【嘉儀BB】哭了 告別TVB新聞部 (更新最後有片!)

free2penny

又走一個了！繼談美琪BB日前帶埋佢隻Tiger仔離開無綫後，另一新聞主播、32歲嘅周嘉儀BB，今日亦正式告別《香港早晨》節目，今朝早亦係佢最後一日主持《香港早晨》。

節目尾聲嗰陣，嘉儀BB時更主動向觀眾道別，「今朝係我最後一次喺《香港早晨》同大家見面喇，多謝過去咁多年嚟嘅支持，祝你哋以後每朝都有個美好早晨，再見。」，之後與一同主持人陳聞賢喺鏡頭前握手。(新聞連結: http://bit.ly/19jYqS7 )

其實早於今年一月已有傳過周嘉儀離開無綫，佢喺大台新聞部做實習記者，畢業後隨即加入為全職主播，最轟動當然係2013年3月同已婚男主播許方輝傳出緋聞，事件爆出後更被調離《六點半新聞報道》及休假兩周，有傳已經傳佢想走0架喇。咁周嘉儀離職後去邊呢？有傳佢係加入證券公司，四月之後就返新工喇。

連日嚟周嘉儀都好勤力咁po相上社交網站，開始倒數，日日大頭貼供fans集郵。兩小時前，佢又貼咗張今日last day捧住個寫住「主播女神嘉儀BB」蛋糕嘅相，對鏡頭甜笑，但明顯眼泛淚光，兩眼通紅；噚日嘉儀BB又貼一張白色短裙仔相，嗚……嘉儀BB，你走咗之後係咪會keep住update 0架？

順帶一提，去年無綫新聞部就10月15日報道「七警」新聞，聯署聲明表示對公司管理層處理手法表示遺憾，嘉儀BB係有份聯署。

另有多圖!
https://www.dranime.net/thread-24016-1-1.html

周嘉儀的最後：祝以後有美好早晨〖 Last Day・Farewell 〗(更新最後新聞片段) 周嘉儀：今朝係我最後一次 …
多謝過去咁多年嘅支持，
祝你哋以後每朝都有個美好嘅早晨，再見。
https://www.youtube.com/watch?v=ikub_Ntv-SE

peter213

又走多一個女神, 無綫新聞..差勁!!!

chacha610

其實走可能發展得仲好~~~

rikanababy

雖然好少睇新聞，不過尼幾日都係咁聽到尼個消息，雖然又走左個多人喜歡的主播好可惜，不過走左可能會更好~

cyril25

无线留不住人才  人才不断流失

Invinsible

唔係好記得之前有無睇過佢噶節目 衹記得當年還願意早起噶時候好锺意一起床就打開翡翠台睇香港早晨

samez

睇左咁多年,真係有點可惜

jedi2020d

女神啊，咁就離開無線新聞。。。自從嗰單車震風波後，就再冇喺 六點半新聞 出現，香港早晨 就見到。爾家係咪都搵廣告封新聞，可能令有啲朋友唔睇或少睇 无线新闻嚕

全速前进

唔系挂？！周嘉怡都走埋？计计下都有好多人离开新闻界咯