见到网络用语会唔会反感？？？

lg369369 · 发表于 2021-7-13 16:11:36

根本唔知乜意思

qnmwnwl · 发表于 2021-7-13 16:37:41

出現呢種密碼文同日益嚴重嘅網絡文字審查息息相關，除此之外仲有前面所講嘅代溝問題。一般人間唔中用下係為咗避開審查屏蔽，到咗大部分後生手中就變成咗佢哋嘅暗號，發展到運用自如，腦內自我過濾，知道邊啲字詞要用密碼邊啲唔使，再去到非禁詞例如明星名，國家名，等等都用埋密碼文。
最重要嘅系呢種密碼文已經為啲後生建立咗一個屬於佢哋自己嘅“星球”，父母如果跟唔上時代你想知自己細路同人哋傾啲乜嘢都餚爆頭。本質上就係唔想啲大人知道自己同人哋講咗啲乜，同時過濾咗父母同網絡兩方面嘅審查。查到啲密碼嘅意思都會令班老餅O曬嘴。
我個人都唔中意呢啲嘢，但是啲後生中意咁玩你都吹佢哋唔脹，做父母同仔女溝通方面要下啲功夫。