波羅的海之行——立陶宛篇

geniuz

（接住拉脫維亞篇:https://www.dranime.net/thread-38750-1-1.html）
　　之前已經講過，我地租咗車自駕。因為路途都有4、5個鐘頭，中午就喺Panevėžys（潘捏維日）市揾嘢食。
　　呢個城市系Lithuania（立陶宛）同Latvia（拉脫維亞）接壤嘅城市，雖然叫做城市，但系濃小城鎮氣色。
　　估計系冇乜扁面族會嚟呢度，甚至遊客都冇，我地幾個扁面族就好受矚目，個個都望下我地。（呢段路主要我開車，所以就冇點影乜嘢相）







↑喺Panevėžys名叫ČIČINSKAS嘅餐廳（都系靠Google map揾嘅）
餐牌全部系立陶宛文，好在老闆識識地英文，介紹咗兩個餐。又出奇地好食，而且唔貴。（呢間嘢喺本地應該算系幾高檔）
英式紅茶亦唔錯。

　　我地開住AVIS租返嚟嘅車，去到Lithuania（立陶宛）嘅Trakai（特拉凱），系一個小城鎮，離首都Vilnius（維爾紐斯）幾十km。
　　循例介紹住宿先。
　　落腳嘅旅館叫Viva，因為直接望住Trakai Castle，所以好難book，不過價錢又唔貴，大床房81歐元一晚。





↑ 房間雖然唔大，不過環境好好，開窗就見到景點。只系個沖涼房對於我地兩個男人嚟講有d太過浪漫。


　　Trakai呢度，最出名就系Trakai Castle。
　　呢個城堡出咗一個立陶宛好勁嘅君主，叫Vytautas（維陶塔斯）大帝。呢個大帝有乜出名？因為佢做低咗橫行歐洲嘅條頓騎士團，令立陶宛帝國成為歐亞之間一個超級帝國。
　　當然，對於歷史冇瞭解咁多嘅人，最出名系因為《世界零距離》都嚟過呢度。


↑ Trakai紅磚城堡

↑《世界零距離》鏡頭中嘅Trakai紅磚城堡


　　就算唔系因為呢個景點，Trakai都系一個好靚好舒服嘅城鎮。

↑Trakai一間聖母教堂




↑ 圍住Trakai個湖漫步，好多特色嘅小木屋。

↑紅磚城堡前，賣藍莓嘅小女孩。當日風比較大，早上只有11℃，小朋友喺寒風中顯得有d瑟縮。


　　有間專門介紹Trakai歷史嘅博物館，但館員嘅英文好水，但反而有種民風淳樸嘅感覺。


↑博物館賣嘅postcards，第度都未見過咁平嘅。

↑我自己就買咗包Vytautas大帝嘅postcard。呢張圖就系Vytautas大帝，描述佢喺Grunwald（格倫瓦德）大勝條頓騎士團。



↑喺我地Viva旅館隔離嘅Viva餐廳嘅一餐

　　去立陶宛當然唔可以只喺Trakai度假，尤其有車，點都要去首都Vilnius（維爾紐斯）行一轉。




↑ 維爾紐斯嘅地標，主座教堂。
蘇聯統治時期曾經淪為倉庫，蘇聯解體之後先做返教堂。


　　教堂出名，仲因為教堂前面嘅廣場，廣場出名系因為一塊用立陶宛文寫住“奇跡”嘅地磚。
　　話說踩住塊地磚順時針轉3圈，就能夠實現願望。1989年，波羅的海三小國合計200萬人發起手拉手大行動，抗議蘇聯統治，起點正系呢塊奇跡地磚。可見呢塊地磚有令xxx倒臺嘅能力，但卻不敵天朝民眾，上海世博會嘅時候被踩爛。（詳情可以睇返《世界零距離》嘅介紹）

↑《世界零距離》截圖


↑A貨零距離
為咗波羅的海之行更加零距離，自問還原度非常高。（周圍d人見到我地幾個咁傻嘅扁面族，唔知諗乜嘢呢~）


↑聖安娜教堂



↑棵樹系咪怕凍？


　　喺維爾紐斯中途發生咗段小插曲。
　　開車去到接近主教教堂嘅時候，由於唔知部車park去邊好，兩頭望嘅時候，喺一棟building前面有個開benz嘅啊叔問我地系咪要幫手。知道我地外地人唔知部車點樣停之後，慷慨咁讓個車位俾我地，話佢會出去個零鐘，我地可以停住佢個位先，只要一個鐘內都冇問題。個building有個女人走出嚟打招呼，先知道個阿叔系棟building嘅boss，跟住我地先留意睇下個building，原來系一家名為Kristiana的化妝品購物中心。後嚟search一下，呢個品牌原來喺東歐同俄羅斯一帶系幾出名嘅。一個富豪嘅簡單舉動，對於佢並唔系刻意為之，但更體現單純嘅kind heart，喺只有12℃嘅夏日中讓我地感到立陶宛嘅溫暖。


↑讓車位俾我地嘅Kristiana老闆


　　喺立陶宛時間唔長，跟住就要飛丹麥。開車去機場還車，跟住就直奔SAS櫃位check in。

↑維爾紐斯機場



↑明明買嘅系SAS，點知上機就變咗部唔知乜嘢機，好揾笨啊~

　　最後，介紹下物價。立陶宛d嘢真系平，Trakai城堡旁嘅手信鋪頭，都比其他國家平。

↑Trakai旁嘅賣手信嘅，個阿叔話amber都系佢自己整嘅。

↑Trakai郵局隔離有間專門賣雪糕同朱古力嘅，一個西瓜味、一個開心果味（真系未食過咁嘅味）。

↑postcards咁平，梗系要寄多幾張，寫立陶宛文寫咗我成晚。

（下一站：丹麥 https://www.dranime.net/thread-38931-1-1.html）

jianglan

我.........好想吃........又冇钱又冇时间TAT

阿JIE

照片中嘅花草綠而唔過曝，幾靚下啲景色！

lg369369

都幾有假日風情的味道，唔錯唔錯

SAKA

羡慕 能去到这么远的地方去旅行 品味美食！！

any

希望楼主翻来之后再分享吓，行程一共洗咗几多银

cheaterdo

好羡慕楼主可以去咁远，又咁靓的地方！

Setsuna

簡直係絕世悠遊旅程，可以嚟到咁遠且自由行（？），疏乎到恨死人。

dkmi

真係好優雅嘅地方啊