電影(4)《殭屍先生》配音表

ncyee

《殭屍先生》，1985年上映，寶禾影業出品，劉觀偉執導，編劇嘛，據聞劇本第一稿出自黃鷹，但後來由司徒卓漢、黃炳耀再執稿，最後「編劇」一欄寫上司徒卓漢嘅名字，而黃鷹嘅名字就落在「故事」一欄，為此黃鷹與制作方鬧過不愉快。



後來黃鷹在1987年發表咗根據《殭屍先生》電影而寫嘅同名小說，小說比電影少趣味而多暗黑，如果電影第一稿嘅結局與小説版相同，咁就難怪制作方要搵人執。

由於前作《人嚇鬼》成績唔係好理想，靈幻功夫片幾成冷灶，《殭屍先生》開拍時，洪金寶都唔係咁睇好，但為咗眾兄弟有工開，頂硬上開拍。期間《殭屍先生》進度慢兼嚴重超支，經過120日拍攝，耗資八百多萬，洪金寶與嘉禾高層睇完試片後覺得要蝕兩球，搞到劉觀偉以為自己導演生涯玩完，連英叔都免不了沮喪。

點知《殭屍先生》上映後大爆特爆，單計香港票房已收獲二千多萬，口碑好到超乎想像，紅紅火火咁成為新一代殭屍片開山怪，英叔道法宇宙隨之急速擴張，亦埋下黃鷹致死因由，提起呢點都好唏噓下。

劇情唔多講，直接搵片睇啦。


出場序：

角色名（演員名）：配音員：簡介

文才（許冠英）：馮永和：男一號，雖然唔似，但的確係。憨頭憨腦，識啲小法術。電影版負責搞笑，算係善良；小說版設定係個肥仔，結局時對身中屍毒嘅九叔冷言冷語，畜生！

秋生（錢小豪）：朱子聰：男二號，輕挑愛玩鬧，身手靈敏。電影版秋生因為放走小玉而顯得頗有情義；小說版秋生對身中屍毒嘅九叔冷言冷語，畜生！

九叔（林正英）：金貴：男三號，但人人都覺得佢係男主角。電影版九叔又睇得又打得，幾乎由頭帶到尾，電影版結局定格在義莊Battle勝利；小說版以九叔在廚房獨自食糯米粥作結

四目道長（陳友）：本人原聲：九叔師弟，電影版裡只在一頭一尾出場，戲份唔多但係好重要，無佢唔能夠通關。小說版唔多覺眼有佢身影

魚檔小販：林保全：龍套

西餐廳侍應：賈鳳梧：龍套

任老爺任發（黃蝦）：盧雄：被風水拖累半世嘅財主，被變殭屍嘅老爹殺死後亦變成殭屍，被九叔消滅

任婷婷（李賽鳳）：沈小蘭：女一號，任老爺獨生女。其實李賽鳳都好打得，在片中除咗顏值就無可再提，花瓶一個，實在浪費

秋生姑媽：龍寶鈿：龍套

仵工A：丁羽：龍套

阿威（樓南光）：林保全：任老爺表外甥，任婷婷表哥。保安隊長，頭腦簡單作風粗暴。小說版裡名叫武時威，事件無乜點變

仵工B：賈鳳梧：龍套

任老太爺任威勇（元華）：無出過聲：本片大Boss，電影版在義莊裡被消滅，小說版則是在米鋪裡被消滅

小玉（黃小鳳）：盧素娟：早夭少女，愛慕秋生。鬼新娘一幕實在經典，以至無人記得許冠英唱嘅主題曲。電影版裡姓董，因為秋生嘴賤在小玉墓前撩撥而結緣，結局係被九叔、秋生放走；小說版裡姓張，因為秋生趕收工將手中所有線香裝係小玉墓前而結緣，結局係被九叔打到灰飛煙滅

僕人：賈鳳梧

鄉紳（何柏光）：丁羽：客串

士兵A：賈鳳梧：負責將親愛嘅威哥鎖在監牢裡面對屍變嘅任老爺

米鋪老闆（午馬）：盧雄：孤寒老闆。電影版中不過係客串，小說版裡最後Battle係米鋪進行，三昧真火燒過後，條數有排計

米鋪老闆娘（梁潔芳）：徐愛貞：客串

米鋪太子爺（田啟文）：陳永信：大名阿壽，花名倒米壽星，擅長倒米

打更佬（劉秋生）：丁羽：貞節烈男，不為美色屈服

士兵B：盧雄：負責帶路搵任老太爺

士兵C：朱子聰：負責入山洞搵任老太爺


九叔


文才與秋生


婷婷


任老爺與阿威



鬼新娘


合影

hk112801

三部都睇過

神之影

永远的林正英

小白菜花

不是原音粤语？

ncyee

hk112801 发表于 2025-7-25 15:13
三部都睇過

都是經典。

ncyee

神之影 发表于 2025-7-25 19:15
永远的林正英

的確，值得時常重溫

ncyee

小白菜花 发表于 2025-7-25 22:00
不是原音粤语？

不是，只有陳友是原聲

snzt

林正英好出名嘅系列

dkmi

呢一部電影我睇過啊！都唔錯

伊斯主教

閉氣係最經典，搞到細個都以爲係真