TVB配音劇《金田一少年之事件簿 2》配音表

ncyee

TVB配音劇《金田一少年之事件簿 2》配音表

《金田一少年之事件簿 2》於1996年首播，承上季氣勢歸來，仲拍埋電影版，成績都幾好㗎。

明智健悟在本季登場，但仍有部份戲份被劍持sir頂替。估計在不足60分鐘嘅單元內，人物嘅特色與功能不宜重疊，試想偵探代表有阿一，警界代表有劍持sir，而明智sir就係兩者合一加強版，如果戲份保留，咁咪難以突出主角嘅獨特囉？所以真人版關於明智sir嘅劇情多數有改動。最明顯係第一代《蠟人形城殺人事件》被劍持sir替代，仲有第四代SP2《獄門塾殺人事件》由吳尊演嘅李白龍替代。

企得係金字塔尖端嘅先叫主角吖嘛，配角就係旁邊負責黯然銷魂把啦。


角色名（演員名）：配音員：簡介

角色譯名跟隨TVB版。

金田一一（堂本剛）：郭志權：行到邊都有命案，KPI持續穩定

七瀨美雪（友坂理惠）：鄭麗麗：比上一季更加積極主動

劍持勇（古尾谷雅人）：招世亮：無上一季咁聰明，接近番漫畫版嘅中坑

向井猛夫（立川政市）：黎偉明：原創角色，劍持sir下屬，只參演第一代。依然魯莽，有露點演出

真壁誠（佐野瑞樹）：蘇強文：戲份一再加強，在中二之路有去無回，由第一代直跑到第四代

佐木龍太（原知宏）：馮錦堂：攝影（偷拍）狂熱者，漫畫版中遇害提早收工，真人版一直健康成長


SP2：雪夜叉殺人事件

（出場序）

背冰村老人（谷村昌彥）：源家祥：其實係真理嘅外公，因十年前未有收留女兒及外孫女，悔恨至死

江川松夫（遠山俊也）：李錦綸：劇組場務

明石道夫（中西良太）：陳永信：劇組攝影師。十年前巴士墮山意外採訪隊攝影師

明智健悟（池內萬作）：陳欣：智商與學歷成正比嘅警界精英，劍持sir上司，無論漫畫版或真人版同樣高傲乞人憎。真人版明智sir好享受真璧誠嘅崇拜，但漫畫版明智sir唔係咁輕挑

比留田裕子（藤真利子）：袁淑珍：導演。十年前巴士墮山意外倖存者，當時仍然冠夫姓，名為加藤裕子

綾辻真理（黑沢あすか）：黃鳳英：劇組場記。十年前巴士墮山意外倖存者

高田洋二（加藤善博）：陳曙光：劇組收音師，十年前巴士墮山意外採訪隊收音師

加納理惠（東てる美）：蔡惠萍：女演員，十年前巴士墮山意外採訪隊報導員

愛作（湯江健幸）：何國星：劇組人員，可以忽略

冰室一聖（大河內浩）：盧國權：冒牌貨，真名水沼正三，十年前巴士墮山意外採訪隊美術人員，後冒充冰室一聖隱居於背冰村

速水玲香（中山亞微梨）：林元春：人氣偶像，美麗可愛，對阿一有好感

飯星景子/草野仁：盧素娟/林國雄：特別演出，在劇中演電視節目《The Wide》主持人

織田無道：梁耀昌：特別演出，在劇中擔任電視節目嘉賓

小倉淳：李錦綸：特別演出，真係日本テレビ報導員。在劇中訪問加納里惠

真理媽媽：雷碧娜：十年前帶同小真理到背冰村投靠父親無果，回程時因巴士墮山而慘死，係小真理一生嘅陰影

訪問員（磯野貴理子）：雷碧娜：係機場訪問速水玲香

不破耕助（堂本光一）：無配音：特別演出。不破耕助係《銀狼怪奇檔案》嘅主角，在本篇中設定為阿一嘅朋友，最尾先同阿一係機場相遇，TVB版直接剪走咗，但係呢個人物牽涉到稍後播出嘅《異人館旅館殺人事件》，所以係度提一提



File 10：惡魔組曲殺人事件
愛一個人又點會察覺唔到對方病變呢？
就故事而言，本篇算係第一代金田一最無趣嘅一篇

（出場序）

御堂周一郎（寺田稔）：源家祥：著名作曲家，齋睇髮型都知佢有問題，行雷落雨推架三角鋼琴去崖邊彈，仲要啲弟子冒住俾雷劈嘅風險企係旁邊睇住佢彈；臨死仲要拋出「惡魔組曲」令到幾個弟子爭餐死，呢種人真係好危險

夏岡猛彥（町田康）：李錦綸：現任東京音樂學會指揮。為爭奪師傅御堂周一郎遺作而留在山莊困獸鬥

風倉百合惠（石井苗子）：黃鳳英：歌劇女歌手，傳聞佢聯手小澤龍二郎謀住師傅份家產。為爭奪師傅御堂周一郎遺作而留在山莊困獸鬥

電車車長：李錦綸

小澤龍二郎（多田木亮佑）：陳永信：作曲家。為爭奪師傅御堂周一郎遺作前往山莊，未參賽已出局

紅亞理沙（國生さゆり）：沈小蘭：小提琴家。為爭奪師傅御堂周一郎遺作而留在山莊困獸鬥

田村英明（松澤一之）：林保全：音樂監制。為爭奪師傅御堂周一郎遺作而留在山莊困獸鬥

御堂優歌（松本惠）：林元春：御堂周一郎孫女，不愧係兩爺孫，一樣咁神化



File 11：塔羅山莊殺人事件
《少年包青天1：血祭壇》向本篇致敬
觀眾向為藝術犧牲所以赤條條出浴嘅社長致敬
漫畫版中係暴風雪山莊，真人版可能係春末或夏末拍攝？如果有暴雨或打風就可以呈現返原作絶地困境嘅感覺

（出場序）

男同學A：蘇強文

速水玲香（中山亞微梨）：林元春：人氣偶像，與美雪可謂棋逢敵手，因為童年陰影所以頸項不能有外物圍繞

瀧下間太郎（河崎健男）：陳卓智：速水玲香影迷會會長，宅男一枚

赤間光彥（不破萬作）：陳曙光：鹹濕社長，人人得以誅之

小城拓也（沢向要士）：蘇強文：表面上係玲香嘅經理人，實際上係玲香親哥哥，因為童年陰影所以頸項不能有外物圍繞

伊丹吾郎（谷村好一）：林國雄：東京日報記者，撩鬼攞命唔怨得人

北條安妮（井上彩名）：陸惠玲：百鳥週刋記者，作用係解開昔日舊案之謎

速水雄一郎（長谷川袑範）：盧國權：壞人，但真係疼愛玲香

諏訪正子（水沢アキ）：黃鳳英：山莊僕人，作用係轉移觀眾視線

辻健二（竹下宏太郎）：黎偉明：一個行山迷路嘅人，塔羅牌高手，所以佢嘅作用就係玩牌

記者：陳曙光/黎偉明/黃鳳英/林元春



File 12：金田一少年的殺人
曾兩度被真人化，分別由第一代堂本剛及第五代道枝駿佑演出
阿一，好心你走佬時就換咗件校服啦

（出場序）

五木洋介（利重剛）：林保全：已經無咁乞人憎，反而顯得有情有義

針生聖典（佐竹雅昭）：陳卓智：攝影師

物部真理（加藤貴子）：盧素娟：女演員，橘五柳選中嘅暗號傳遞者

橘五柳（磨赤兒）：葉振邦：相當乞人憎嘅寫實派作家，被人埋單係遲早嘅事

赤帆紺（梅垣義明）：梁耀昌：某出版社社長，橘五柳選中嘅暗號傳遞者

鴨下明（市川勉）：陳曙光：另一間出版社編輯，同五木係朋友

野中友美（M I E）：雷碧娜：橘五柳選中嘅暗號傳遞者

明智健悟（池內萬作）：陳欣：警界精英，依然高傲乞人憎，但多番啲啲人情味。漫畫版中用空彈打中阿一，真人版由劍持sir開呢一鎗

都築哲夫（山下真司）：陳永信：電視台導演，係五木洋介嘅師兄，為咗女兒瑞穗挺而走險。漫畫版及第一代都係留下女兒瑞穗被五木洋介收養，但係第五代留下嘅係未婚妻，咁阿五木叔你……

都築瑞穗（鈴木杏）：盧素娟：都築哲夫女兒，患有腎衰竭所以身體好差，成長後變成第二代嘅七瀨美雪

工作人員：馮錦堂

警員A/B/C/D：梁耀昌/林保全/陳永信/陳卓智

菊婆婆（牧よし子）：盧素娟：橘五柳嘅管家，多得佢唔識開空調，咁先令都築哲夫嘅詭計得以實行



File 13：怪盜紳士的殺人
《少年包青天2：偷天換日》向本篇致敬
本集美雪戲份甚少，加埋都無5分鐘


（出場序）

男同學A/B/C：林保全/李錦綸/馮錦堂

和泉櫻子（遠藤久美子）：梁少霞：美貌被眼鏡封印住嘅美少女，個性內向，對金田一有好感

真壁實（遠藤司）：袁淑珍：劇情需要所以臨時生出嚟嘅真壁誠弟弟，替代漫畫版中金田一二三，誠實兄弟組十分有愛

女乘客：林丹鳳

小宮山吾郎（德井優）：張炳強：蒲生家管家，漫畫版中與櫻子嘅關係似有還無，真人版無咗件事

吉良勘次郎（江藤漢）：林保全：畫家，因為經營手腕不及蒲生剛三而意志消沉，舉債渡日

和久田春彥（相島一之）：鄺樹培：蒲生剛生外甥，尖酸刻薄，十分等錢使

醍醐真紀/怪盜紳士（兒島未散）：蔡惠萍，話俠盜都仲得，其實比起以後嘅高遠遙一，怪盜紳士有趣得多

蒲生剛三（深水三章）：盧國權：畫家，靠請槍而成為一流大畫家

海津里美（日野美歌）：林丹鳳：蒲生剛三嘅秘書兼情婦，為和泉宣彥打懵仔針

岸一成（橫山輝一）：馮錦堂：聲稱自己係路人，但其實係美大出身嘅設計家

和泉宣彥（中島陽典）：張炳強：只在回憶中出現。被蒲生剛三利用作為槍手，被海津里美毒害成廢人，在波照間島完成「我最愛女兒的肖像」後嘔血而亡

和泉媽媽：袁淑珍：只在回憶中出現，在故事展開前已病逝



File 14：異人館酒店殺人事件
本篇美雪發威，金田一戲份比較少
漫畫版舞台係北海道，真人版移咗去神奈川（兵頭鳴美自稱係隸屬神奈川警署）

（出場序）

鷹島友代（三浦理惠子）：黃麗芳：客串啫，為下一篇舖路

護士：黃鳳英

藥師寺力（三宅健）：鄺樹培：特別演出

土門龍太郎（秋山純）：梁偉德：特別演出

木之內太（松山幸次）：陳卓智：特別演出.。替代佐木龍太嘅拍攝功能，好彩唔使替死

以上三人係《銀狼怪奇檔案》嘅要角，係天神學園高等學校新聞部嘅成員，本篇中三人經由不破耕助介紹所以寫信俾阿一，希望阿一可以到異人館旅館幫手調查

雪村剛三（河原崎建三）：張炳強：異人館旅館負責人，漫畫版中成個肯德基上校咁，真人版則係藥師寺力嘅大伯

文月花蓮（美香）：沈小蘭：女演員，少年時父母雙亡，親人只剩孖生姐姐文月蓮子。非常地聖母，好心做壞事嘅典型

萬代鈴江（鰐淵晴子）：黃鳳英：劇團團長，衰到無朋友，劇團除咗花蓮就無個中意佢

兵頭鳴美（篠倉伸子）：盧素娟：警視級別（TVB版稱呼為督察），職位與傲氣成正比，漫畫版叫不破明美，最後被明智sir壓一頭；真人版則是被阿一親臨打面。其實真身係文月蓮子，真正嘅兵頭鳴美早就跳咗海

邊見魔子（真勢かおり）：梁少霞：劇團女演員，可以忽略

巿川玉三郎（みのすけ）：梁偉德：劇團腹語師，可以忽略

俵田刑警（白井晃）：林保全：原本應該係《異人館村殺人事件》登場，但被劍持sir替代咗所以無得出場。漫畫版中係佢邀請金田一到異人館旅館調查，真人版中行行企企龍套化

櫌戶明（高川裕也）：李錦綸：在劇團中演小丑，可以忽略

虹川幸雄（小林尚臣）：林國雄：劇團編劇加導演，拍住萬代鈴江為非作歹

刑警A/B：梁偉德/蘇強文：兵頭鳴美下屬

整容前嘅文月蓮子（美香）：盧素娟：父母雙亡後俾個爛仔收養，被逼染上毒癮，走投無路想要跳海之際執到兵頭鳴美嘅遺物，從此改頭換面

小混混：蘇強文：收養文月蓮子嘅人渣親戚，被蓮子一刀搞掂



File 15：墓場島殺人事件
《少年包青天1：血祭壇》向本篇致敬

（出場序）

鷹島友代（三浦理惠子）：梁少霞：劇組為友代舖路舖咗咁耐終於爆發啦——替代漫畫版嘅森下麗美，成為「村落的生還者」之一。老實講，唔覺得咁樣改有乜好處

森下麗美（建みㄜと）：陸惠玲：漫畫版嘅麗美係本篇主角，真人版改為暗戀真壁誠嘅美少女

阿嬸：林丹鳳：路過啫

旅遊公司軄員（神戶浩）：陳永信：騙子，負責引阿一幾個去墳墓島冒險

細路A/B：梁少霞/鄭麗麗：負責擾亂阿一同劍持sir講電話

檜山逹之（金子賢）：陳欣：War Game A隊成員，「村落的生還者」之二

以下7人成員，曾於2年前在信州深山裡進行War Game，引至黑阪村大火災

岩野涉（ケイン コスギ）：林保全：War Game A隊成員
難波昌平（村松亮太郎）：何國星：War Game A隊成員
萩元哲範（NARUKO）：陳卓智：War Game A隊成員
米村（正名僕藏）：鄺樹培：War Game B隊成員
井坂（增田英治）：李錦綸：War Game B隊成員
河野（有吉崇匡）：梁偉德：War Game B隊成員
守屋（松上順也）：黎偉明：War Game B隊成員

體育報導員：李錦綸
直升機駕駛員：陳永信




電影《上海魚人傳説》就唔做配音表啦，維基已經寫得好詳細

傑基

太详细了……睇来边记录边睇，再编辑，肯定花了好几日时间了……

snzt

金田一第二部都好好睇，当年系电视追完

我心粤漫

好中意金田一系列

达尔

金田一动画版同真人版都好看

joe2010

多谢楼主分享配音表，堂本刚版金田一剧集第二部同剧场版，梁少霞都配咗唔少重要角色

kingsky80

当年真的很好看的电视剧

asd2008asd

配音表好详细

sky000

多谢分享配音表

神之影

好多配音员