〖紙鷂〗【Kite】『凧』『カイト』≮{Français法國話}Cerf-volant≯風箏Aquilone

icacfbicidcia · 发表于 2018-5-22 14:37:06

本帖最后由 icacfbicidcia 于 2018-5-22 14:41 编辑

〖紙鷂〗【Kite】『凧』『カイト』≮{Français=法國話}Cerf-volant≯〖風箏〗
◇{русский=俄羅斯話}{русский язык=俄羅斯話}Воздушный змей◇
╬{Deutsch=德國話}Fesseldrachen╬
◆{Italiano=意大利話}Aquilone◆

紙鷂，又叫風箏，係種玩具，可以借助風力響天空飛。紙鷂係種比空氣重嘅，能夠借助風力喺空中漂浮嘅制品。晚唐，啲人喺紙鳶上加哨子，其鳴如箏似琴，故稱「風箏」或「風琴」。

◎起源同發展◎

「龍形紙鷂」，主要以龍頭蜈蚣紙鷂為主，亦係濰坊紙鷂嘅一大特色。

紙鷂起源喺中國，中國紙鷂有悠久嘅歷史。最早嘅紙鷂並唔係用紙整，而係用木整嘅。傳説中第一個紙鷂係「魯班」製作，稱爲「木鳶」《渚宮舊事》記載魯班「嘗為木鳶，乘之以窺宋城」。而以《呂氏春秋·愛類》記載「公輸般為高雲梯，欲以攻宋。墨子聞之，自魯往，裂裳裹足，日夜不休，十日十夜而至於郢，見荊王曰：『臣北方之鄙人也，聞大王將攻宋，信有之乎？』」講明魯班當時造嘅係「高雲梯」而唔係木鳶。

《韓非子》記載中木鳶嘅發明人唔係魯班而係墨子墨翟。墨翟（公元前478-392年），係春秋戰國時嘅哲人，諸子百家中墨家嘅代表人物。《韓非子·外儲說》記載墨翟曾「費時三年，以木制木鳶，飛升天空」。墨子喺魯山（今山東濰坊境內），「為木鳶，三年而成，蜚一日而敗」。意思係話墨子曾就研究試製咗三年，用木板製成咗一隻木鳥，將佢放飛並令佢成功飛起，但只飛咗一日就壞咗。墨子製造嘅「木鳶」（或「木鷂」）就係世界上最早嘅紙鷂，距今已有二千四百幾年。另《康熙字典》中釋義嘅木鳶發明者亦係「墨翟」。而《墨子》中記載魯班發明嘅「木鵲」比墨子嘅「木鳶」更加精巧：「公輸子削竹木以為鵲，成而飛之，三日不下」。後東漢蔡倫發明造紙術之後，先開始出現紙做嘅紙鷂，叫做「紙鳶」。

據講漢朝大將韓信曾利用紙鷂進行測量。梁武帝時曾利用紙鷂傳信，但未成功。南北朝有人背住紙鷂喺高處跳下而無跌死。唐朝嘅張丕被圍困時曾利用紙鷂傳信求救兵，書有「三日不解，臨名士且為悅食」之言，取得咗成功。從唐朝開始，紙鷂逐漸變成玩具。到咗晚唐，紙鷂上已有用絲條或竹笛做成嘅響器，風吹聲鳴，因而有咗「風箏」嘅名。亦有人話「風箏」呢個名起源於五代，由李鄴用紙糊風箏，並喺佢上面裝竹笛開始。

清朝道光年間，郭麟吟清明嘅一首竹枝詞描繪道：「一百四日小寒食，冶遊爭上白浪河，紙鳶兒子鞦韆女，亂比新來春燕多。」鄭板橋有詩曰：「紙花如雪滿天飛，嬌女鞦韆打四圍，飛彩羅裙風擺動，好將蝴蝶斗春歸。」，紙鷂藝術亦達到鼎盛階段。

◎分類◎

中國傳統嘅紙鷂一般分為以下三大類：

軟翅紙鷂：主體骨架多數做成浮雕式，骨架有單層、雙層同多層，升力片（翼）由一條主翼條構成，翼嘅後半部係軟性嘅，無主條依附。

硬翅紙鷂：骨架由上下兩條竹條做成，兩側邊緣高，中間略凹，翅嘅端部向後傾，令風能喺兩翼嘅端部逸出。

板子紙鷂：即平面型紙鷂，升力片係主體，無凸出部分，紙鷂四邊有竹條文撐，係少年細路最鍾意嘅一種。

其他主要類型還包括串子類、立體類、桶行形類、自由類（佢特點係運用現代新技術同外國紙鷂之長）等。

※整紙鷂嘅材料同方法※

普通紙鷂嘅做法一般係採用竹子做骨架，紙做肉，其他復合材料包括絲絹、尼龍布、塑料膜或竹篾、紗紙條、馬拉紙等。

紙同絲絹係一般傳統紙鷂嘅製作材料，著色鮮艷亮麗，更能體現中國紙鷂嘅魅力；但係紙易爛，絲絹貴，而現代科學嘅產物——尼龍布同塑料膜，成為製造紙鷂嘅新材料。

竹子係製作紙鷂骨架嘅主要材料，可選取壁厚3-5厘米嘅竹子削成竹片，利用竹片嘅韌性做紙鷂嘅骨架。紙鷂嘅骨架可根據個人愛好來編制，如蜻蜓狀、蝴蝶狀等。

紙係蒙糊紙鷂嘅主要材料，以質薄纖維長而均勻，富有韌性，耐濕耐衝擊，色澤白而潔者為佳。將紙糊喺骨架上，再綁上線，紙鷂就做好咗。

做好之後亦可以喺做好嘅紙鷂上油上鍾意嘅顏色，鑲上花邊，或者綁上絲帶，掛上紙環。但唔可以影響紙鷂喺空中嘅飛翔，因為附件太多會令紙鷂嘅飛翔失衡。

〔意義同貢獻〕

從當今社會生活嘅角度來講，隨住人類社會文明同科技嘅進步，啲人為咗擺脫城市喧囂嘅環境，試圖尋找一種借助自然、文體結合並有益於身心健康嘅活動，而放紙鷂恰好滿足咗啲人嘅呢種需求。

而從世界嘅角度來分析，從公元十三世紀意大利旅行家馬可·波羅將風箏傳入歐洲，始傳世界各地到至今，放紙鷂活動，喺某種程度上促進咗各國之間嘅文化交流，加強咗世界各國人民之間嘅友誼，喺發展經濟同旅游事業中發揮住重要作用，可以講，紙鷂嘅發明係具有重大意義嘅。