终于解决咗4S耗电问题！！

shiraishisai

本人于去年双12入手4S，但系直到寻日先完全解决所有问题。
    部机本身就冇问题，但系问题出喺SIM卡度。买咗新机我即时去移动营业厅换卡，嗰阵仲系免费。佢换咗只4S专用细卡，但系系全球通嗰种类型。开始用嘅时候冇觉得有乜问题，但系当我用卡套将张卡用翻我部旧诺基亚嘅时候，问题出现啦。以前我充满电我可以用3日，但系用新卡之后一日都用唔够。我开始以为系电池问题，然之后又换另一个电池试下，发现都系同样嘅问题。但系嗰个时候我仲未知到系乜问题，到我换翻用4S嘅时候终于知道系乜问题。如果喺冇SIM卡嘅飞行模式状态下，待机一晚，8个钟头左右，电量只系少2%-3%。但系安装SIM卡之后，即使系开咗飞行模式待机同样嘅时间耗电10%左右。到嗰阵我先发觉系卡嘅问题，网上搜索之后发现果然系张SIM卡嘅问题。因为移动为解决4S信号强度不足嘅问题，专用细卡电压会比普通卡嘅大，所以电量消耗会变快。但系开咗飞行模式，点解张卡仲系会食电，呢层我就唔清楚。本来都想去翻营业厅换大卡再自己剪卡，但系之前换卡嘅时候嘥咗我两个钟头排队，所以都系翻乡下再搞。
    但系翻到乡下后问题继续。乡下嘅营业厅冇细卡换，加上补办咗嗰张大卡仲系斜咗，搞到剪卡器剪唔到。但系为咗要用，所以自己用剪刀CUT。嘥咗我成晚时间嚟搞，但最后都系得个吉。部机读唔到我自己剪嘅嗰张卡，旧机都一样，今次玩完喇，所以唯有出到市区再换细卡。好彩今次营业厅系换咗张普通嘅Micro SIM卡比我，而唔系4S专用细卡。但系我都仲系觉得可能会食电，所以寻晚我即刻测试。训觉嘅时候电量系37%，今早起床一睇，仲有35%！咁就证实咗新卡冇事，但系嘥咗我几十蚊车费同埋15蚊换卡费！！
   时至昨天，4S“耗电门”终于被解决！！！
   第一次长篇大论，唔知有冇正确表达。

guangdouzi

好明显 你应该邮寄部4S过黎比我试下

shiraishisai

guangdouzi 发表于 2013-1-28 10:28
好明显 你应该邮寄部4S过黎比我试下

唔使劳烦你喇，我已经搞掂晒！

chrisrex

佢电信居然咁坑- -

shiraishisai

chrisrex 发表于 2013-1-28 11:00
佢电信居然咁坑- -

系移动，唔系电信！

bz802

咁辛苦~唔过搞掂晒部机使起身都心爽啲wo

shiraishisai

bz802 发表于 2013-1-28 11:26
咁辛苦~唔过搞掂晒部机使起身都心爽啲wo

系啊，家阵终于可以开心咁用

fd3870

移动果然巨坑

shiraishisai

fd3870 发表于 2013-1-28 11:52
移动果然巨坑

冇计喇，我个号码用咗5年几，唔想换

joechen

我联通卡 不过係自己剪噶