你哋认为如果一部作品存在乱翻译、乱改编、乱打格仔嘅现象，会唔会反感？

喜粤201906

喺开始呢个话题之前，先问下大家：如果「李小狼」被改成「王**」系唔系能够接受？小狼同小樱讲「好中意妳」，若然改成同恋爱因素一啲关系都冇嘅台词，接唔接受到呢？任何卡通中间删情节，被删情节若涉及剧情主线内容，系唔系可以接受？画面一啲位置全部打格仔，而且又唔属于常见嘅敏感内容，会唔会接受？

我喺好耐之前分享过从2023年底开始内地部分儿童电视频道播出「内地特供版」《见习神仙精灵》嘅消息，当时计划将「内地特供版」52集每一集同香港ViuTV版本进行较为细致嘅比对，但由于中途部电脑开始坏坏地，经常宕机，冇钱用新电脑已经搁置咗一年以上嘅时间喇。宜家我要讲，「内地特供版」有好几个特别离谱嘅地方，睇下最离谱嘅第一个：

有文学常识嘅人应该知道，《三国演义》全文根本唔存在《论语》嘅呢段内容，「内地特供版」有误导观众嘅嫌疑，而香港ViuTV版就按照原版意思翻译，即「祇园精舍钟声响，诉说世事本无常」，确实出于《平家物语》。
唔单止系噉，以下画面同样存在错误：

「内地特供版」制作组忘记或者未能理解透主题设定，例如「独当一面嘅神仙精灵」呢个设定：

台词乱改：拉奇奇佢哋睇樱花系向上望嘅，点会觉得路面满系花瓣？而且路面又唔系呈粉红色。

仲有：

感情色彩唔相符：

为咗规避某啲内容，例如恋爱，搞到台词莫名其妙，甚至凸显唔出角色嘅心理活动及性格特点：

内地特供版制作组未能理解台词意思及前后关联：

内地特供版玩「无字天书」：

穿煲镜头：

彩蛋仙人兜裆布唔见得光，整个蛋壳上去，但系立体感好差……

剧中出现嘅手写体夹硬整成印刷体，仲出现位置出错嘅情况：

部分画面莫名其妙定咗格：

内地特供版未能理解细节：「米希露敬上」划咗几划，内地版冇划。

阿心对一之濑发情夹硬河蟹：

连猫嘅「起痰」都唔得：

唔符合中国人文，纯粹系冒充中国动画嘅情形：「通学路」、「神社」、「富士山」、门牌

用词唔一致，改咗反而多鬼余：

价钱有啲问题，折头都搞错晒：

周围打格仔，严重影响观感：

画蛇添足：

集数乱调加删主线剧情：将33集调到前面，会出现蘋可、戀戀子两个角色嘅出场次序混乱；其中阿心返乡下嘅剧情删咗绝大部分，喺乡下嘅嫲嫲其实算系动画当中嘅关键人物，系佢指引阿心「珍惜身边嘅物品」，喺乡下所经历嘅事、出现嘅神仙精灵喺成出动画都好重要嘅。

我嘅睇法就系：总体嚟讲，虽然ViuTV版都有出现删减镜头、漏配台词（第17集阿心妈妈叫阿心落楼听电话嘅台词漏配咗）嘅情况出现，但都好过「内地特供版」，至少剧情连贯，台词逻辑正常，画面唔打格仔。若然评分嘅话，原版系★★★★☆，四星（五星为满分），因为原版第60集出现有争议嘅内容，即系下边呢幅图，ViuTV版直接删除呢句对白，内地版只系改台词；ViuTV版系★★☆☆☆，主要系CUT嘅镜头、漏配台词；内地版系☆☆☆☆☆，减分项太多喇，观感实在太差。如果家长见到细路睇呢出动画，建议揾质素好啲嘅版本。唔知大家点睇？

wai008

不會反感，沒有什麼影響

勇者罗兰

仲以为你个大计划开启翻添
可以噶话，最好就唔要删啦。至于乱译，其实好多粤配都几乱黎，不过有D变贴地左，又别有一番风味

82540064

内地 有 电视台宜家能播日本动画 都好犀利了

ncyee

除咗1.停播，2.配音极烂，此外我都可以忍

CyanMint

找质素好的版本也是搞笑...小孩子能懂那么多？而且你让一些母语不是粤语的小孩看所谓“质素更好的版本”人家也听不懂啊

snzt

乱打格仔，咁梗系唔好拉

fsjx123

四楼讲得好啊~支持四楼的说法~啊哈哈哈

jgmryhk

樓主對比得好細致

jgmryhk

睇呢D動畫嘅小朋友，將來大佐發現原來睇嘅都唔係真嘅，佢地會點諗