進取小一生媽媽係《國產凌凌漆》杜鵑？

twostreetman · ペヤじ☆ve于2024-08-17 02:26:10访问

上星期嘅小一派位，有人歡喜有人愁，有電視台記者訪問咗一位「中獎」家長，好開心咁話佢囝囝入咗喇沙小學，仲透露每個月都會幫囝囝報讀11個興趣班。除咗平時好多小朋友都有補嘅中英之外，呢位陳小朋友仲要學埋游水、非洲鼓、唱歌、朗誦、劍擊、跆拳道等等，一家人仲特登由油塘搬到去九龍塘一個月租2萬5千蚊嘅單位添。

報導一出，呢個咁「進取」嘅媽媽當然俾人插爆兼起底啦！唔起由自可，一起先知原來佢大有來頭！

網友爆料話，呢位陳小朋友嘅媽媽並唔係叫陳太，因為佢老公係外國人，所以個仔先Mix得咁靚仔。而本來係做空姐嘅媽媽，同電影《國產凌凌漆》中嘅「杜鵑」非常似樣。「杜鵑」同星爺有對手戲，仲被星爺送上豬潤補血。而佢亦係電影中大晒突出身材，令到觀眾留下深刻印象。有片有真相，你都可以考究吓杜鵑係咪佢。

呢個就係杜鵑

唔止呢單架！2011年，呢位媽媽又有機會紅遍網絡！當時佢揸住架寶馬喺紅隧收費廣場因為切線同架紅色小巴有碰撞。佢大鬧個司機駕駛態度有問題，仲將現場情況嘅相放上Facebook，要求各界友好評理。點知，佢反而被網民猛烈抨擊，仲以「港女大發歪理寶馬 cut線撞小巴」為題，鬧爆佢唔識揸車。嗰陣佢已經被網民起底，發現佢原來89年喺嶺南學院畢業，2000年入職航空公司做空姐。

不過香港人都好善忘嘅，好快就冇咗件事。點知去到今時今日，佢由港女進化成港媽。憑著一貫chur到爆作風重出江湖，再次成為網民焦點，仲俾人發現佢有個咁傳奇嘅前半生。

不過，亦有網民話怪獸媽媽同反而仲似另一個女警。

咁其實陳小朋友個媽媽係唔係「杜鵑」？我只係知，個小朋友咁細個就要上11個興趣班，慘過大人返工。

sosad...

https://hk.celebrity.yahoo.com/news/%E9%80%B2%E5%8F%96%E5%B0%8F%E4%B8%80%E7%94%9F%E5%AA%BD%E5%AA%BD-%E4%BF%82%E3%80%8A%E5%9C%8B%E7%94%A2%E5%87%8C%E5%87%8C%E6%BC%86%E3%80%8B%E6%9D%9C%E9%B5%91%EF%BC%9F-233356666.html