追忆香港动画片历史

QQ312 · 发表于 2013-10-24 23:06:47

1.《乞嗤大魔王》无线电视翡翠台首播    1978年7月24日

   當年《乞嗤大魔王》〈約 1978 年香港首播〉我都幾乎每日追住來睇，還記得當時每逢星期一至五 4 : 30 pm ，每集播映半小時，有時候睇到都幾好笑呀，我仲記得當年替〝乞嗤大魔王〞配音嘅配音員係已故藝人藍天喇........

當年《藍寶石王子》有少少印象，曾經在 1970's 電視〈〝 TVB 〞〉播放過，據聞當年負責配音〈〝藍寶石王子〞〉係趙雅芝女士喇........

我好鍾意個王子架, 又發夢想做公主架, D卡通衫...好靚呀...

不過千祈唔好學似〝藍寶石王子〞咁出世時同時擁有兩個人嘅心〈男生和女生〉，令到後來遭遇比較坎坷，例如要對付亂臣賊子謀朝篡位，又要營救被魔法詛咒嘅國王和王后，幸好正因為佢有兩個人嘅心，所以佢面對挫折同逆境時先至企得穩，非常之「硬淨」，衝破咗重重困難喇........

你地好幸福啊,我細個時只有有線麗的映聲中英二個台和只在晚上6至十有嘢睇,兒童節目想都唔會想呀.

3.《铁甲万能侠》丽的呼声台首播 1974年9月

我記得當時〝麗的電視〞連續播兩套《三一萬能俠》，第二輯叫《新三一萬能俠》，只可惜第一輯大結局錯過咗，後來第二輯第一集講返〝三一萬能俠〞已經損毀咗，而負責駕駛三號機隊員已經壯烈犠牲咗；於是第二輯又製造一件〝新三一萬能俠〞，同時又有新成員加入取代以前死咗嗰位隊員，不過第二輯我就冇乜睇過喇........
同樣《鐵甲萬能俠》亦都有兩輯，當年〝麗的電視〞先後亦都播映過，兩代〝鐵甲萬能俠〞外型設計有少少唔同，而且兩輯主角都唔同人，除咗〝大鐵牛機械人〞依然有得留低繼續「搞爛 gag 」嘛........

我記得當時〝麗的電視〞連續播兩套《三一萬能俠》，第二輯叫《新三一萬能俠》，只可惜第一輯大結局錯過咗，後來第二輯第一集講返〝三一萬能俠〞已經損毀咗，而負責駕駛三號機隊員已經壯烈犠 ...

係呀！呢套我都記得係咁，當年好想睇到打暗黑大將軍，見到《鐵甲萬能俠》既貼紙都會買

4.《小露宝》丽的呼声台  首播 1976年

丽的电视首播的「小露寶」粵語主題歌就由女歌手鍾叮噹所唱。因為原裝日本版嘅音樂已經好開心醒神，再配上粵語嘅得意歌詞，令聽到嘅人留下好深嘅印象

當年《小露寶》我仲記得喇，雖然劇情有點唔記得咗喇，但最有印象佢好鬼怕〝小強〞，見到佢就完全失控喇；仲有佢平時做事就「撞板多過食飯」，差不多每次評分被〝鋼鐵老師〞「請」佢食「零雞蛋」〈「零分」〉，只有幾次攞一百分滿分；佢好鬼鍾意女機械人〝小賓女〞〈〝芭蕾舞女機械人〞〉，不過佢好鬼怕〝小吱喳〞〈〝護士機械人〞〉，因為每次總會夾硬幫〝小露寶〞打針；記得拍攝過好幾輯，反而大結局嗰集我就有睇到，最終〝小露寶〞憑著佢堅忍毅力，桨不氣餒，好認真去做好呢份工〈興建〝兒童遊樂場〞〉，結果得到〝鋼鐵老師〞嘅讚許，最終攞到........ 500 分兼即時畢業，完了！........

5.《金刚飞天钻》佳艺电视台 1978年  首播

當年〈 1978 年〉我大哥就好鍾意睇呢套卡通片《金剛飛天鑽》，記得最初喺〝佳藝電視〞播放，應該係 1978 年 7 月暑假開始播，當時安排每逢星期六《三零一部隊》時段播放，因為每逢星期六下年三時零一分開始播放日本製作卡通片或特攝片〈每半小時播放一套〉，直到下午六時正為止，卡通片《金剛飛天鑽》就係其中一個時段，當中最有印象就係主角喺凌空打個空翻變身，然後成個人「縮龍成寸」咁變成機械人嘅頭部，接著跟其他機械人身體組件結合，變成〝金剛飛天鑽〞咯，可惜做咗唔夠一月〝佳藝電視〞就倒閉咗〈「執笠」〉，呢套卡通片就係咁被迫「腰斬」咗，不過後來〝 TVB 〞買咗呢套卡通片版權，最終《金剛飛天鑽》可以繼續播放〈好似係由頭開始播過喇〉，不過唔好問我故事內容講乜，因為當時我唔係咁鍾意睇啦！

嚇得我呀！幸好 sir棟您自行更正番有關資料，其實〝高達〞係是自另外一套卡通片《機動戰士》，記得當年〈約 1980 至 1981 年〉由〝 TVB 〞播放的，好似每逢星期一至五下午四點鐘播，當時我班同學好鬼鍾意去睇，尤其是放學後全班男仔走去學校附近士多睇〝高達〞，直到播完一集先至回家，而且我大哥又係好鬼鍾意追住睇，反而我就一點興趣都冇喇，最諷刺大結局嗰集俾我無意中睇咗，記得主角阿寶駕駛〝高達〞〈〝地球聯邦軍〞〉跟馬莎駕駛〝紅彗星〞〈〝自護軍〞〉決一死戰，〝高達〞被〝紅彗星〞重創下冇頭冇雙手冇左腳，嗰陣我才知道〝高達〞駕駛艙喺心口位置上，結果兩軍最終簽和約才結束「一年戰爭」嘛........〈其實有部分細節已經忘記咗喇〉

回憶童年回憶大力水手,以前每個月才有一次看在政府的服務中心,當時是幾個大人搭白布幕和架放影機很大陣像,並每約15分鐘放影後換片也要很長時間,對比現今如想看片真是方便得很了,但珍貴度下降以前看完影片可在腦海中保留很長很長時間.

呢套《歸來的超人》〈 1971 年〉曾經在香港播放過，當年〈約 1974 年〉由〝 TVB 〞播放過，即係香港人非常熟悉《超人歷險記》，係《超人系列》第三部作品，主角〝超人傑克〞〈即〝超人阿鄉〞〉，其實〝超人傑克〞跟〝超人吉田〞外型上有少少相似，但《超人吉田》〈 1966 年〉係第一套作品，第二套係《超人 Seven 》〈港譯《七星俠》〉，可能一直以來都係被人混淆咗先後次序嘛........

詳情可以睇番以下《 Ultraman 系列》喇........

片知我已經唔記得lu，至於次序更加唔記得，但《超人歷險記》個名尚有dd印象，係呀，吉田同阿鄉有少少唔同架，細路仔時好識分架，仲成日同d同學仔研究超人大佬阿爸阿媽咁，果時幾迷下架，每當戲院做果d超人大集會，都好恨去睇架，嘻~ ^^

係呀！我都記得七號仔做時叫《七星俠》，唔知有無記錯，佢既絕技係七星劈魔首，即係將頭頂果舊野飛出黎，嘻~ ^^

忽然間令我記起以前呢套《百變龍》，原來香港亦有拍攝過「 A 貨百變龍」，只不過《百變龍》〈香港版本〉叫《鐵超人》，戲中有李琳琳、秦沛、葉天行、陸劍明亦有份參與演出，片中靠剪接效果，將日本《百變龍》原來版本〈機械人出場對戰部分〉和香港真人露面部分結合而成，可惜上映唔夠幾天就即時「落畫」喇........

《彩虹化身侠》    无线电视翡翠台  首播 1976年11月

(星島日報報道)「天與月之靈，地與月之精，山與河之氣，人與物之情……上天下地賜我無窮力量，高山流水助我濟世為懷，彩虹化身俠，變! 」相信和我一樣成長在七十年代的朋友，都會記得這些彩虹化身俠的變身咒語。在芸芸日本特攝英雄片集，這部《彩虹化身俠》算是較為特別的作品。因為一般東洋英雄，原產自日本，唯獨這個化身俠，故事設定是男主角大和猛遠赴印度，拜印度瑜伽大師達巴學習武術，最後達巴大師圓寂之時，更將精神注身入徒弟猛，成為「彩虹化身俠」。這部以印度化身術變成的超人，有七種變身能力，就是日月金木水火土，每個變身皆各有長處，上天下地，無所不能。小時候最高興是看見一個超人竟然有七種變身，每集數變，真的看得不亦樂乎。

彩虹化身俠細個時有睇，石修同張圓圓唱果首主題曲到而家仲識唱添，不過劇情就無晒印象lu，唔知你地又係唔係呢？ ^^

當年卡通片《聰明笨伯》曾經喺〝麗的電視〞播放過，主角叫董輝，佢老婆叫韋瑪，仲有佢好朋友〈唔記得叫乜咩名〉，美國荷里活某某電影公司曾經喺 1994 年拍攝《聰明笨伯》〈真人版〉，可惜影評就認真「麻麻哋」喇，我朋友嘅家姐就真係「中招」，結果睇完返來猛話「呻笨」，而且揶揄話電影公司和戲院認真係「聰明」，反而觀眾們就做咗「笨伯」，正如戲名「聰明笨伯」冇改錯名喇........

至於您提及到另外一套卡通片《萬能勇士》，我知道您講緊邊套卡通，當年〈約 1974 至 1975 年〉，由〝 TVB 〞曾經播放過喇，不過嗰時有部分譯名有少少武俠 feel 咁喇，例如〝正義堂〞〈其實應該係〝超人聯盟總部〞咁上下喇〉，成員當中絕唔少得〝萬能俠〞〈之唔係〝 Superman 〞 / 〝超人〞 / 〝神行太保〞咯〉、〝神奇女俠〞、〝蝙蝠俠〞與〝羅賓〞、〝潛水俠〞等等，後來亦都先後播放過幾輯，每次必定會加多幾位新成員咁喇........

通片《傻豹》我有少少印象，記得當年〈約 1974 年〉由〝麗的電視〞播放過，當時亦有相關產品〝傻豹朱古力〞喺市面上賣，好似賣五毫子一塊，其實呢個只不過係士多啤梨味嘅朱古力嘛........
我記得當年播放呢套卡通片第一輯嗰陣，片中係叫《萬能勇士》，當時〝 Superman 〞被譯作〝萬能俠〞，嗰班英雄聚集地點最初係被譯作〝正義堂〞〈原來名字就唔知道喇〉，不過直到後來第二輯開始，〝 Superman 〞已經定位被譯作〝超人〞，呢個名字一直沿用至今喇........

點解當時最初〝 Superman 〞被譯作〝萬能俠〞呢？或者有可能唔想跟當時〝 Ultraman 〞〈當時被譯作〝超人〞〉名稱上有所混淆喇，最早期〝 TVB 〞亦曾經播放過電視劇《 Superman 》真人版〈約 1950's 至 1960's 〉，總共有兩輯〈其中一輯為黑白片，另外一輯為彩色片〉，最初名亦被譯作《神行太保》，彩色片套差不多褪色咁剩喇........

呀！當時有隻傻豹朱古力，粉紅色，士多啤梨味架，我仲記得扁扁地，長長方方咁，中間有隻凸起既傻豹公仔架，味道唔錯架，嘻~ ^^

我還記得呢套劇集《俏巴喇》，當年〈 1975 年〉 9 月〝佳視〞開台後第一套播放劇集，每逢星期一至五下午六點鐘，由於當時唔係經常去睇，所以唔係好記得內容講乜喇........

俏巴喇大家有無印象呢？我印象記得有個女人好鍾意講：「笑一笑摩一摩消除病痛，打針食藥無用，按摩自然唔痛」^^

哈！劇情我都係無印象架，淨係知道自己有睇過，印象記得應該唔算係鍾意睇果隻..... ^^"

我依稀記得少少主題曲：我俏巴喇唔講大話做人亦唔差.....星君鬼馬...做人亦神化.....記得果少少就係咁，嘻~ ^^

卡通片《星仔走天涯》我有睇過，算係由頭睇到尾，根據外國某某童話故事改編而成，記得當年〈約 1978 年〉由〝麗的電視〞兒童節目《醒目仔時間》時段播放，逢星期一至五晚上七時正至八時正，當時電視台率先打頭陣，安排星期日晚《醒目仔時間》作首播，當晚呢套《星仔走天涯》亦都係同步首播，是「立體」卡通片〈估唔到嗰陣已經有「立體」卡通呢？〉，所以電視台比較隆重其事，總數有五十二集。

故事開始發生在 19 世紀法國南部一條小村落，主角〝星仔〞自小跟母親〈其實係養母〉相依為命，一直過著幸福快樂的日子，直至有一天，〝農康先生〞〈即〝星仔〞養父〉回來，自此〝星仔〞得悉了自己的身世，原來自己本身是孤兒仔一名，後來〝農康先生〞竟然將〝星仔〞賣給一名藚藝維生的老者〈〝老金伯伯〞？！〉，自此以後，〝星仔〞被逼離開住了十年的家園，跟〝老金伯伯〞四處流浪，展開了賣藝表演的生涯，嚐盡了人生百態，冷暖人情，尤幸〝星仔〞跟〝老金伯伯〞發展了一段亦父亦師的感情啊！

故事發展中段，〝老金伯伯〞因犯事〈其實是為勢所迫〉被迫入獄，〝星仔〞孤掌難鳴下帶領一班動物四處賣藝維生，後來遇上了一名有錢太太和她坐著輪椅的兒子，其實他們才是〝星仔〞的親生母親和弟弟，直到後來〝星仔〞才知道真相，幾經波折下，終於〝星仔〞跟家人團聚了........

還有其他情節省略不說的，例如〝老金伯伯〞之死〈在飢寒交迫下為了保護〝星仔〞而凍僵而死〉和他的過往真正身世〈原來他曾經是巴黎舉世知名的男高音演唱家〉，故事後半部〝星仔〞遇上了「老死」叫〝阿基〞，另外認識了愛人〝小麗〞〈「啞妹」〉........等等

記得當年有一個細路睇完《幪面超人》之後，真係模仿戲中〝幪面超人〞跳落街跌死咗，結果攪到當時〝麗的電視〞立即停播咗一段時期，後來再播放時就改名《鐵面金剛》直到播完為止，之後停咗十多年後，直到 1990 年〝 ATV 〞開始播放《幪面超人 Black 》和《幪面超人 Black RX 》〈兩套都係同一位主角南光太郎〉，又再掀起咗一陣〝幪面超人〞熱潮，直至 2004 年開始由〝 TVB 〞播放《幪面超人龍騎》喇手........

呢段新聞後期先知道，當時無為意因為有細路模仿而腰斬，後期改名《鐵面金剛》？呢個無印象lu，到90年時，我
嗰單 case 咁啱係喺我讀小五〈約 1978 至 1979 年〉，嗰陣我有追睇《幪面超人》嘛，至於《幪面超人 V3 》有冇睇到大結局就唔記得喇........