关于GTO 台北激斗篇

netasa

话时话依出嘢下载左好耐，今日先有空及一及！本以为应该不会太差，但係睇完之后先觉得后悔！个剧情真係差到无朋友！硬将日式中化？中式嘅英雄主义好似唔係咁样咯，再者环境都十分格格不入咯！ 第一集就指出语言不通，但係后面果D无啦啦就通左？？羁绊果个中文解释简直一绝！自我介绍果度因为语言不通而无反应，笑左我成分钟！简直一出闹剧。 无晒GTO感动！！另外有护栏都咁容易跌落楼？仲要个人嘅高度只係比个护栏高小小，莫非当时好大风？？  极之觉得故事大纲太牵强了。

另外真唔明白J2点解要分开4PART嚟播放！ 明明就係一集SP嘅长度。  仲有唔知係米我下载错误？！ 第一集嘅配音中有把咁“好听”嘅配音声，配果位大波老师嘅！！之后又换声。 何解第一集又唔全部都用晒粤语嘅！！ 如果有正常版存在的话，麻烦各位讲下边处下载。我真唔知应唔应该存依集SP好了！！！ 好唔想留嘅感觉。

最近D翻新日剧经典都係强差人意嘅。 就连木村大叔嘅HERO都麻麻地。金田一由于係新嘅未拍过嘅内容所以先勉强过得去。大家睇过嘅讲下！！

noddyy

呢部本身系台湾日本合拍嘅，本身就系4集，本身入面就系日语+国语一齐出演嘅，就系甘先冇全部配粤语，同埋tvb版嘅国语都系重新配过嘅

rebornbbz

hero2真係越睇越似无聊 偏向喜剧  好怪。。金田一嘛 都係中意堂本刚版多d

netasa

rebornbbz 发表于 2014-9-1 10:46
hero2真係越睇越似无聊 偏向喜剧  好怪。。金田一嘛 都係中意堂本刚版多d

係咁架了！  女主角都换人了。  都无晒吸引力去睇了。 加之番炒嘅嘢本嚟就无咩底气。

金田一，主要嘅係演员越嚟越嫩！小鲜肉无太多演技搭救，所以有壳无魂。

netasa

聪明使徒 发表于 2014-9-1 11:16
台湾篇拍的真的一般般， 第二季还不如第一季的好看，看了前面几集都看不下去了.
简直是狗尾续貂之作...

你指的第一季是讲紧反丁果部？  老实讲反丁果部简直係经典啦。 不过我钟意动画版多点！！

sha1b18

本身第一集堆國語係全部搵晒國配組嘅人配,
相信係因為第一集比人吠得太勁所以第二集先徹底轉方式變翻晒粵配組嘅人配翻晒粵語。
HERO今季主線劇情要同前作相比確實唔掂,變左靠搞笑撐場,基本上為懷舊而睇,但都算係本季劇集收視冠軍...
金田一要同堂本剛版比根本無可能,不過講真同松本版比已經算唔錯。

waitak111

一開始講普通話咪幾好,人人都講廣東話,聽唔到個分別