password，始終覺得唔多安全，

hak

好像旅遊節目。讚！

dean1982

小心D。。。过边应该比较乱吧？？纯猜想

geniuz

　　我哋去到Jerusalem嘅第二日係猶太人嘅贖罪日，佢哋嘅贖罪日唔俾食嘢、唔俾行房、唔俾用電子產品，甚至聽人話喺街度攞住個相機都會俾人打。結果當日嘅早餐我哋好鬼鼠咁喺apartment度煮、又好鬼鼠咁食。佢哋出街仲唔敢帶相機，不過由於我部手機太渣，我都係帶咗部微單。　　贖罪日係從前一晚嘅日落、到贖罪日當日嘅日落，所以當晚條街已經冇嗮人，鋪頭唔開門（但著住燈）。










　　喺街頭見到有個專門貼海報嘅地方，居然有個佛教協會，呢度真系乜宗教都有。
　　贖罪日冇人揸車出街，但就比較多單車。尤其晚上，好多細路走出嚟飚單車。Jerusalem係山城，依山而建，馬路多數都係上坡落坡，所以啲細路飚單車飚得好過瘾。







　　出到街，真係靜嘤嘤，只有啲遊客。
　　但入咗Old City就另一回事喇，用人頭湧湧、人山人海嚟形容都唔過份。雖然比起網上睇倒國慶期間國內同胞嘅景點嗰種擁擠法，仍然差一大截，但比起非贖罪日~贖罪日嘅Jerusalem舊城就好似過節咁。我哋估計，真系同贖罪日有關，人哋猶太人就喺屋其贖罪，而外來嘅旅行團就過嚟Jerusalem贖罪，見到好多係朝聖團，專門過嚟探上帝、探耶稣嘅。




















　　當然，城中不乏好多講“煲冬瓜”嘅同胞，雖然冇見吐痰之類嘅行為，但都好中意阻住人影相，明知你揸住個相機仲要企喺你前面，呢啲係鬼佬唔會做嘅。不過點講都好，中國人其實比起阿拉伯人已經好好多，喺舊城嘅阿拉伯區真系一步一垃圾，而且做生意又唔老實。













　　突然覺得中國人係同上帝一樣嘅：無處不在。
　　阿幾個亞洲面孔嘅，似係台灣人，揸嗮旗拉嗮banner嗰批就大陸團，因為係簡體字嘅。








　　其實贖罪日當日我哋開始計劃係去睇“苦路14站”嘅，傳聞係耶稣擡住個十字架行嘅路，到最後被釘上十字架。
　　不過對於我哋非教徒，就實在冇乜嘢好睇。嗰14個站只係舊城街道嘅牆角有塊鐵牌，用羅馬數字標住第幾站，你唔留意都唔多覺嘅。去到第10站就冇咗鐵牌，進入聖墓教堂。我哋前一日已經去過聖墓教堂，而贖罪日由於太多人，我哋都費事再入。





　　嗰度嘅阿拉伯區比較髒亂差，有啲似珠三角嘅城中村。會俾啲阿拉伯細路追住要錢，我哋有人俾啲阿拉伯細路掟石仔添。上面呢張圖，已經算阿拉伯區最亁淨，其他樓梯都係一地垃圾。
　　因為贖罪日猶太人都唔開鋪，所以開鋪嘅主要都係阿拉伯佬。為防止啲阿拉伯佬搞事，贖罪日嘅舊城都佈滿軍警，都係馱住沖鋒槍嘅。不過對於遊客，就似擺設多啲，阻嚇為主，佢哋似乎都企到有啲無聊，我哋去要求影相佢哋亦都樂意。






（今日用嗮圖片quota，第日再繼續發喇。）

sanzuniao

I have never been there, thanks for photos!

geniuz

vaifeng 发表于 2014-10-22 20:04
飞机食物不是beedorfish吗??

主食有rice、有noodle，其他有沙律、芝屎之類，

geniuz

JVT 发表于 2014-10-22 21:03
楼主重点游览海法？选择唔错，至少唔近巴勒斯坦同叙利亚。

第一個遊覽嘅地方，其實冇乜嘢睇，行咗一兩日就轉地方喇，

lk1001

長見識了~看上去旅遊的體驗不太好的樣子