想講下睇完《巨人》嘅感受
齣卡通有啲軍“囗或”主義嘅味道，尤其比較貫穿後期地話為咗完成大業其實係可以有適當嘅犧牲，哪怕是推人哋去犧牲，，呢一點係比較明顯嘅。我比較欣賞卡通對種族嘅思考，一種物種去殺另一種物種，其實係一種本能，冇對錯之分。因為種族唔等於物種，種族之間嘅仇恨系咪因為物種之間嘅競爭？還是我哋之後應該以實際具體某個個體佢做咗啲乜野行為，去判斷佢嘅好壞，而唔系因為佢嘅種族而判斷佢係好人壞人呢？就好似大陸叫獸話HK人係狗，HK部份人話大陸人係蝗蟲，其實都係以種族去劃分人，甚至只系以嗰個人嘅出生地去劃分人，而唔系針對佢系咪做咗啲乜野壞事嚟講，我哋譴責嘅應該係行為，而唔系嗰個種族嘅全部人。好比艾倫第一次變咗巨人之後，嗰群人類要即刻殺咗佢，一方面作者要展示人類嘅恐懼同懦弱，其實另一方面亦想話嗰啲人類好無知，唔系用艾倫嘅行為去判斷佢好定壞，而係以艾倫嘅身份去判斷。但作者多少亦有啲軍“囗或”味道，因為佢將“物種”同“種族”嘅概念混淆，可以話係藝術化嘅必須手法，但思路唔清晰嘅觀眾好容易導引到軍“囗或”嘅想法。
然後我想講我討厭呢齣卡通嘅地方。與其話討厭，其實話“恨”比較貼切，正如張愛玲話人生有三恨，恨紅樓未完。——你唔中意呢點，但其實係想佢做得更好。
首先我唔中意佢拖沓，半個鐘嘅卡通已經唔長，減咗廣告得20分鐘，其中分半鐘OP、分半鐘ED，有時仲鬼死咁長嘅前文回顧，經已冇乜內容， 仲要啲角色睩大隻眼你啤我我啤你都搞足十幾分鐘。當年《龍珠》發明咗用谷油去拖戲，《足球小將》發明咗跑極都跑唔完嘅球場去拖戲，《男兒當入樽》仲離譜，等我以為籃球場其實係大過足球場嘅，，，而家《進擊的巨人》發明咗用睩大隻眼嚟拖戲，真系一大突破。
結果，第一季成25集咁長，其實得那麼三幾個段落故事，到最後乜Q都冇交代過，點解變巨人、為咗乜野變巨人？或者作者都未諗倒，又或者根本個理由好淺白，例如憎恨人類、要人類反省之類，所以就費事講出嚟。
拖沓點解乞我憎，上面講嘅，都只系表面嗰浸。著名劇作家、電影人蕭若元講過，一齣長篇劇或者長篇故事，要做得長係要有幾個必要因素，否則只能拍成段落劇或者單元劇。長劇其中好重要嘅一點就係——成長。
《巨人》入面嘅主角，每每用睩眼表達佢嘅恐懼、糾結、憤怒、熱血（當然我又唔覺得嗰啲內容有幾值得咁憤怒或者咁恐懼或者咁熱血），但每次佢都冇反思，下一集佢又繼續咁睩眼。其實系咪每次遇到同樣嘅嘢都有必要一樣咁恐懼、糾結、憤怒、熱血呢？好似之前未遇過咁，每集都好似新遇到巨人咁（集集都同樣反應~我係諗倒嗰個見親蕉皮都跣嘅keroro嘅啫，問題呢齣又唔系搞笑卡通）。佢冇因為今集睩完眼，下一集懂得諗得更進步更智慧，佢永遠好似郭靖咁蠢，周圍嘅人喝佢嘅喝佢、死嘅死，佢先覺悟。算喇，我當佢死牛一邊頚，或者蠢過郭靖，但你下一集起碼都變咗超級撒雅人嚟睇下。經過教訓，佢思想冇成熟，能力冇長進，一個行為套路、能力招數都冇變過嘅人撐住成齣戲，結果佢每遇到新挑戰或者問題都係同一個套路去反應、同一堆招數去對敵，其實就係replay再replay。。。。即系點解我細個好憎睇《聖鬦仕》，永遠係天馬流星拳。我都唔系要求你思想成熟，就當艾倫份人係咁古板，但起碼出啲新招，。好似《爆漫》雖然每季同樣25集，但主角係不斷思考新嘅漫畫去戰鬥，每一部漫畫（戲中戲）唔止份量十足，而且每次都有新嘅想法同沖擊，緊湊得很。就算睇龍珠都見，先係齋打，然後加嚿雲同椂棍，跟住發波、界王拳（仲按倍數上）、元氣彈、超級撒雅人……招數層出不窮。而且而家已經唔系20年前，龍珠拖沓係我哋觀眾20年前嘅觀賞標准（起碼勉強可以接受），呢個年代仲可以用咁慢嘅節奏去做？
而且戰鬥類動漫我唔覺得係可以慢慢回味回甘~咁慢慢去咀嚼，好似dap茶歎酒咁，就算講深度嘅漫畫，你係以揭露人性醜陋、宣揚價值觀為深度嘅話，其實都唔適合慢節奏，因為當中人性嘅沖突先能夠突顯嗰啲你嘅深度，而呢啲沖突一慢就覺得係悶騷，。真系要慢慢dap真啲味道嘅卡通，我覺得係《蟲師》嗰類，而唔系《巨人》呢類以戰鬥包裝嘅揭露人性嘅動漫。
……
當時，係衝住《巨人》嘅名聲去睇嘅，以為可以同《鋼煉》fight，結果我係失望多於驚喜嘅。
當然，以上只系我個人意見。
我妈 很喜欢 看 巨人 够 刺激 本帖最后由 geniuz 于 2014-5-25 23:10 编辑
其實“冖車”國主義嘅特點真系幾濃。
都唔好講佢將“種族”同“物種”撈埋呢啲~需要思辯層面嘅嘢。一切民族主義都係先激起仇外，營造被迫害情緒（其實而家天朝都係），反正外來非我族類就一定係衰嘅、冇思想感情、食人嘅。
點解巨人叫titan而唔系giant？因為giant只系巨大嘅嘢，而titan有種族嘅意思。
或者講啲表面啲嘅證據比較好理解。被城牆保衛嘅人類，就好似四面被海包圍嘅日本，海係保護咗日本（當年唐、元討日都唔成功就因為個海），但同時亦限制咗日本，尤其內部資源匮乏，人口又多。
最重要係美化一群積極向外擴張嘅人（偵察隊），為咗自己種族做乜野事，犧牲乜野，好似都係合理嘅、偉大嘅。而嗰啲批評右翼嘅人，被描述成只有兩種理由，唔系因為既得利益就係消磨意志，卡通入面鬧偵察隊嘅民眾就好似日本鬧右傾嘥嗮啲錢擴軍備。當然亦要貶低內牆嗰班兵，意志消磨都唔止，仲孳生腐敗。其實作者亦有恨鐵不成鋼，覺得呢一代日本人太安逸，一旦面對突變無法應付，應該不斷鍛煉兵力。
繼而將“人類”呢個詞嘅本身、同呢個詞嘅含義~~相混淆，卡通入面嘅“人類”其實只系代表日本人，而其他種族就比喻成怪物，食人嘅怪物。但我哋作為觀眾睇嘅時候，難免有情緒代入自己係“人類”，我哋會將“人類”理解成所有現實嘅人類，就好容易去贊同其實係指日本人嘅人類嗰啲殺嗮外族嘅諗法。將為小族群做嘢講成為普世而努力咁。 我相信樓主大人, 太過迷信咩國家人民, 民族之類的看法, 故事唔係咩特別, 保護自己係正常不過... 而劇中巨人唔可以話係生物, 因為, 佢地唔食野係唔會死的, 打爛個頭都可以自動復元, 普通人類根本係一D反擊都做唔到, 走都走唔甩... 仲點可以話城牆入便D人係意志消磨或者腐敗呢?而寫故事手法都係而家時下常用的野, 一大堆迷團, 一大堆野唔交代, 一大堆問號, 等你追落去姐, 十幾年前EVA已經用緊...
你唔鍾意的拖戲係正常, 基本上電視上的動畫, 近十年多半都係咁, 邊度仲有人俾大錢動畫公司做好野呀?如果唔係知道會大HIT, 可以賣碟賣玩具補番條數, 我地都唔會仲有高達, 鋼煉睇啦. 睇咗前幾集，無想象中好睇，即刪
我當時都係見佢咁出名就睇下，但係比我想像中冇咁好睇，但都可以接受到既，不過就唔係好明點解咁多人都話好好睇咁咯:P
而我就覺得比起巨人，個套SAO就仲___喇(自己填落去啦)，尤其是頭半PART，感情位&描述完全唔到位，最基本既起承轉合都冇，本來個故事一開頭個寫得唔錯架，但係冇黎啦更男女主角一集之間就起埋一齊，講佢地攻塔講鬼咁死耐，2次突然之間打大佬，2次對方實力都咁屈佢機，但2次都好快KO對方，真係比佢吹漲
页:
[1]