TXB明珠台电影《极度深寒》配音表

joe2010

影片名稱：極度深寒 Deep Rising

備註 1998年美國電影

翻譯：葉志英

明珠臺電影《極度深寒》（又名「深海攔截」），系一部恐怖怪獸動作片

本故事純屬虛構，如有雷同實屬巧合

角色名稱：（演員）配音員

費尼：（特里特·威廉斯 飾演）陳欣
男主角，快艇船長，幫一班雇傭兵運送貨物到接近南海嘅某處公海，原來呢班雇傭兵計劃洗劫大型豪華郵輪「阿爾戈英雄號」，而貨物系魚雷，準備洗劫後炸毀郵輪用嘅，快艇中途意外故障，男主為修好快艇，被雇傭兵帶上郵輪揾零件，發現整艘郵輪嘅船員同乘客被一只深海巨型霸王章魚幾乎全滅，為咗逃離怪獸魔爪，幫隊友報仇，男主用自己嘅快艇同魚雷炸毀咗郵輪，將怪獸消滅

翠莉：（芳姬·詹森 飾演）蔡惠萍
女主角，系出名嘅珠寶大盜，混上「阿爾戈斯英雄號」盜竊名貴珠寶時失手被擒，被關進郵輪儲物倉，逃出後遇到男主及雇傭兵一行，加入小隊一齊逃亡，救過男主一命，對男主有好感，二人互相拍檔成為生還者成功脫險，搭摩托艇逃到一個小島之上

彭祖兒：李錦綸
男主角嘅隊友，快艇機械師，最早發現快艇上藏有魚雷嘅秘密，喺郵輪被炸毀後幸運地抓住一塊浮板，傻人有傻福，漂流到男女主所在嘅小島

（下列角色根據影片剧情按死亡順序由後到前排列）

簡西蒙：源家祥
反派Boss，造價四億八千萬七百六十萬美元大型豪華郵輪「阿爾戈英雄號」船主，亦系郵輪嘅設計同投資建造者，為人自私自利，由于預算失策，郵輪嘅運營開支費用高昂遠超盈利收益，入不敷出，為解決負債危機，故意破壞郵輪電腦系統令其拋錨，勾結雇傭兵上船洗劫乘客財物（乘客都系有錢之人），計劃等疏散乘客後再炸毀郵輪騙取保險賠償，豈料人算不如天算，深海怪獸上咗郵輪肆掠將其變成人間地獄，逃生途中，西蒙故意指錯路比其他人，自己喺唔知情下跳落男主早已設定好運行軌跡嘅快艇上，裝載魚雷嘅快艇撞向郵輪同怪獸，同怪獸一齊被炸死

阿漢：黃子敬
大反派，雇傭兵小隊隊长，系沉穩幹練嘅冷血殺手，同幕後主腦簡西蒙合作準備上郵輪洗劫乘客，發現郵輪有怪獸後招攬男主等人合作逃亡，為逃生不擇手段開槍打傷咗彭祖兒，結果惡有惡報，想自殺把手槍都冇子彈，喺郵輪賭場比怪獸食咗

阿毛：蘇強文
白人雇傭兵，系電腦專家，喺郵輪船員廚房比怪獸食咗

文信：潘文柏
蓄須黑人雇傭兵，系雇傭兵隊长阿漢嘅副手，喺郵輪船艙通道水底比怪獸食咗

安船長：陳曙光
豪華郵輪「阿爾戈英雄號」船長，比怪獸食咗

比利：馮錦堂
白人雇傭兵，負責留守快艇，比怪獸食咗，同時貢獻本片恐怖特效經典場面

阿麥：陳永信
紮辮仔嘅白人雇傭兵，系個鹹濕佬，喺郵輪地庫機械房比怪獸食咗

阿威：招世亮
光頭黑人雇傭兵，喺開郵輪保險庫門時，比簡西蒙誤以為系怪獸用斧头错手劈死

阿萊：鄺樹培
澳洲裔雇傭兵，喺郵輪地庫機械房比怪獸食咗

麗娜：雷碧娜
男主角嘅隊友，亞裔女船員，快艇副駕駛，與機械師彭祖兒系情侶，喺修補快艇外殼時比怪獸食咗

郵輪駕駛总控製室大副及一眾船員：陳永信、鄺樹培、招世亮、潘文柏
負責「阿爾戈英雄號」主電腦、通訊、雷達、動力、電力、探測等設備操控

其他配音人員：林元春、區瑞華…等

joe2010

53057bon 发表于 2024-5-27 14:37
超喜欢呢部作品，每次重温都觉得新鲜同恐怖，百看不厌！

我都好喜欢睇呢部戏，电影嘅配乐都唔错，开场快艇喺海浪穿梭嗰段激昂紧张嘅配乐印象最深

何为仙

唔见有呢部片嘅资源

我唔食猪肉

冇资源，好想睇翻

kan

呢部片好看，我好似有粤语

Sawyer

何为仙 发表于 2024-5-26 19:25
唔见有呢部片嘅资源

你去求档咪有咯

snzt

都算系童年阴影系列

乂熊貓乂

Sawyer 发表于 2024-5-26 21:11
你去求档咪有咯

你有資源????

神之影

好鬼寒冷

小白菜花

哟！又一未见过的

我心粤漫

多谢楼主分享资讯