動畫的資金來源
細個睇卡通唔明咁多，加陣先知完全係商業行為，７０年代後開始的日本機械人卡通，就係為左賣玩具，８０年代好出名的日本機械人玩具，平的十幾廿蚊可以在報紙檔買，貴的超合金玩具可以去到一百蚊要到百貨公司買。
一套動畫就係拍來為了賣玩具。
成功的如《變形金剛》，《高達》，賣玩具賣模型賺到爆，
所以動畫就源源不絕。
《高達》最勁，甚至去到為到砌高達模型出一套《高達創戰者》系列。
但無錢的動畫就好大鑊，好似《結界師》咁，竟然動畫化期間製作公司無錢要暫停，拖累動畫收視，令到中途腰斬，去唔到結局。
類似的，
我細個真係唔明。比如為何《貓之眼》、《城市獵人》與《聖鬥士星矢》沒有跟著漫畫出到結局呢？
原來因為無額外收入，無錢，熱潮退了，計過度過，就不再繼續動畫化。
之如此類，
都係一門生意。
資本主義、自由市場、無形之手，真係好偉大，亦好殘忍。
不是!玩具不直接幫到勁畫，你睇入樽當年漫畫未完動畫已完，其實賣去外國先有錢每個地方版權費!其實是睇製作公司或電視台! 聖鬥士星矢唔止出到結局
重有新一輯添 有好多漫画改编的动画都无出晒 所以現在才大多數動畫都只有13集來試水溫 所以宜家d剧集数越缩越短。。 所以依加D动画得十几二十集左右 毕竟周边产品都系一大收入。
hikaruyin 发表于 2016-12-20 19:50
所以現在才大多數動畫都只有13集來試水溫
從前出套卡通，一個變成魔鏡盒，一個急先鋒天眼，都可以賣到錢。
加陣，
都幾難。
係咪賣洞爺湖支木刀？定紅櫻？定係定春？ 即使慈善機構都要搵收入，要維持收支平衡行，冇錢出糧邊有人幫你做嘢？細個覺得播動畫係天經地義嘅事，大個就知沒有免費午餐。
响電視播，香港係免費，日本有收費電視，不過主要都係靠廣告支持。係兒童節目可以賣乜廣告呢？咪就係玩具囉，都好直接啫。既然係玩具，就直接係播緊嗰套喇。
( 希望冇記錯 ) 記得當年高達話唔會出續集，但模型又真係大賣，咁唯有出一啲電視冇出過嘅系列，名為 MSV。
我認為《高達創戰者》係為左將高達目標群轉為細路，因為 Gundam Age 幼兒向而劣評，唯為另開系統。
页:
[1]
2