電影（1）《鬼打鬼》配音表
《鬼打鬼》，1980年上映嘅驚悚功夫片，由洪金寶自導自演，並聯合黃鷹共同編劇。
故事講述車夫張大膽有妻紅杏出牆，故而遭到姦夫連番設局陷害，不但被誣陷殺妻，更被術士追殺，又殭屍又請神咁，真係打到飛起。
童年經典。現在好難拍得翻呢種道術鬥法片，因為年輕一代無呢方面知識，如果劇組無人指導，單單係設壇，要擺乜、點樣擺都未必知，勉強拍出嚟都唔係個件事。
或者唔少人以為《鬼打鬼》係此類奇幻加喜劇加功夫嘅片種嘅先驅，但其實唔係，因為睇資料，同類作品起碼有由邵氏出品、劉家良導演、倪匡編劇嘅：《神打》（1975年）及，《茅山殭屍拳》（1979年）。
論武打，劉家班好揪，洪家班夠搏；論制作，老品牌邵氏點都仲有三斤釘，後起之秀寶禾影業靈活多變；論娛樂性，劉家良嘅兩部都唔差，衰在邵氏嘅影片係落畫後好少有得重溫，直到好多年後嘅天映推出復修版我至知道呢兩部作品。而寶禾嘅影片除咗電視有重播，錄影帶或VCD、DVD都好常見，所以講到人氣，《鬼打鬼》絶對高過前兩部。
出場序：
角色名（演員名）：配音員：簡介
骨罈A/B：賈鳳梧/盧傑
張大膽（洪金寶）：林保全：花名肥張，綠帽笠到落腳嘅車夫，受雇於譚老爺
張大膽老婆（梁雪薇）：何錦華：放蕩不羈嘅粉紅魔女
茶客A/B：盧傑/陳永信：撩鬼玩嘅損友
茶客C（杜少明）：鄧榮銾：撩鬼攞命嘅損友
譚老爺（黃蝦）：吳桐：表面係鄉紳，其實係狠毒財主佬
門僮：鄧榮銾：龍套
福伯（張景坡）：朱子聰：賣豆腐花嘅小販
食客：丁羽/盧傑：龍套
阿嬸A：聽唔出係邊個：福伯老婆/
偷窺者A（馮敬文）：賈鳳梧：龍套
偷窺者B（何柏光）：盧傑：龍套
阿嬸B（許瑩英）：聽唔出，但同福伯老婆係同一個配音員：龍套
柳師爺（太保）：陳永信：譚老爺傍友
錢真人錢開（陳龍）：賈鳳梧：黑心道士
徐真人（鍾發）：朱子聰：好心道士
錢真人弟子（有兩個，首先出場個位認唔出，但最後長生客棧大Battle個位係元武？）：盧傑
花老九（午馬）：丁羽： 白面老千
捕頭（林正英）：鄧榮銾：傲嬌！絕對係傲嬌！
捕快A/B/C/D（彭潤祥/周金江/錢昇瑋/劉觀偉/劉秋生/陳會毅？班潤生？）：陳永信/盧傑/朱子聰/鄧榮銾：聽得出係呢幾個配音員，但5、6個演員輪流演4個捕快，對白太少太快，分唔清邊個配邊個
衙役A（張志鴻）：朱子聰：負責送斷頭飯俾肥張
衙役B（夏國榮）：盧傑：負責俾肥張打暈
衙役C（鄭偉正）：陳永信：負責俾肥張打暈
衙役D（江道海）：鄧榮銾：負責俾肥張打暈
殭屍（元彪？）：無出過聲
義莊客仔：丁羽
茶寮伙計：盧傑
請神後嘅肥張（洪金寶）：何錦華
肥張與徐真人
徐真人
錢真人
財主與傍友
捕頭
粉紅魔女——全劇得佢呢個女角睇得下，將就啦
ncyee 发表于 2025-7-22 09:38
我小時候都以為係
系呀，我以前细个都一样 多谢楼主分享配音表，林保全都算系洪金宝嘅常任配音了 差唔多都系保全叔配洪金宝 呢一部電影冇睇過，多謝樓主講出來 哩部片好舊嘅喇 犀利，听得出咁多人 joe2010 发表于 2025-7-22 00:54
多谢楼主分享配音表，林保全都算系洪金宝嘅常任配音了
我小時候以為洪金寶就係呢把聲 hk112801 发表于 2025-7-22 07:11
哩部片好舊嘅喇
童年經典呀 waifung 发表于 2025-7-22 09:17
犀利，听得出咁多人
其實來來去去都係個十幾個人 snzt 发表于 2025-7-22 01:03
差唔多都系保全叔配洪金宝
係呀，聽慣咗，直至《快餐車》改咗配音真係好唔習慣