TVB配音劇《金田一少年之事件簿 1》配音表

ncyee

《金田一少年之事件簿 1》在1995年於日本電視台首播，雖然主演嘅堂本剛、友坂理惠同原作中嘅金田一、美雪在外形上相差成條街，但劇集播出即大受歡迎，兩人至今仍被稱為最金田一/美雪嘅演員。




我個人覺得堂本剛同山田涼介都好好，難分高下；美雪就由友坂理惠勝出，咁川口春奈都算OK嘅。

第一代金田一呈現嘅氛圍相當詭異幽魅，而且不避忌血腥，加上見岳章嘅BGM每次響起都似有凶案發生緊，細個時真係睇得幾驚㗎。

故事開場以不動高中為背景。不動高中，一所被詛咒嘅學校，三日一意外，五日一命案，加上死神金田一到來，死亡人數屢創新高……

角色名（演員名）：配音員：簡介

角色譯名跟隨TVB版。

金田一一（堂本剛）：郭志權：漫畫界中著名嘅死神之一，所過之處必有命案，千祈唔好諗住認識佢，否則唔變兇手唔變死者都會變PTSD

七瀨美雪（友坂理惠）：鄭麗麗：漫畫版好豐滿，真人版好骨感，雖然身材不足，但個性活潑，相當可愛

劍持勇（古尾谷雅人）：招世亮：漫畫版係麻甩中坑一枚，真人版加咗明智健悟嘅部份人設，結果後生咗又斯文咗又聰明咗

向井猛夫（立川政市）：黎偉明：原創角色，劍持sir下屬，只在第一季有戲份。為人比較衝動魯莽

真壁誠（佐野瑞樹）：蘇強文：漫畫中明明係學長，真人版變成阿一嘅同班同學，兼任常註角色。中二少年受盡情傷，非常有喜感

佐木龍太（原知宏）：馮錦堂：攝影（偷拍）狂熱者，金田一靠佢嘅錄影拆穿咗唔少奸計，幫到手㗎

鷹島友代（三浦理惠子）：梁少霞：漫畫版只係說話都唔多句嘅龍套，真人版由人設到戲份都加強咗好多，可能係劇組唔想推太多新角色以免分散觀眾注意力，所以將佢變成常註龍套


SP1：學園七不思議殺人事件
本篇曾兩度被真人化，分別由第一代金田一堂本剛及第五代金田一道枝駿佑演出。時隔二十幾年，五代嘅畫面的確靚咗，但唔及一代嘅氛圍咁鬼魅，同埋五代嘅美雪真係唔啱我心水

（出場序）

女同學A/B：林元春/雷碧娜

男同學A/B：馮錦堂/張錦江

老師A：張英才

校長：葉振邦

的場勇一郎（細川俊之）：盧國權：漫畫版係老坑一枚，真人版變咗個風度翩翩嘅中坑

雨田老師（上田耕一）：張錦江：對淺野老師有好感，然後收好人卡

雨宮良造（河原さぶ）：陳曙光：表面上係不動高中校工，實際上係青山智弘嘅爸爸

淺野令子（田中美奈子）：陸惠玲：原創角色，暗戀的場勇一郎，彼此有心但就係唔開口

電視節目導演：魏惠文

電視節目主持：雷碧娜

櫻樹瑪利子（高橋玲奈）：黃麗芳：神怪推理研究會會長，紅顏薄命

尾之上貴裕（須藤公一）：黎偉明：神怪推理研究會會員，知得多死得快

老師B：陳欣

醫生：葉振邦

青山智弘：林元春：不動高中七不思議中嘅第七件不思議事件

老師C：沈小蘭


File 1：異人館村殺人事件
本人係由呢篇入坑。本篇被影視化嘅記錄應該只有呢一集，大概因為牽涉到抄襲，所以令本篇難以進行影視化？好在，日本無啫，在我國嘅《少年包青天1：隱逸村之謎》中改下姓名咁又重見天日啦，土炮嘢我一樣睇得好開心

（出場序）

時田若葉（遊井亮子）：林元春：戀愛中嘅少女，又傻又狠

小田切進（東根作壽英）：林保全：真人版中原名神崎龍一。身在人世心在地獄，至死不悔

時田十三（三谷昇）：葉振邦：大鐘洋館館主。漫畫版中見到樣，真人版因為火燒傷痕所以用黑布袋笠頭

保鑣A：張錦江

兜霧子（松原朋子）：盧素娟：替死鬼

保鑣B：盧國權

風祭淳也（岡田真澄）：源家祥：風向計洋館館主。漫畫版中算係個幾有型嘅中年，真人版十足外藉牧師嘅孖生兄弟咁款

兜禮二（綾田俊樹）：林國雄：盔甲洋館館主

草薙三子（白川和子）：林丹鳳：長春藤洋館館主

外籍牧師夫婦：張英才/林丹鳳：做壞事嘅好人，罪孽嘅開端



File 2：悲戀湖殺人事件
兇手：只要殺晒呢班仆街，咁害死阿妹嘅仆街就會俾我順手對冧埋！哈哈哈哈哈！
結果就係死剩害阿妹嘅仆街……（唔係唔係，其實仲死剩幾個嘅）

（出場序）

橘川茂：黎偉明：雖然無去悲戀湖，仍然在劫難逃。三年前曾乘搭豪華客輪東方號

女同學A：林元春

香山聖子（水島かおり）：雷碧娜：年青貌美，開場無耐就變寡婦，三年前曾乘搭豪華客輪東方號

香山三郎（三角八朗）：源家祥：老夫少妻自然疑雨疑雲，開場無耐就收工，三年前曾乘搭豪華客輪東方號

遠野英治（大沢健）：黎偉明：痴心嘅有錢仔

九條章太郎（畠山久）：張炳強：領隊。三年前曾乘搭豪華客輪東方號

五木洋介（利重剛）：陳欣：原名木村信介，係個無句好嘢嘅記者，三年前曾乘搭豪華客輪東方號

甲田征作（峰岸徹）：陳永信：心事重重嘅醫生，三年前曾乘搭豪華客輪東方號

小林星二（山崎一）：招世亮：專畫屍體嘅特殊畫家，三年前曾乘搭豪華客輪東方號

新聞報導員：何國星



File 3：歌劇院殺人事件
唔知點解班演員無論上山下海都著住校服？
社團活動點解無老師跟隊呢？要由美雪做戲劇指導咁搞笑？記得動畫版好似將有森裕二升級做帶隊嘅老師？係帶隊呢方面真人版太唔小心啦

（出場序）

布施光彥（秋山純）：何國星，戲劇部嘅小生，可以忽略

日高織檜（多田亞沙美）：林元春：戲劇部小花，面圓圓好無辜咁款，為咗曾經做過嘅錯事終日不安

有森裕二（小橋賢兒）：李錦綸：戲劇部道具組，機關術初級水平？總之夠用就好

桐生春美（高原遊）：陸惠玲：戲劇部小花，因為妒忌而心生不忿，結果做錯事被報復，都好合理

女僕（楠美津香）：區瑞華：原創角色

男僕（モロ師岡）：張錦江：原創角色

黑澤和馬（夏八木勲）：葉振邦：戲痴。本以為佢係一枝公，係後來嘅小說及漫畫得知佢有老婆有情婦有仔女有弟子，差啲連家嫂女婿都有，但無乜邊個有好下場，阿黑澤仲唔係天煞孤星？

月島冬子（園田亞希子）：盧素娟：在戲劇部中猶如女神般存在，人靚心地好，但係姑息養奸，未免太傻


File 4：秘寶島殺人事件
本篇教你如何運用環境地利，以達到用一宗命案去掩飾另一宗命案嘅效果
兩間小木屋嘅詭計係我記憶最深嘅詭計之一

（出場序）

美作大介（チゃ—リ—湯谷）：陳曙光：秘寶島島主，沉迷於尋寶而忽略家庭嘅獨居老人

佐伯航一郎（山口香緒里）：陸惠玲：假扮成美作碧嘅可憐男仔。識著死神金田一，算佢唔好彩

岩田英作（高城淳一）：葉振邦：美作大介以前嘅管家，幾乎成為最後大贏家

基利士.艾爾斯泰（金子信昭）：馮錦堂：智商高而且中意扮大人嘅細路

柿本麻人（長江英和）：盧國權：美作大介老朋友

八十島隆造（鶴田忍）：源家祥：美作大介老朋友，慣用錄音機記事

矢萩久義（清水綋治）：張炳強：美作大介老朋友，曾任職法醫，現任整形醫生

美作碧：沈小蘭：長年處於被棄養狀態，因為缺愛而自殺，實在太傻啦

鬼妹：沈小蘭：特別演出


File 5：絞首學園殺人事件
不動高中又發生命案嘅一天，各位同學應該習慣晒，繼續讀書！死咗都要考試！
《少年包青天1：殿前揚威》向本篇致敬

（出場序）

女同學A：林元春

小野弓子（石野真子）：沈小蘭：特別補習班嘅班主任，熟女。漫畫版中叫淺野遙子，真人版唔知係咪因為同SP1嘅淺野令子太相似而改名

室井矢一（佐藤廣純）：何國星：特別補習班學員。校園霸凌者，抵佢死

古谷直樹（大地）：馮錦堂：特別補習班嘅班長，外表好斯文，內裡好殘忍

吉村理沙（小橋めぐみ）：梁少霞：特別補習班學員。神神化化嘅美少女，漫畫版叫森宇多子

老師A：招世亮

教務主任：葉振邦

仁藤伸幸（松山幸次）：李錦綸：特別補習班學員。校園霸凌者，抵佢死

女同學A/B：林元春/沈小蘭

老師B：盧國權


File 6：無首村殺人事件
本篇曾兩度被真人化，分別由第一代堂本剛及第五代道枝駿佑演出，因為無睇過五代呢一集，所以無從比較
金田一系列中好多兇手都令人同情，但本篇嘅兇手唔值得，至少我唔同情佢

（出場序）

仙田猿彥（小倉久寬）：林保全：巽家僕人，曾經係馬戲班嘅雜技員

巽紫乃（真行寺君枝）：盧素娟：劍持sir嘅白月光，巽家家主藏之介嘅繼室。自己個仔當係寶，人地個仔當係草，所以除起草嚟毫不手軟

巽征丸（阿久津健太郎）：蘇強文：巽家次子，紫乃帶住佢嫁到巽家，佢先改姓巽，對紫乃相當關愛

巽萌黄：梁少霞：巽家幼女，樣貌可愛但又係神神化化

巽龍之介（山本太郎）：陳欣：巽家長子，脾氣臭心腸毒，做事不顧後果

梅姐：區瑞華：巽家僕人

赤沼三郎：林保全：係仙田猿彥假扮嘅

律師：盧國權

女同學A：梁少霞：在回憶畫面中霸凌過紫乃

巽綾子：袁淑珍：巽藏之介嘅元配，在回憶畫面中霸凌過紫乃，逼到紫乃在家鄉難以立足唯有遠走他方



File 7、8：蠟人形城殺人事件
巴爾多城懸疑之夜，漫畫版中係明智健悟主場，真人版由劍持sir代替明智sir嘅角色，漫畫版中應該無被提起過嘅劍持sir爸爸咁就被搞掂咗

（出場序）

瑪莉亞.費烈道里：黃麗芳：金髮美女，表面係德國女法醫，實際係……唔知道，無講喎，話唔定佢有超能力呢

南山駿三（又野誠治）：張炳強：臨時受僱到巴爾多城擔任管家

理察.安德遜：盧國權：英國犯罪心理學權威人士，25年前係犯罪研究會成員

當麻惠（阿知波悟美）：林丹鳳：推理小說評論家，25年前係犯罪研究會成員

真木目仁美（芳本美代子）：黃鳳英：洛杉磯警方心理分析師

多岐川加賀（黑田福美）：蔡惠萍：有神秘詭異女王之稱嘅推理小說作家。原名保科由加利，25年前係犯罪研究會成員，與峽山恭次相戀

明智小七郎（內野聖陽）：林保全：私家偵探，原本叫錢形健太郎，TVB版幫佢改個咁嘅名，配音組真係非常有愛

坂東九三郎（片桐龍次）：陳永信：坂東偵探社社長，25年前係犯罪研究會成員

山田隆明（赤星昇一郎）：陳欣：大律師，25年前係犯罪研究會成員

峽山恭次：張炳強：25年前就讀大學並成立犯罪研究會，沉迷於完美犯罪，在畢業前策劃「四億圓鉅劫案」，錢財到手內訌亦隨之而到，結果埋屍郊野，後來該地建起巴爾多城



第一代金田一與美雪，十足青春小情人，其他對嘅戀人感覺無一代咁強

asd2008asd

好多熟悉配音员