TVB版西片《生死時速》配音表
本帖最后由 JVT 于 2022-4-25 22:58 编辑影片名稱 生死時速 Speed
（公路驚悚動作片，橋段喺當時令人耳目一新）
類別 電影
首播日期 31/8/1997
重播日期（已知，實際上估計唔少於5次） 7/2/2009、16/4/2022
播放頻道 明珠台
備註 1994年美國電影
配音員 角色名稱 演員
陳欣（常配，御用型仔聲）——卓積奇（Keanu Reeves飾演）
（片中角色名唔帶姓氏時用英文讀，暱稱“積”，男主角，膽生毛嘅洛杉磯警察，因為破壞彭賀維嘅炸電梯勒索計劃而被針對）
陸惠玲（常配，90年代碌Lane配咗唔少傻大姐角色）——安妮（Sandra Bullock飾演）
（片中角色名用英文讀，女主角，因干犯超速駕駛而局住搭巴士，點知今回反而要「奉旨」超速駕駛）
張炳強（退行，炳強叔配到角色嘅陰狠感覺但係又有啲唔多夠粗野）——彭賀維（Dennis Hopper飾演，演員已故）
（本片大反派，退休前任職於阿特蘭大警局拆彈組，因為不滿退休金太少而製造炸彈勒索事件，殺人唔眨眼）
招世亮（招sir配得好食角色性格）——譚夏利（Jeff Daniels飾演）
（片中角色名唔帶姓氏時用英文讀，男主角拍檔兼老友，拆彈專家，性格比男主角謹慎，相當有頭腦）
盧國權（權叔配哩種角色非常自然，有可能佢性格本身就係咁開通）——麥（Joe Morton飾演）
（警察隊長，同下屬打成一片，為面臨危機嘅2525號巴士一路保駕護航）
蘇強文（夠晒輕佻）——Stephens（Alan Ruck飾演）
（全片冇提角色名，喺洛杉磯國際機場搭乘2525號巴士嘅遊客，口水多過茶）
源家祥（已故，毛叔食到角色性格但年紀有啲偏大）——奧斯（Carlos Carrasco飾演）
（紥住條辮嘅拉丁裔乘客，喺男主角同巴士上嘅持槍嫌犯對峙嗰陣魯莽出手，導致巴士司機中槍）
P.S.：維基百科資料錯到離晒大譜，竟然話係Jimmy配，Jimmy配嘅應該係另一個同奧斯對鬧嘅乘客。
黎偉明（已故，當年啲健談黑人角色基本上都係佢配）——積架車主（Glenn Plummer飾演）
（揸積架嘅黑人遇著阿積，哩鑊仲唔「黑上加黑」？）
李錦綸——森（Hawthorne James飾演）
（片中角色名用英文讀，2525號巴士司機，無喇喇畀人從背後一槍焫中，搞到要提早落車入廠）
黃鳳英——海倫（Beth Grant飾演）
（同女主角一齊坐嘅女乘客，由於驚得滯想落車，反而成為車上唯一一個犧牲者）
林國雄——樂活（Richard Lineback飾演）
（留住兩撇鬚嘅白人警察，係麥隊長嘅左右手，一直協助解救人質）
鄺樹培（退行）——Ray（Daniel Villarreal飾演）
（全片冇提角色名，匿藏喺2525號巴士嘅犯罪嫌疑人，見到男主角上車以為要捉自己於是掹出左輪手槍同佢對峙）
盧國權配麥最有感觉 每一次奇洛李维斯都系陈欣配的，有无试过例外？ TVB 不停重播又重播 点解明珠台唔播放《生死时速2》？
呢排係甘播的懷舊西片 多謝分享 热情人心 发表于 2022-4-25 20:41
盧國權配麥最有感觉
嗯，配得好幽默下 生化之父 发表于 2022-4-25 21:28
点解明珠台唔播放《生死时速2》？
哩部唔掂，无论剧情同票房都系，奇洛李维斯当时唔知系因为片酬问题定系觉得剧本太差冇接 snzt 发表于 2022-4-25 20:45
每一次奇洛李维斯都系陈欣配的，有无试过例外？
后期嘅片可能试过其他人配，因为陈欣忙到踢晒脚唔得闲再配主角 JVT 发表于 2022-4-25 22:39
后期嘅片可能试过其他人配，因为陈欣忙到踢晒脚唔得闲再配主角
例如边部？都听到惯晒，奇洛李维斯我仲未听过陈欣以外的配音