今日甚为有面子！！！

netasa · 发表于 2014-12-1 03:02:42

广州地铁三号线出晒名多人转乘嘅，相信无广州人不知。正好昨日在下要过去购置少许电脑配件（由于发贴时已经踏入12月所讲昨天）。虽然已经係转乘嘅老手了，不过依然敌不过星期六日带来的巨大人流，在三号线车厢里有站位都已经係好幸福的事情了。不过你也可以换个睇法来安慰自己的，就係.....  果句“你爱着蛾，蛾爱着你，爱得好辛福！”  咩意思？自己YY啦！

重点唔係依样，讲番正题。由于出于好奇所以特别想睇下HKTV嘅选战好不好睇（越係禁越想睇）。所以将下载好嘅片放左落手机，之前因为无时间睇难得在地铁无聊就用手机睇片。一号果段路睇左更新嘅魔奇与猎人，到左转三号线时刚好就睇第一集嘅选战，入车厢后人逼人，每个人嘅距离都唔够3CM。宜家在地铁睇片已经被大家所习惯了，就算係拧住部大平板或IPAD嚟睇片都唔会有羡慕同埋好奇与注视嘅眼光望你了。因为各有各自睇，不过有样嘢係永远唔会变的，就係周围D人肯定会及下你睇紧D咩戏嘅！咁讲至依度相信各位明我想讲咩啦！

无错，的确。我睇紧选战嘅时候D人及到咯！不过想及唔到都几难，距离太近啦。之后身边有个靓仔问我睇紧嘅係咩台？点解个图标都好似未见过嘅！！仲问我用咩点播软件！？  正准备答拒时，旁边个靓姐又插口问係套咩剧嚟叫名？觉得係D香港演员不过又好似係D陌生D无咁经常出镜果D好好奇。之后我快退去个LOGO果个位，话拒地知係咩戏，暂时国内係唔会有得睇嘅，当然网上会有啦不过稳得到都唔係件容易嘅事！！我只係下载存落手机度睇无用咩软件。之后就肯定係羡慕同埋好奇与注视嘅眼光嘅集中点啦ME！！不过其实我好快就落车啦因为只係两站。

其实我想讲，选战依出嘢拍得就麻麻地啦，不过演员就真係几好戏架，睇起嚟无咩新戏唔舒服嘅感觉，虽然个故仔就一般不过至少唔闷。题材方面我觉得都好好，不自觉咁我就拧拒同木村大叔果套做首相嘅日剧嚟比啦。我就认为係不可多得嘅有HK特色嘅好戏好剧。综合嚟讲HKTV拍左出好剧。当然宜家未睇晒，之后点好难讲，不过我觉得好睇好开始先啦。讲番到内地依度，有必要挡依种片么！都讲过啦一国两制！哎！.....................（省略“D字唔出得街！”）  我觉得可以睇到係件幸福嘅事！感谢为此付出过嘅所有人（包括下载嘅自己）！

PS：其实都试过好多次被人问及一D类似嘅问题。就好似睇紧猎人果时试过被人问是用咩XX视频点播的？或者係话边度稳得到粤语版阿？又或者点解用咩软件可以睇到J2台嘅？？睇翡翠嘅片时又会俾人问点解你睇嘅咁清嘅，我XX视频果度睇嘅好蒙嘅！你唔怕用晒流量阿？我睇一集就无晒成个月流量咁济。当我睇明珠电影片嘅时候又试过有人问，明珠台果D有粤语嘅咩？  曾经试过睇猎人时被人觉得係睇紧网上点播果D（即係日语+字幕）然后无视左，我点知被无视？因为我听到“睇紧全职猎人咯，后边果D越出越慢都无心机追了。” 不过上面都讲过啦，就算几习已为常都会偷及下你个屏（好奇心人人有）。但当拒地睇到J2个LOGO时就会改左无视变为注视喔！当然只係一阵咁大把因为J2播得真係太慢了人地睇过啦。  又曾经在公交车时睇手机嘅片，变左身边嘅所有人一齐睇！因为无广告係好吸引人嘅。而一集4X分钟嘅片正好到站。都曾经有人误会我部手机可以收到电视？！！只因压片者保留了TVB嘅LOGO动画片段于节目前！！ J2、高清翡翠、明珠、依D LOGO出现在你嘅手提播放设备上时，唔知大家会唔会有觉得好开心好体面，当被别人问及或羡慕同埋好奇与注视时，有无种好特别好有“飞屎”嘅感觉尼？！  不用怀疑，因为你在同样用手提设备睇片嘅人中係好特别嘅，拒地只能或只会无得选择咁去睇果D煲东瓜片或字幕送饭嘅片，而你就能享受拒地要番家用电视睇嘅节目仲要飞埋广告添！！十分之SP架。