電影(2)《人嚇人》配音表
本帖最后由 ncyee 于 2025-7-24 00:02 编辑《人嚇人》，1982年上映，寶禾影業出品，午馬執導，洪金寶、黃炳耀編劇。此片被視作《鬼打鬼》續集，英叔道法宇宙亦由此開啟，論知名度及票房，比《鬼打鬼》有過之而無不及。
故事講述馬麟祥詐死意圖偷取馬家陪葬品，結果被同黨謀財害命，假死變真死。馬麟祥冤魂不息，借老友朱宏利肉身前去報仇，結果連累朱宏利一齊香。所幸朱宏利有未婚妻阿雲瞓晒身與陰差搏鬥，令朱宏利得以還陽。
影片結局定格在朱宏利與阿雲相親相愛大團圓，然而仔細想下：陰差講明一旦朱家有後，朱宏利就要立刻返落去報到，阿雲終成寡婦，朱家依舊淒涼。
即使有金牌搞笑編劇黃炳耀坐鎮，《人嚇人》笑料再密集亦難掩蓋悲劇意味。
出場序：
角色名（演員名）：配音員：簡介
朱宏利（洪金寶）：林保全：花名豬髧兜（馬麟祥專用）。朱家單傳，誤交損友嘅人辦。關於名字，粵語版叫朱宏利，即「豬橫脷」嘅粵語諧音，係豬嘅胰臟。國語版叫朱大腸，都係內臟咁啦
偷情男（錢昇瑋）：楊捷康
偷情女（梁雪薇）：雷碧娜
被戴綠帽嘅死鬼（彭潤祥）：鄧榮銾
二叔公（林正英）：金貴：紙紥鋪老闆，老當益壯苦命人，睇住父親、兄長、姪子陸續逝世，怕且都要送埋姪孫朱宏利終，兼夾幫手湊大朱宏利個仔，都唔知算唔算係有希望
紙紮鋪伙計A（陳龍）：陳永信：負責搞笑，花名毛毛
紙紮鋪伙計B（劉秋生）：盧傑：負責搞笑
不明路人（魚頭雲）：朱子聰：客串
阿雲（鍾楚紅）：沈小蘭：朱宏利指腹為婚嘅未婚妻，顏值足以扛起小半票房，在編劇安排下對朱宏利一往情深，實在令人嘆惜
楊舉人（杜少明）：鄧榮銾：醉眼看人生，飲極都唔斷片
鎮長（張景坡）：賈鳳梧：得佢爆料至令詐騙集團對馬麟祥起殺心，但畢竟鎮長滿懷善意，所以99%觀眾會原諒佢
術士（鍾發）：楊捷康/靈堂打齋一幕由黃志成代配咗兩句：詐騙集團主腦，識啲法術，有啲功夫，論隻揪打唔過馬麟祥
李月盈（許良美）：雷碧娜：詐騙集團主腦嘅老婆，蛇蠍美人
村民A/B：鄧榮銾/盧傑
彩姑（許螢英）：盧素娟：老鴇
小翠：沈小蘭：彩姑嘅員工，號稱80歲阿伯都搞得掂嘅好手
馬麟祥（午馬）：朱子聰：馬家獨苗敗家仔。雖然名叫馬撚長，但係完全唔使得；雖然呢方面唔使得，但功夫意外地使得；雖然功夫使得，但都係被圍毆致死。老實講，佢值得嘅，唔使可憐佢
紙紮鋪伙計C：鄧榮銾：提醒朱宏利送貨嘅龍套
錢百達（錢月笙）：盧傑：明面係打齋師傅，暗面打劫陰司路
阿嬸（方茹）：盧素娟：應該係楊舉人老婆
百厭仔（李嘉豪）：沈小蘭：負責係靈堂搗亂增加危機感
百厭仔父母：賈鳳梧/雷碧娜：龍套
行夜街嘅村民C（劉一帆）：陳永信：客串
行夜街嘅村姑（陳潔雲）：盧素娟：負責被捉弄
夜市熟食檔小販A/B：賈鳳梧/鄧榮銾：龍套
鬼上身嘅朱宏利（洪金寶）：朱子聰
詐騙團伙A（元武）：陳永信：負責打
詐騙團伙B（權永文）：賈鳳梧：負責打
吹水嘅村民D（太保）：盧傑：負責驚
紙紮鋪伙計D：楊捷康：龍套
陰差A/B/C：朱子聰/賈鳳梧/盧傑：朱宏利回煞夜負責押送嘅陰差
《人嚇人》結尾Battle居然係靠鍾楚紅撐起，近8分鐘嘅無實物表演，劇力未有鬆散，充份顯現出紅姑唔係花瓶咁簡單
阿雲
朱宏利與二叔公
二叔公英姿
紙紥鋪搞笑二人組
馬麟祥
詐騙集團合影，背脊出鏡個位係鎮長
詐騙集團主腦夫婦 多谢楼主分享配音表，好似仲有部《鬼咬鬼》都系洪金宝同林正英主演嘅，加起身就系三部曲了？ joe2010 发表于 2025-7-23 12:02
多谢楼主分享配音表，好似仲有部《鬼咬鬼》都系洪金宝同林正英主演嘅，加起身就系三部曲了？ ...
從年份嚟睇，洪氏靈幻三部曲應該係：鬼打鬼、人嚇人、人嚇鬼。再有1985年殭屍先生，然後直至1990咁上下先有鬼咬鬼。鬼咬鬼係系列作品，成績唔錯但影響無前三部咁大 多謝分享《人嚇人》配音表 配音表学习下 咁得人驚嘅？ hk112801 发表于 2025-7-23 12:48
咁得人驚嘅？
但係好好笑喎 这帖子没提供下载资源？ 人吓人会死人 龙飞不败 发表于 2025-7-23 13:36
这帖子没提供下载资源？
這个帖子只是配音表，不過坛里可能有资源