以色列之旅——A Land flowing with milk and honey

geniuz

繼續補充Israel Museum嘅圖片

geniuz

繼續補遺Israel Museum嘅相

geniuz

　　喺Jerusalem最後一日去咗Bethlehem（伯利恆，或譯作白冷）。Bethlehem係Jerusalem隔離一個鎮咁上緊嘅地方，但其實唔屬於Jerusalem管，甚至唔屬於以色列管。
　　如果你打開世界地圖，會喺地中海旁邊揾到以色列國。但喺呢塊顏色裡面，其實有三個政府喺度管治，包括以色列國嘅政府，同兩個巴勒斯坦政府。呢塊土地嘅南部，係哈馬斯話事嘅巴勒斯坦加沙政府，喺中西部接近Jerusalem係巴勒斯坦解放組織。哈馬斯嗰度就係上排猛咁放飛彈嗰度，而巴解政府相對與以色列政府能夠和平相處。而Bethlehem就喺巴解政府範圍內。







　　點解專門走去巴勒斯坦？雖然話巴解政府都冇乜嘢，但始終有啲敵對關繫，有啲似8十年代嘅大陸同台灣。
　　因為Bethlehem就係聖經記載耶稣出世嘅地方，所以嗰度雖然乜都冇，但嗰間耶稣出世嘅教堂日日都爆滿，教徒都去朝聖。嗰間就叫聖誕教堂。









　　教堂裡面，好多人排隊走去錫個聖母像。













　　教堂內部好靚，點住燈呢度就係傳聞耶稣出世嘅馬廄。當然馬廄已經唔存在，鋪嗮大理石同裝飾。本來都唔俾入嘅，因為不斷有唔同支派嘅人喺度做宗教儀式（唔知彌撒定乜野嘢），但有個教士比較好人，話兩個儀式之間有幾分鐘，就俾我哋落去影下相。

















　　喺聖誕教堂隔離，有個叫做牛奶洞（[url=]milk grotto[/url]）嘅地方，其實都係個教堂嚟。傳聞耶稣出世唔夠奶食，就係食嗰度嘅牛奶。












　　雖然同Jerusalem冇幾遠，但物價相差迥異。啲嘢幾乎平一半，我哋都買咗兩支可樂返去。
　　既然嚟到，亦要寄張postcard。但咁啱郵局嗰日冇開門，我哋仲行鬼錯咗去人哋市政廳（不過居然冇王管自出自入）。後嚟喺隔離間鋪頭買咗postcard同郵票，直接放入郵筒。郵局就喺馬槽廣場入口嘅一邊，正對住去[url=]milk grotto[/url]嗰條路。如果實在揾唔倒，圍住馬槽廣場行一圈就實見。我仲叫鋪頭個老闆幫我寫咗句阿拉伯文落postcard，我叫佢寫goodluck，不過後嚟先知道阿拉伯文冇goodluck對應嘅字，個老闆寫嘅其實係“幸會”咁解。不過都唔錯啦，開始我哋一直擔心寄唔返中國，因為唔知巴勒斯坦會唔會被以色列封鎖啲郵政，但最後都寄倒返嚟。








　　跟住我哋去咗以巴邊境嘅圍牆，嗰度以塗鴉聞名，好多鬼佬喜歡走去畫塗鴉。仲遇到一群瑞士嘅學生又喺度畫緊，其中有一個仲識少少中文（普通話）嘅。




　　當日就直接返去Jerusalem，不過返去就冇去程咁輕鬆。去嘅時候直接喺Jerusalem坐bus過境，返嚟嘅時候好多人逼，一條好長嘅通道過關。估計係巴勒斯坦好多人偷渡去以色列，所以以色列去巴勒斯坦容易，巴勒斯坦過以色列就比較嚴啲。



　　雖然話過關比較嚴，甚至呢兩兩個政府有敵對關繫幾十年，但其實亦冇乜嘢。兵哥都荷槍實彈，但我哋攞住passport，啲兵哥睇都睇就放行。當然亦因為我哋個亞洲樣冇乜好懷疑嘅，啲鬼佬樣嘅都係唔使查就放行。
　　相比起深圳羅湖過關香港，以巴邊境可謂濕濕碎。咁已經叫敵對政府，慨歎中港矛盾日益加深，所謂“一家人”都搞成咁。