TVB西片《明日之後》配音表

JVT

影片名稱 明日之後 The Day After Tomorrow
（本人對哩部戲最深刻嘅印象反而唔係裡面啲災難場面，而係內地同香港對佢嘅譯名之爭，根據影片立意港譯明顯會更加貼切）


首播日期 3/12/2006（明）


重播日期 27/9/2008（翡）、18/10/2009（明）、23/7/2016（明）、19/5/2018（明）、23/7/2022（明）


播放頻道 明珠台、翡翠台、高清翡翠台


備註 2004年美國電影


配音員 角色名稱 演員

陳欣（當時阿Ken基本上同炳強叔、招sir並為西片男主角三巨頭）——賀杰（Dennis Quaid飾演）
（第一男主角，美國國家海洋及大氣管理局古氣候學家，性格耿直嘅工作狂，同個仔好少見面導致感情疏離，而佢今次決定冒生命危險踐行對個仔嘅承諾）

梁偉德（雖然講過好多次但係德仔的確好少可配西片男主角）——賀森（Jake Gyllenhaal飾演）
（第二男主角，華盛頓伍德蒙特學院優異學生，為咗做第一女主角嘅觀音兵跟埋去紐約參加十項全能學術賽，表面上同老豆冇咩兩句但係其實非常敬愛佢）

陳凱婷（哩種冇乜脾氣嘅花瓶角色對Joyce嚟講毫無難度可言）——羅娜（Emmy Rossum飾演）
（第一女主角，華盛頓伍德蒙特學院學生，喺受困紐約公共圖書館期間接受第二男主角嘅示愛，影片尾段因為腳上嘅傷口敗血病發作而令三位朋友為佢冒險）

李致林（阿Ray感覺一直喺P.A.R.K.裡面人氣偏低不過今次配得幾出彩）——拜仁（Arjay Smith飾演）
（第二男主角嘅同學兼老友，身兼電子、數學、棋藝三個學會會長嘅華盛頓伍德蒙特學院四眼黑人學生，理論水平同動手能力都相當出色）
P.S.：哥頓聲庫館資料寫該角色由德仔（梁偉德）聲演，應該係編輯者手誤。

陳卓智——謝狄（Austin Nichols飾演）
（第二男主角一行人嘅競賽對手不過好快變成好朋友，紐約派恩赫斯特學院學生，身家富貴而且social能力強，片尾喺船上面搵藥同食物嗰陣畀狼咬親腳）

黃鳳英（正斗英配啲阿媽角色一直都頗有說服力）——賀露絲（Sela Ward飾演）
（第二女主角，同第一男主角生咗第二男主角，任職於華盛頓某醫院，為咗照顧一個離開儀器會有生命危險嘅病童喺暴風雪逼近之際堅持到救護車嚟到先走）

張炳強（退行，炳強叔都配過哩位演員好幾次算半個常配）——華泰利（Ian Holm飾演，演員已故）
（蘇格蘭赫蘭氣候研究中心教授，認同第一男主角喺新德里聯合國全球暖化會議上提出嘅假設並一直同第一男主角保持聯繫同交流直至通訊中斷，最後殉職）

梁志達——湯姆（Nestor Serrano飾演）
（台詞讀成“湯”，第一男主角上司，夾住喺傲慢嘅副總統同直腸直肚嘅第一男主角之間做磨心備受壓力，雖然係咁但仍然盡己所能支持第一男主角嘅研究）

源家祥（已故）——貝偉文（Kenneth Welsh飾演，演員已故）
（美國副總統，對第一男主角提出嘅全球暖化將會令人類再次進入冰河時代嘅理論不以為然，經歷氣候劇變並接替殉職嘅前任轉正後公開向大眾反思道歉）

黎景全（當時貌似仲叫緊黎健）——積遜（Dash Mihok飾演）
（跟咗第一男主角2年嘅下屬，影片開頭喺南極洲拉遜B冰架鑽冰嗰陣差啲跌落深淵，影片後半段又跟第一男主角一齊去救佢個仔而且中途一度昏迷）

黃子敬——法蘭（Jay O. Sanders飾演）
（同第一男主角拍檔20年嘅同事，影片後半段跟第一男主角一齊去救佢個仔，途徑費城以北某商場嗰陣因為玻璃穹頂碎裂而跌落，最後為免拖累隊友而自殺）

謝潔貞——德田珍納（Tamlyn Tomita飾演）
（美國太空總署日裔颶風專家，肯定第一男主角對氣候劇變嘅推論並主動加入佢嘅研究團隊，喺第一男主角一行人前往紐約之後負責監測暴風雪嘅即時變化）

黎景全（當時貌似仲叫緊黎健）——Simon（全片字幕冇打角色名不過台詞有提到，Adrian Lester飾演）
（台詞讀成“西蒙”，同老婆生咗個BB嘅蘇格蘭赫蘭氣候研究中心黑人研究員，最先察覺位於喬治斯淺灘嘅4311號浮標海水溫度急跌，最後殉職）

黃健強（退行）——丹尼（Richard McMillan飾演，演員已故）
（蘇格蘭赫蘭氣候研究中心研究員，曼聯超級擁躉，就算臨死都仲掛住曼聯）

林國雄——Luther（全片冇提過角色名，Glenn Plummer飾演）
（紐約黑人露宿者，養咗隻狗叫佛陀，係紐約畀海水衝擊之際抱埋隻狗入公共圖書館避難，後來又最先發現室外有人走難不過信咗第二男主角而冇跟埋去）

翟耀輝——美國總統（全片冇提過角色名，Perry King飾演）
（接受第一男主角嘅建議下令國民警衛隊疏散南部各州嘅人，影片後段因為所在車隊撞到暴風雪而罹難）

沈小蘭——美國國務卿（全片冇提過角色名，Mimi Kuzyk飾演）
（同意第一男主角主張抓緊時間疏散南部各州人民嘅建議，得知總統喪生之後又即刻將消息傳遞畀副總統）
P.S.：TVB台詞將該角色職務譯成“部長”，哩種譯法準唔準確唔多清楚，不過一般習慣都係譯作“國務卿”。

陸惠玲——Judith（全片冇提過角色名，Sheila McCarthy飾演）
（紐約公共圖書館管理員，影片中段告知第二男主角地庫有公眾電話，影片後段又喺書度查到第一女主角所患嘅病症同埋治療方法）

黃麗芳——Elsa（全片冇提過角色名，Amy Sloan飾演）
（喺紐約公共圖書館避難嘅金髮女人，聽從第二男主角呼籲冇跟大隊離開紐約，認為尼采係鍾意自己個妹嘅沙文豬）

翟耀輝——Jeremy（全片冇提過角色名，Tom Rooney飾演）
（喺紐約公共圖書館避難嘅四眼佬，聽從第二男主角呼籲冇跟大隊離開紐約，反對燒尼采嘅書並致力保存西方文明成果）

招世亮——Campbell（全片冇提過角色名，Phillip Jarrett飾演，演員已故）
（喺紐約公共圖書館避難嘅黑人警察，唔聽第二男主角呼籲帶領圖書館內大多數人起程逃難，後尾疑似喺暴風雪裡面全軍覆沒）

招世亮——柏加（Sasha Roiz飾演）
（開頭喺太空踩單車嘅航天員，全程喺大氣層外觀察地球暴風雪嘅情況）

snzt

黄健强，可惜好快退咗行

JVT

snzt 发表于 2022-8-22 22:34
黄健强，可惜好快退咗行

90年代初一大批去咗移民

生化之父

有2位配音员声演2个角色？

JVT

生化之父 发表于 2022-8-22 22:53
有2位配音员声演2个角色？

在TVB这种操作很正常吧？不然哪来那么多的配音员？最多还见过一部戏配三个角色的

win

兩地譯名，都係港譯譯得傳神d

JVT

win 发表于 2022-8-22 23:56
兩地譯名，都係港譯譯得傳神d

睇情况，内地对西片译名绝大多数直译，有时内地嗰种直译唔搞咁多花款会好啲，有时港译嗰种根据剧情搞啲变化又会更加传神或者生鬼啲

验证码

JVT 发表于 2022-8-22 23:00
在TVB这种操作很正常吧？不然哪来那么多的配音员？最多还见过一部戏配三个角色的

之前睇翻数码暴龙第2部，有一集，光子郎同埋甲虫兽，甘有特点噶声，都同时系另外角色度出现

bayman

我記得好似有包志傑

Seon

港譯會根據近期流行乜嘢去起名，例如Everything Everywhere All at Once，香港譯奇異女俠玩救宇宙，好明顯就係相呼應奇異博士2：失控多重宇宙