大家喜歡養什麼寵物

wind6

养人都未养得掂

Aeris00

golden retriever la

nautiluz

當養的寵物，一天一天的老去，就會一天一天的更難過

wenti002

。。。不拆家的

leyland925

蝸牛算唔算???

zccrd

必须是狗狗

abc41400

養魚感覺幾好的 但大部份人都會說是老人家玩意 哈哈哈

nonoluan

以前养过鸟后来死了，就不在养了

JohnB

中學嘅時候養過一隻家貓乸，喺趁墟嗰陣時執翻嚟養嘅，奶都未斷毛都唔多條，因為太細只未戒奶，我哋直接喂魚畀佢食，市場有種好便宜嘅淡水魚，幾蚊雞成麻包袋嗰種，因為呢啲魚本身撈上嚟嘅時候太細條，鱗細又密，唔劏又唔衛生人食嘅話，所以呢啲魚我哋叫佢做貓魚，專門買嚟喂貓嘅。
最衰就係未戒奶，仲要教佢屙屎屙尿嘅規矩，嗰陣時邊個會咁有耐心，直接裝盤煤灰就已經係好正宗嘞，點知后嚟…只貓到咗成年之後都一直習慣用“盤”先可以正常如廁！我頂佢個肺，一冇咗嗰只盤佢就搵啲凳底床底，陰陰濕濕你絕對估唔到嘅地方擺低一二兩，當你發現嘅時候嗰攤嘢都已經發曬霉嘞！呢個回憶係我哋最痛苦嘅。而且佢唔單只養成呢個惡習，仲有凈係識食“貓魚！”米飯一粒不沾，激死人！
除咗佢嗰兩樣衰嘢（其實係我哋做大人嘅冇好好管教佢，佢嗰陣時最主要係未斷奶，我哋用錯咗方法），佢其實都好幫得手，我哋收養佢嘅其中一個原因都係睇中佢作為貓嘅呢一份天性，當佢好細只嘅時候，我哋就成日用棉線綁紙條嚟訓練佢（撚化佢），直到后嚟屋企可以連一隻曱甴、一隻烏蠅都睇唔到，只要係喺地上爬行嘅，老鼠呢啲就更加唔使講，連一條檐蛇都睇唔到！反而多咗好多蚊！係喔，啲蚊係經常飛嗰喔，又細只。

再後嚟，只貓發春，夜夜吟叫，一年我都唔記得幾胎了，成日哩喺床下底生仔，搞到啲貓虱除極都除唔盡，咬到我哋只狗噉
再後嚟，我哋就將佢送咗畀人了，再後嚟，我哋好似打探到關於佢嘅一啲令人感慨又沮喪嘅信息，再後嚟，我覺得呢啲哺乳類寵物，同人類嘅壽命相比實在太懸殊，人類一旦同佢哋產生感情，就呢一世都會留低烙印。有咗呢種感悟之後，宜家堅決謝絕領養，烏龜都唔養，我知我係唔夠佢長命嘎喇