TVB西片《鐵血戰士》系列首配版（首部）及重配版（續集）配音表（附2010版配音簡表）

JVT

影片名稱 鐵血戰士 Predator
（第一部鐵血戰士類型電影，傳聞話港譯嘅“鐵血戰士”最初係指阿諾·舒華辛力加嘅角色，只不過後來以訛傳訛變咗做對戲裡面外星獵人嘅通稱）


首播日期 11/3/1989


重播日期 26/8/1991、6/8/1992、30/5/1993、25/5/1995、14/1/1996、18/1/1997、1/10/2004、17/10/2009、11/7/2010、8/3/2015、21/8/2022


播放頻道 明珠台


備註 1987年美國電影


配音員 角色名稱 演員

盧國權（常配，其實阿諾·舒華辛力加把聲好難夾但係權叔已經算比較能夠保留到原聲嘅某啲特質）——德（Arnold Schwarzenegger飾演）
（男主角，美軍少校兼救援隊隊長，畀人水自己帶隊深入危地馬拉叢林，喺其他隊友被殺後憑好運同特種作戰能力得以僥倖擊敗不明生物並生還）

鄧榮銾（退行，鄧sir配激動位可以不過啲慘叫位就唔係好夠入戲）——狄（Carl Weathers飾演）
（留二撇雞嘅黑人中情局聯絡員，1972年嗰陣同男主角係越戰戰友，作古仔呃男主角帶隊員去危地馬拉叢林做埋晒啲邋遢嘢，更令到大家身陷險境）

張炳強（退行，個人認為炳強叔應該同雄叔調換角色嚟配）——麥（Bill Duke飾演）
（光頭黑人美軍軍士兼救援隊隊員，同留二撇雞嘅白人大隻佬係從死人堆裡面爬出嚟嘅戰友加摯友，對殺死自己老友嘅不明生物畏懼得嚟又極之痛恨）

林國雄（個人認為雄叔應該同炳強叔調換角色嚟配）——雷（Richard Chaves飾演）
（綽號“彭曹”嘅救援隊隊員，同黑人中情局聯絡員一樣曉講西班牙話，影片中段畀大樹枝擊中受重傷，之後更不幸成為不明生物手下最後一個犧牲者）

魏惠文（退行，唔知係唔係因為爛賭發第一次做全職配音員嗰排經驗未夠感覺配得好生硬）——比利（Sonny Landham飾演，演員已故）
（有印第安原住民血統嘅救援隊隊員，善於根據現場留低嘅痕跡嚟達到判斷或者追蹤嘅效果，喺眾人當中對不明生物嘅感知力最強）

蔡惠萍——安娜（Elpidia Carrillo飾演）
（勉強算女主角，危地馬拉游擊隊女隊員，畀男主角一行人俘擄之後試過逃走兩次，但喺多次目睹恐怖場景之後決定同殘餘生還者合作對抗不明生物）

梁耀昌（退行）——鐵血戰士（Kevin Peter Hall飾演，Peter Cullen聲演，演員已故）
（裝備先進、體格健壯得嚟仲識隱形嘅外星不明生物，喺危地馬拉叢林殘殺多名美軍特種部隊成員，片尾中咗男主角嘅陷阱嘔血瀕死之際選擇自爆毀滅）

源家祥（已故）——賓（Jesse Ventura飾演）
（留二撇雞嘅白人大隻佬救援隊隊員，同光頭黑人美軍軍士當年一齊出生入死，有噍完煙葉吐口水嘅壞習慣，係救援隊當中嘅第二個受害者）

李智良（退行）——赫（Shane Black飾演）
（四眼仔救援隊隊員，負責用無線電聯絡地面指揮所，係救援隊當中嘅第一個受害者）
P.S.：存疑，由於良哥（李智良）退行比較早本人唔多熟把聲而且該角色唔係佢配開嘅衝動大隻佬類型所以準繩度得65%，另外35%本人認為有機會係早期嘅翟大師（翟耀輝），至於維基百科就同時記載李智良同馮錦堂（完全冇可能一聽就知）聲演哩兩種互相矛盾嘅講法。

張英才（退行）——Philips（全片冇提過角色名，R. G. Armstrong飾演，演員已故）
（留二撇雞兼頭頂地中海嘅美國將軍，同黑人中情局聯絡員夾埋氹男主角嘅救援隊空降到危地馬拉叢林執行黑色行動，片尾跟直升機嚟接男主角走）




影片名稱 鐵血戰士續集 Predator 2
（第二部鐵血戰士類型電影，情節部分改編自1989年推出嘅鐵血戰士漫畫，雖然口碑同票房都不盡人意，不過劇本豐富嘅想象力依然為續集提供咗唔少靈感）


首播日期 18/10/1992


重播日期 4/9/1993、16/7/1994、14/4/1995、21/1/1996、25/1/1997、24/10/2009、18/7/2010、28/8/2022


播放頻道 明珠台


備註 1990年美國電影


配音員 角色名稱 演員

招世亮（招sir對角色嘅性格特質把握得相當到位所以聲演效果超群）——夏米克（Danny Glover飾演）
（男主角，喺羅省警局服役18年嘅黑人副隊長，勇字當頭兼功勳卓著不過有暴力同偏執傾向，為公為私都要面臨同不明生物決一死戰嘅宿命）
P.S.：據資料顯示，該角色首配版由源家祥聲演。

古明華（退行）——鐵血戰士（Kevin Peter Hall飾演，Hal Rayle聲演，演員已故）
（擁有多種先進裝備、體格健壯得嚟仲識隱形嘅不明生物，喺羅省黑白兩道之間大開殺戒，影片後段畀男主角切斷左臂同喺決鬥當中殺死）

張炳強（退行）——祈彼得（Gary Busey飾演）
（以緝毒局加聯邦探員身份做掩護嘅特遣隊領隊，有名校物理科學博士學位，帶隊追蹤並試圖生擒不明生物以作研究用途，最尾畀不明生物嘅武器切開兩段）
P.S.：據資料顯示，該角色首配版由林國雄聲演。

蘇強文（阿So配哩種輕佻健談嘅角色簡直系開正佢嗰範）——林祖利（Bill Paxton飾演，演員已故）
（綽號“獨行俠”，主動要求調嚟嘅男主角新下屬，為人自信兼鐘意講低俗笑話，受男主角指派跟蹤特遣隊領隊，影片中段喺地鐵車廂被不明生物殺害）
P.S.：據資料顯示，該角色首配版由鄧榮銾聲演。

林保全（已故）——顏丹尼（Ruben Blades飾演）
（留二撇雞戴頸錬嘅資深探員，同男主角拍咗檔15年，自己一個喺案發現場調查嗰陣遭到不明生物毒手，令男主角幾乎喪失理智發誓一定要報仇）
P.S.：據資料顯示，該角色首配版由馮永和聲演。

曾佩儀——莉安（Maria Conchita Alonso飾演）
（男主角下屬女警，性格彪悍，影片中段喺羅省地鐵畀不明生物捉住但係因為肚裡面已經有咗BB所以倖免於難）
P.S.：據資料顯示，該角色首配版由方煥蘭聲演。

蕭徽勇——高（Adam Baldwin飾演）
（祈彼得手下，喺自己老細帶隊入屠房誘捕不明生物嘅時候負責監察同指揮，不過當不明生物反客為主發動攻擊之後就齋識擘大口得個窿）
P.S.：據資料顯示，該角色首配版由馮錦堂聲演。

朱子聰（已故）——蒲東尼（Morton Downey Jr.飾演，演員已故）
（羅省某電視新聞節目記者，為咗攞料而無所不用其極，係男主角一行人眼中典型嘅非洲和尚）
P.S.：據資料顯示，該角色首配版由招世亮聲演。

蔡惠萍——艾伊雲（Lilyan Chauvin飾演，演員已故）
（羅省法醫官及首席病理學家，由於畀聯邦探員阻止而無法參與對近期連環殺人案件嘅鑑證工作，幫男主角一行人分析搜集到嘅各種證物）
P.S.：據資料顯示，該角色首配版由區瑞華聲演。

潘文柏——皮（Kent McCord飾演）
（羅省警局隊長，受上頭壓力限制男主角對近期連環殺人案件嘅調查工作，但係其實一直都非常維護哩位好做得嘢嘅副手）
P.S.：據資料顯示，該角色首配版由張英才聲演。

陳欣——韓（Robert Davi飾演）
（滿面豆皮嘅羅省警局局長，因為多次嚴令手下警察唔准插手聯邦探員嘅調查工作而同男主角發生衝突）
P.S.：據資料顯示，該角色首配版由盧國權聲演。

潘文柏（阿柏配嘅時候專登再壓低咗把聲感覺好入戲）——威利（Calvin Lockhart飾演，演員已故）
（綽號“毒王”，羅省牙買加伏都幫幫會頭領兼黑人祭師，喺一條後巷裡面話畀男主角聽不明生物來自另一個世界，隨後同不明生物隻抽結果身首異處）
P.S.：據資料顯示，該角色首配版由張炳強聲演。

潘文柏——史哥（Henry Kingi飾演）
（羅省哥倫比亞毒販頭目，影片開頭率領幫會成員喺街頭同警方槍戰，退入大廈後遭遇不明生物襲擊而精神失常，最後連中男主角幾槍跌落樓下致死）
P.S.：據資料顯示，該角色首配版由鄧榮銾聲演。



另附2010版《鐵血戰士S》配音簡表（TVB應該係冇版權所以今輪冇播）：

黃啟昌——萊斯（Adrien Brody飾演）
曾佩儀——依莎（Alice Braga飾演）
梁偉德——Edwin（全片冇提過角色名，Topher Grace飾演）
蕭徽勇——勞朗路（Laurence Fishburne飾演）
陳卓智——Hanzo（全片冇提過角色名，Louis Ozawa Changchien飾演）
周良鴻——Stans（全片冇提過角色名，Walton Goggins飾演）
葉振聲——力高（Oleg Taktarov飾演）
劉昭文（退行）——Mombasa（全片冇提過角色名，Mahershalalhashbaz Ali飾演）
朱子聰（已故）——Cuchillo（全片冇提過角色名，Danny Trejo飾演）

simba82

D铁血战士甘鬼残暴，点可能静落心搞科研呢，仲要甘先进科技。

JVT

simba82 发表于 2022-9-17 09:46
D铁血战士甘鬼残暴，点可能静落心搞科研呢，仲要甘先进科技。

其实并唔矛盾，残暴嘅人搞科研都系为咗更残暴咁进行杀戮

snzt

首配版配音阵容强阿，我就系收藏呢版

JVT

snzt 发表于 2022-9-17 10:15
首配版配音阵容强阿，我就系收藏呢版

有《铁血战士续集》首配版？方便借嚟睇下吗？好好奇方焕兰唔扮阿福配正常女人声系咩样，多谢

snzt

JVT 发表于 2022-9-17 10:24
有《铁血战士续集》首配版？方便借嚟睇下吗？好好奇方焕兰唔扮小夫配正常女人声系咩样，多谢

睇咗第一部，第一部系首配，续集我唔知系唔系首配，未有时间睇

JVT

snzt 发表于 2022-9-17 10:26
睇咗第一部，第一部系首配，续集我唔知系唔系首配，未有时间睇

第一部之前预告消息有误话要重配，结果出街仲系首配（仲有其实配四眼仔嗰个到底系良哥定系阿翟呢）
续集首配版照计嚟讲最后一次出街应该系1997年，你对照备注部分听下就知道系首配定重配

asd2008asd

想吾到鐵血戰士90年代基本每年都重播

snzt

JVT 发表于 2022-9-17 10:29
第一部之前预告消息有误话要重配，结果出街仲系首配（仲有其实配四眼仔嗰个到底系良哥定系阿翟呢）
续集 ...

确认咗续集系重配

kingsky80

不是很懂，所以问一下，续集。 重播日期 4/9/1993、16/7/1994、14/4/1995、21/1/1996、25/1/1997、24/10/2009、18/7/2010、28/8/2022。哪些是第一次配音，哪些是第二次配音？