港景飄移！　$2,500遙控甩尾

free2penny · 发表于 2015-5-18 09:49:42

【on.cc東網專訊】「Calling總台，我係交通部陳Sir，屯門懷疑有非法賽車，架架飄移入彎仲改晒裝，要求增援，Over！」Hold住先，陳Sir你搞錯了，無錯車友們正在飄移入彎，但只是1/10比例的甩尾專用RC Drift遙控車，而且款式繁多，計有Toyota AE86、Nissan Silvia S15，就連Hiace同Alphard等大型車都有，全部像真度極高，又難怪阿Sir你認錯嘅！

車場負責人謂，遙控車雖然在港已流行多年，但以室外場居多，玩時既要日曬雨淋，又有被趕走的可能性，因此遂決定於兩個月前投資六位數字成立這個室內遙控車場，並首度以香港街景作主題，賽道彎多直路短，建有斜台高架橋，並處處可見香港常見的藍底白字公路牌，例如「所有目的地」等，叫車迷玩得勁親切。

跟一般遙控車不同，RC Drift更講求操作及改裝技術，車架、車胎、摩打、轉向、電池及遙控都可任意調校，並要因應不同賽道改Setting，玩家要邊玩邊計算車胎硬度、齒輪Gear Ratio、四驅Counter Steer同電變值等，玩落同真正鬥車沒有分別。車場負責人補充，一架落場RC Drift最低消費由$2,500起，初學者可先改用硬胎或甩尾胎來增加入彎準繩度，而車場已改用地氈地，比坊間常用石地更好甩，很適合初學者來提升技術。另外，他們還會不定期舉行比賽，以飄移準繩度、長度、速度、與圍欄距離等來評分，勝出可得零件作獎勵，鼓勵玩家們互相補強！

詳細請看: (有片)
http://hk.on.cc/hk/bkn/cnt/lifestyle/20150516/bkn-20150516123130424-0516_00982_001.html?section=all