以色列之旅——A Land flowing with milk and honey

geniuz

　　住落第二日，主要遊覽Haifa。坐一隻subway嘅登山電車上山頂，再行返落嚟。





　　山頂有間賣石榴汁嘅，16nis一杯，比起景點10nis一個驗尿杯咁細，呢度算幾抵。





　　Haifa其實冇乜景點，主要就Bahai Gardon（巴哈伊花園）。巴哈伊教又叫大同教，認為無論耶稣定佛祖都係同一個神嚟嘅，呢個教派主要集中喺Haifa。貌似每個整點都有人解說，我哋等到12點嘅英文解說。入口指示比較亂，排排下隊又話唔系嗰度。










　　睇完個花園，我哋打算去租車。聽講本地有間叫suncar嘅租車公司，揾極都揾唔倒。周圍行周圍問人，啲人係好熱心啊，問題問10個、10個指嘅路都唔同嘅，真系吡佢玩死。最後係靠自己分頭揾先揾到。點知揾倒之後，又話唔可以異地還車，搞到白走咗一個下午。






　　第日一早再去揾第啲租車公司，Sixt同埋Avis，但呢兩家都話一定要國際駕照。結果又租唔到。當日打算租車去Akko嘅，結果變成搭火車。














　　Akko係個古城，出火車站行十零廿分鐘就到古城。








　　中午喺海邊食飯，一碟燒雞+薯條都50nis，不過呢度算抵，其他地方仲貴仲唔飽。










　　當日返咗Haifa之後，發現成日租唔倒車都唔系辦法。因為之後就唔再住Haifa，要轉去死海。
　　行完Akko嘅第日，我哋揾兩個人坐火車去TelAviv，嗰度嘅Avis終於唔使國際駕照。然後佢兩個再開返部車嚟Haifa接我哋去死海。
　　去死海中間，我哋經過BeitShean，嗰度有個羅馬遺址。門票要40nis一個人。





　　遇見羅馬浴場，系咪路西斯設計嘅呢~~


（今日更新到呢度先，第日有時間再更新。）

SpiderKobe

世界上最團結嘅民族，最多科學家嘅民族。

SpiderKobe

復仇最快嘅民族。

etsin

looks kinda old, but would love to travel there, might have unexpected things

geniuz

　　離開BeitShean嘅羅馬遺址之後，我哋繼續開車去死海。死海邊都起嗮酒店，我哋訂嗰間叫Herodz酒店，希律王酒店，希律王就係殺耶稣嗰個猶太王。
　　開頭我哋揾極都揾唔到間酒店，原來嗰正面係寫希伯來文，後面先寫英文。等我哋過嗮酒店區，發覺唔係路繼而掉頭，回頭路嘅時候先見到間嘢。











　　死海最特別就係鹽份高，只要攤落去就會浮起身，除咗氯化鈉、氯化鎂之類同海水一樣嘅成份，仲有啲溴化鉀之類嘅嘢，所以會好鹹。海邊海床全部都解嗮啲鹽巴。雖然好容易浮，但一定要放鬆個人，否則喐嚟喐去亂擓亂撐~就好容易入水落五官。我朋友沾咗少少入眼，na到佢跳舞。所以只能浸，唔能夠游。而死海嘅鹹亦係好有層次，先係鹹，半秒之後就覺得苦，跟住就係澀。　　
　　話係海，其實係個內陸湖，剛好係以色列同約旦交界，聽講最低處係海拔-400米。由於死海不斷咁乾塘，所以以色列同約旦都不斷pump水落去，聽講係用海水淡化之後剩返嗰啲嘢。


















　　呢個沙灘好似都話係人造嘅，發啲bikini吡大家睇下啦。











　　晚餐我哋只有喺老麥食，普遍都係廿幾到四十幾nis一個套餐。又貴又冇乜選擇。









　　我哋間房向東，一早起身就睇死海日出。睇完就落去浸水，浸完就食早餐。酒店包咗個早餐，貌似幾高大上，但其實都唔多好食。











　　都係啲芝士、酸奶之類。最後一張係“奶和蜜”，係不斷強調呢個係上帝應許嘅奶和蜜之地呢？還是一種生意gimmick呢？


（今日上傳量又冇嗮喇，下次再續。）

halotamashi

友情提示：一个人去的话，其实某部分北欧妹子很热情哦！

geniuz

　　離開死海前往Jerusalem，呢度同之前嘅城市都唔一樣，感覺上繁華好多，亦世俗好多。未入城就已經覺得好多車，而且啲車已經唔似Haifa咁禮讓。雖然唔至於好似喺中國大陸揸車咁衰，但臨到紅綠燈有啲taxi都會轉去少車嘅車道，唔似Haifa啲車從來唔變線。








　　讓我哋仍然覺得身處以色列嘅，係街上好多唔同著裝嘅人，亦唔少揸槍嘅唔知士兵還是預備役。




　　Jerusalem係一個新城包圍舊城嘅地方，喺舊城外再不斷擴建新城，對於遊客嚟講，更似一個城市中間有嚿景點，就好似上海有個城隍廟一圈都係老街。佢嘅新城都好現代化，你覺得同去歐美冇大分別。
　　我哋住喺Jaffa Rd.隔離，一條叫Shamai St.嘅一間apartment，樓下係步行街，有老麥、有pizzahut，其實好旺。離舊城亦唔遠，沿住Jaffa Rd.一路行就去到舊城嘅Jaffa Gate，估計多數遊客都係由呢個門口入。








　　無論點，我哋都要解決咗食飯先，所以先去市場。喺Jaffa Rd.有個Mahane Yehuda Market，好似話好出名，連旅遊雜誌都係咁推介。














　　呢度除了中東大餅，蔬菜、生果、肉類、調味料都係頗豐富嘅。不過呢度水資源比較缺，所以蔬菜都比較貴。肉就還ok，只不過全部係雪嘅，我哋最失策係買咗魚同牛，啲牛肉韌到冇朋友，啲魚肉霉到冇朋友。好在我揿住，否則佢哋想買多幾斤魚。但由於冇乜調味料，佢哋又做多個錯誤決定，就係打甂爐，結果造就咗我咁多年都未食過咁韌嘅牛肉同咁霉嘅魚片。





　　呢度有種好貴嘅糕點，類似新疆切糕。









（更新住咁多先，下次再續。）

geniuz

　　喺Jerusalem其中一日係贖罪日，猶太人嘅贖罪日係乜都唔做，規定唔俾食嘢、唔俾搞嘢、唔俾用電子產品，聽講話遊客攞部相機周街行都會俾人打。所以提早一日我哋就先去行下舊城，主要睇下西牆。西牆係舊城入面聖殿西面嘅牆，啲猶太人會走去嗰度喊，所以叫“哭牆”。











　　其實塊牆冇乜好睇嘅，就一面石牆，只係好多人喺嗰度念經，讀啲猶太嘅唔知乜野經文。開始聽講話啲原教旨嘅猶太人唔俾人哋影佢相，所以都係偷偷摸摸。但後嚟見一個鬼佬攞住碌大炮對到啲猶太佬面前咁影，我哋先放心影。當中亦好多細路，其實唔知佢哋明唔明。
















　　最後呢張就係聖殿嘅外圍，入面唔吡入嘅。
　　跟住我哋去咗聖墓教堂，都係喺舊城入面。話呢度係耶稣受難嘅地方，亦係苦路14站嘅最後一站。

























　　聖墓教堂整得幾金碧輝煌，但如果冇宗教信仰，其實睇乜野教堂都差唔多。只不過對於信徒，呢度就係朝聖嘅地方。有啲人會錫耶稣死嗰塊石板。畢竟呢度係聖城中嘅聖城。




（今日更新住咁多，下次再更新。）

昨夜星辰

对于英文唔好的人系绝对唔会出国噶，例如我！

ksua852dd

中東真係好吸引
我都有打算去約旦/伊朗