電影(3)《人嚇鬼》配音表
《人嚇鬼》，1984年上映，寶禾影業出品，錢月笙執導，區炳南編劇，洪家班主力。
話說當時大哥大洪金寶埋首於福星系列，對於靈幻功夫片無暇兼顧卻又不想放棄，所以放權俾其他兄弟去做，結果，咁就出事。
洪金寶好聰明好識講故事，《鬼打鬼》《人嚇人》皆係以一個個民間風俗鄉里異談組成，豐富熱鬧又能緊扣劇情，尤其係《人嚇人》，乾淨俐落無咩多餘情節，十分引人追看。
到《人嚇鬼》，洪金寶參與度大減，劇組選取材料失當，以至電影頭重腳輕。雖然小段子豐富，動作保持水準，但情節鬆散且欠缺衝突，幾段整蠱情節顯得無謂，真正來自Boss嘅迫害只在最尾20分鐘出現，匆匆打一場，主角團仲要唔夠打，唉。
故事講述一個戲班落鄉遇鬼，最後化險為夷。劇中意趣在於對戲班種種描述，某情節係半夜英叔在後台熨衫，聽到戲台隱約傳來歌聲，提燈查看，燈光所及空無一人，轉頭入返後台，戲台又飄來歌聲。呢段戲氣氛好好，真係俾隻鬼你睇你未必會驚，陰陰濕濕咁反而得人驚。
《人嚇鬼》係洪氏靈幻三部曲嘅終章，口碑與票房皆不如理想，差啲成為該類片種終結，好在，好戯在後頭，下次再講。
出場序：
角色名（演員名）：配音員：簡介
老鬼：盧雄：請人演戲用陰司紙找數，名符其實搵人笨
聲叔（林正英）：金貴：由武生熬成老箱頭，長年帶領戲班走埠登台，見多識廣，算係阿貴等人嘅師傅。武術道術雙修，但明顯武術高一籌
戲班雜役A：賈鳳梧
小團體之1（陳龍）：陳永信：人稱阿標，戲班跑龍套，跟住阿貴一齊搗蛋
阿貴（董瑋）：鄧榮銾：原本係戲班跑龍套，後升為小武。有啲小聰明，經常帶住小團體4人搗蛋，尤其鍾意整蠱阿楷
小團體之2（劉秋生）：林保全：戲班跑龍套，跟住阿貴一齊搗蛋
小團體之3（元武）：盧傑：戲班跑龍套，跟住阿貴一齊搗蛋
路人A/B：朱子聰/盧傑：天黑黑兩個男人匿埋係草叢都唔知想點
小團體之4（吳勉勤）：丁羽：戲班跑龍套，跟住阿貴一齊搗蛋
骨罈：朱子聰：幾好脾氣㗎
阿楷（羅浩楷）：朱子聰：戲班武生，衰格爛滾乞人憎
戲班班主（張景坡）：賈鳳梧：負責息事寧人
潮州鬼（錢月笙）：曾慶珏：愛玩鬧嘅無主孤魂，生前被斬件，死後被欺凌，正式做鬼都唔靈。睇樣貌當然似男，但衣衫似係女，粵配亦係女聲，但國配係男聲嚟喎，一直搞唔清佢到底係男係女
惡鬼：登場時陳永信，Battle時賈鳳梧：要華光仙師出手至搞得掂嘅Boss，戰鬥力坐B望A，暴戾成性，得閑就打潮州鬼解悶
兒童A/B：沈小蘭/盧素娟：半夜仲係街頭巷尾玩，見到佢地嘅驚嚇度同見鬼差唔多
飯館老闆（馮敬文）：盧雄：客串
戲班男工：盧傑：睇扮相應該係跑龍套
戲班女工A/B：沈小蘭：睇扮相應該係梅香
戲班老人：賈鳳梧：未上妝，但都係龍套多
麗姐（劉雅麗）：盧素娟：戲班花旦，頗為巴辣，炒菜煲湯有一手
夜檔食客（午馬）：金貴：負責表演花式食麵
行夜街嘅夫婦：朱子聰/盧素娟：負責被嚇
鬼上身嘅阿楷（羅浩楷）：曾慶珏
聲叔
阿貴與小團體
戲班㒰人
阿楷
麗姐－呢位劉雅麗係TVB演員，唔係演舞台劇同唱歌個位劉雅麗
潮州鬼
惡鬼
但有華光仙師在，無驚
配音资料好详细 还是很不错的 唔少人三部都有份 人都可以吓鬼 又一部林正英鬼片 snzt 发表于 2025-7-24 14:34
唔少人三部都有份
因为係洪家班主力 多谢楼主分享配音表，好似呢部英叔加埋班徒弟都唔够只恶鬼打… joe2010 发表于 2025-7-24 20:43
多谢楼主分享配音表，好似呢部英叔加埋班徒弟都唔够只恶鬼打…
無錯，所以最后Battle睇得唔太畅快 ncyee 发表于 2025-7-24 21:29
無錯，所以最后Battle睇得唔太畅快
好似有部鬼片《魔高一丈》都系结尾决战突然好快就结束
页:
[1]
2