TVB西片《天煞：地球反擊戰》配音表
本帖最后由 JVT 于 2022-8-18 14:33 编辑影片名稱 天煞：地球反擊戰 Independence Day
（由著名科幻片導演羅蘭·艾曼力執導，由哩部戲開始佢就踏上咗作為“地球毀滅者”嘅生涯）
首播日期 3/1/2001（翡）
重播日期 24/3/2002（明）、20/7/2003（明）、26/2/2005（明）、19/11/2006（明）、3/4/2009（明）、1/1/2010（明）、18/6/2016（明）、30/7/2022（明）
播放頻道 翡翠台、明珠台
備註 1996年美國電影
配音員 角色名稱 演員
招世亮（招sir大多數時候都配得好除咗戰前動員演講配得唔夠熱血沸騰）——韋唐銘（Bill Pullman飾演）
（第一男主角，以前喺海灣戰爭做過戰機機師嘅美國總統，膝下有一女，片尾親自上陣率領全球軍隊向外星人發起反攻）
潘文柏（阿柏把聲好適合配滄桑嘅男人）——黎大衛（Jeff Goldblum飾演）
（第二男主角，麻省理工畢業嘅紐約有線電視維修員兼環保份子，同前妻離婚3年但仍然深愛對方，最早發現外星人信號嘅秘密並且成功破壞外星人嘅保護罩）
黎偉明（已故，早年TVB韋·史密夫常配而且配得好出色）——夏史迪（Will Smith飾演）
（第三男主角，駐埃爾托羅基地嘅美軍黑人上尉，同條女兩母子加隻狗一齊喺洛杉磯同居，飛行技術超班不過出於各種原因而無法一償揸穿梭機嘅夙願）
曾秀清（阿清平時好少配哩種柔中帶剛嘅角色不過效果意外拔群）——夏彩敏（Vivica A. Fox飾演）
（第三男主角條女，靠跳豔舞嚟養自己個仔嘅黑人舞女，洛杉磯被外星人毀滅之後帶領倖存者去埃爾托羅基地，同第三男主角重逢之後喜結連理）
P.S.：唔知點解各種資料以訛傳訛將該角色個名寫成“布彩敏”，佢隻狗叫“布仔”（Boomer）並唔代表佢姓布，因此該角色應該按結婚之後隨夫姓嚟命名。
蔡惠萍——康妮（Margaret Colin飾演）
（第二男主角前妻，白宮發言人，非常敬仰第一男主角，3年前認為第二男主角既冇嚟大志又衝動魯莽而同佢離婚，最終經歷巨變之後同前夫重修舊好）
源家祥（已故，毛叔把聲慈祥幽默得嚟又有力量十足包青天上身）——黎祖利（Judd Hirsch飾演）
（第二男主角嘅爸爸，篤信猶太教，看似一個口水多過茶嘅普通阿伯，實際上喺某啲時候可以畀到其他人關鍵嘅靈感或者啟迪）
譚炳文（已故）——紀（Robert Loggia飾演，演員已故）
（美軍四星上將，協助第一男主角喺第51區指揮反擊部隊，尤其是影片末段第一男主角駕機升空之後更加統籌全局）
張炳強（退行）——艾拔（James Rebhorn飾演，演員已故）
（根據片中對白佢可能姓凌，曾任中情局局長嘅美國國防部長，由於喺外星人入侵前刻意隱瞞第51區嘅存在以及提供太多錯誤意見而被第一男主角炒魷）
黃鳳英——韋美蓮（全片冇提過角色名但係可以參考續集，Mary McDonnell飾演）
（美國第一夫人，喺洛杉磯因為太遲上直升機撤離而遭外星人武器攻擊導致墜機重傷，畀第三男主角條女搵到並一直捱到見咗老公同個女最後一面先死）
黃子敬——祈羅素（Randy Quaid飾演）
（越戰時做過機師嘅殺蟲劑噴灑員，常年酗酒仲聲稱外星人10年前捉走自己去做實驗所以畀人當癲佬咁睇，片尾駕機同第51區上空嘅外星人飛船同歸於盡）
梁耀昌（退行）——奧柏基（全片冇提過角色全名但係可以參考續集，Brent Spiner飾演）
（第51區主管外星人研究計劃嘅博士，過去15年嚟一直負責該項目，影片中段畀外星人捉住並實施咗心靈感應，從此昏迷20年）
林保全（已故）——馬迪（Harvey Fierstein飾演）
（疑似係第二男主角嘅上司，平時極其依賴第二男主角嘅專業知識，喺被告知外星人即將攻擊嘅時候一味掛住打電話畀自己識嘅人，最尾仲係走唔切）
李錦綸——祈米高（James Duval飾演）
（祈羅素大仔，對自己神經質嘅酒鬼老豆諸多不滿，直到爸爸升空作戰即將犧牲嗰陣先至意識到父子情嘅可貴）
陳欣——曹（Adam Baldwin飾演）
（負責第51區保安工作嘅美軍少校，畀第一男主角命令用手槍射外星人飛船上面嘅可樂罐，成功印證第二男主角利用病毒破壞外星人防護罩嘅可行性）
雷霆——占美（Harry Connick Jr.飾演）
（第三男主角戰友加死黨，喺第三男主角第一次升空作戰嗰陣同佢並肩作戰，畀外星人飛船追擊期間因為座機被擊中而戰死）
黃鳳英——夏迪倫（Ross Bagley飾演）
（第三男主角繼子，跟住阿媽同第三男主角喺洛杉磯同居，自細就有打外星人嘅豪情壯志）
P.S.：唔知點解各種資料以訛傳訛將該角色個名寫成“布迪倫”，佢隻狗叫“布仔”（Boomer）並唔代表佢姓布，因此該角色應該隨繼父嘅姓氏嚟命名。
梁少霞——韋柏絲（Mae Whitman飾演）
（第一男主角個女，阿媽傷重不治之後同第三男主角嘅繼子做咗朋友）
P.S.：存疑，最初感覺係麗芳姐（黃麗芳），後來睇到網友我唔食猪肉嘅意見之後，再對比下貌似Sharon（梁少霞）嘅可能性會大啲。
梁少霞——祈（全片冇提過角色名不過演員表寫住叫Alicia，Lisa Jakub飾演）
（祈羅素個女，鍾意照鏡發姣嘅少女，唔係大佬叫住嘅話連初夜都畀人呃埋）
梁偉德——祈杜萊（Giuseppe Andrews飾演）
（祈羅素細仔，大多數時候見親都係坐喺電視機前面，坐車坐得耐會嘔）
P.S.：勘誤，開始以為係Jimmy（郭志權），但係聽網友snzt講完再翻去聽真啲，應該係德仔（梁偉德）至啱。
黃麗芳——Tiffany（全片字幕冇打角色名不過台詞有提到，Kiersten Warren飾演）
（台詞讀成“泰芬”，同第三男主角條女一齊跳豔舞嘅姊妹，外星人狂熱愛好者，傻更更攞住塊牌去大廈天台打算迎接外星人結果灰飛煙滅）
有郭志权，系咪当时距短暂返来TVB个阵配架 tvb的配音真系好正 snzt 发表于 2022-8-17 19:02
有郭志权，系咪当时距短暂返来TVB个阵配架
听你讲一讲，翻去听真啲，发现自己搞错咗，嗰个应该系德仔而唔系Jimmy（原来德仔之前系Jimmy配花轮怪唔之得会听错） kjtifl 发表于 2022-8-17 19:49
tvb的配音真系好正
嗯，大多数时候算系粤语配音嘅天花板啦 前排先返煲一镬，经典 本片多年后再拍续集？
JVT 发表于 2022-8-17 20:31
听你讲一讲，翻去听真啲，发现自己搞错咗，嗰个应该系德仔而唔系Jimmy（原来德仔之前系Jimmy配花轮怪唔之 ...
德仔同Jimmy把声系似，讲到有豆豆有潘文柏同时又有Jimmy应该只有一小段时期 生化之父 发表于 2022-8-17 21:32
本片多年后再拍续集？
20年之后，同电影剧情时间线一样咁长时间 snzt 发表于 2022-8-17 22:07
德仔同Jimmy把声系似，讲到有豆豆有潘文柏同时又有Jimmy应该只有一小段时期
Jimmy有一种好特殊嘅唞气方式，德仔冇，唔听真啲有时会混淆