（非和谐事）5年前的撑粤语，坛里有多少人知道

yuki

三个字：撑粤语！

我地公司有两公婆，男的系本地人，女的系山东人，佢个仔识得听广东话，但系开口就讲普通话，佢老母就算比卡通个仔睇都睇d普通话的！

= =！我只能一声叹息：唉~~~~~~

以前细个读书因为老师多数系本地人，除左语文课讲冬瓜之外其他都母语教学，后来慢慢地改革开放，加下越来越多外省捞过来教书。加下d幼儿园细佬哥所有课都系冬瓜课，连课间都要讲冬瓜

唉，公司另外个援藏的同事，两公婆都系广东人，但系从细就同自己个仔讲冬瓜（因为里个系老师的要求）

里样都系一声叹息

yuki

= =！想当年去外省读大学真系够晒罗命
同d同学讲动漫，佢地讲葫芦娃、蓝猫之类的，我话未听过，我细个系睇叮当、美少女战士，忍者乱太郎。渠地即刻话我山炮（即系乡下人未见过世面）

同学口中的“好莱坞“我最后先知道原来系”荷里活“，佢地讲”贝克汉姆“我睇到张相先知道原来系tvb体育新闻的碧咸

= =！冇阴功，以前读书的时候一直比人地讲我乡下出来未见过世面

不过有一点可以肯定的就系里d中文译音都系tvb的翻译得好！
重系里句，我爱粤语

b123e456

netasa 发表于 2015-8-2 03:13
一样归一样，唔好将片面归到全局化。你讲到好似搞文化就要搞埋动乱咁。我所讲嘅“有”指嘅係“存在”嘅意 ...

第一,外國用國語/普通語係因為易學,佢地連4個音都唔一定要識哂都已經算學到
第二,搞文化好似搞動亂咁,呢樣應該唔洗我講到出面呀,貴國上一代應該最清楚不過發生咩事
第三,入鄉隨族互容乃大,前者的話你搞亂了主客關係還是愛國者思維上身?後者的話是誰沒有尊重人民硬上政策?
第四,穩個洋人教普語好唔好？？順便教埋英轉普啦笨<既然你都覺得咁唔好點解成件事套係香港上你又話好?
第五,睇你既用詞,似乎你先係庸人自擾者,成日強調人地歧視國內現有文化,你又點解唔放唔下身段接受呢種文化當中既缺憾?
第六,127樓的回覆你認為只你片面影響?難道你唔明兩立互對既後果可以可嚴重?
第七,成日叫人尊重,咁班下令既人又有冇尊重執行既人?

最後,希望你用同一思維回應樓主既文章,期待你既回應

cakeiii2000

令我諗起最近杯麵行姐單野,其實識講廣東話點解唔講, 覺得廣東話影衰你咩?

runanwen

我不知道哦

netasa

b123e456 发表于 2015-8-2 18:03
第一,外國用國語/普通語係因為易學,佢地連4個音都唔一定要識哂都已經算學到
第二,搞文化好似搞動亂咁,呢 ...

唔回应D咩了，你咁钟意曲解我意思。都无咩好讲啦！你1-7点中有大部份都唔知你想讲咩，无重点嘅。
学下你吖！
1. 人地外国咩程度为之合格与我地有可关系，你地HK米一样要求英语能说会道先叫合格，咁只识26个字母叫唔叫合格？乱拧外国情况嚟讲，不知所谓。
2.就係因为清楚先唔会再做依D咁蠢嘅事，国人都好清楚。我反而觉得HK嘅同胞们好多都唔清楚特别年经嘅朋友们！
3.政策从来就係由上至下压落嚟嘅，未听过先地方实行再由上头批准的。唔通HK就特殊D？？咁係你有无意见而是其他嘅省市有意思了。到时个个都母语教学你又有无谂过后果！咁你认为边个先至係前者同后者阿！
4.我无讲好，我只係讲可行。事实上现在只有HK未实行大规模普教。普教无论边个省城都无人话好嘅，但并唔係唔可行嘅。
5.我点唔接受先？？可以举例吗？现在係你地反对唔係我。关于依点上面回复我已经讲得好清楚了普粤无大小之分都学且够用就可。
6.严重后果係由人挑拨起嚟嘅，单就文化而论係唔会有重大问题，否则可谓“斯文人”之称谓？可以两立相对呢？咁上海话，四川话，福建话，依D又属边一边？！难道HK无人讲果D话！
7.依度我真係唔明你想讲咩，下令果个反而要听番执行果个讲嘅嘢？！即你佬细要听番你依个基层员工嘅话去做？？ 你想表达咩素求先！！

netasa

“被取代的危机”    用词重左少少。  普语在广州只可以讲係达到“泛”嘅程度啦！！ 至少在我嘅生活圈内粤多于普。再讲部份领导已经澄清相关问题说词啦！

如果讲到明废粤嘅，当然係要出嚟撑啦。不过5年前好似并唔係咁样咯！！！

b123e456

netasa 发表于 2015-8-3 01:51
唔回应D咩了，你咁钟意曲解我意思。都无咩好讲啦！你1-7点中有大部份都唔知你想讲咩，无重点嘅。
学下你 ...

我直情唔明你噏乜,第一點已經唔明
一样要求英语能说会道先叫合格<<<咩係說會道,而且你答非所問,我同你講緊點解外國會用普通話應酬遊客,唔係講咩英文程序先叫合格,你對題啦好嗎???
2.咁你仲支持文化清洗?我講咗十幾次,唔係唔比教普通語,而係唔比普教中,HK一直有普通語堂架,講咁耐你都唔明?
3.唔通HK就特殊D？<唔特殊就唔叫特別行政區啦...如果你否定呢點我都唔會再同你解釋,因為已經唔係學術討論而係政見衝突
4.你冇講好?咁你又支持?即係點?精神分裂定矛盾大對決?
5.你以普轉英為例,咁即係你介意教學上用其他語言代替母語/官方語言啦,咁點解件事係HK你又支持? >普粤无大小之分都学且够用就可< 我又再講多次,香港一直有普通話堂,唔係唔比人學普通話,而係一直教緊兩文(中、英)三語(粵、英、普/國)<<<我唔明你無視呢個point定咁多次都睇漏
6.首先「单就文化而论係唔会有重大问题」<大佬,我又再再再講多次,普通話堂用普通話,中文堂用廣東話,係香港十分正常,如果連中文堂都要用普通話咁咩時候先可以講廣東話?教學時間冇廣東話咁下一代仲識唔識?唔識的話咪會慢慢失傳,最後咪文化滅絕囉 咁簡單都唔明?你睇吓奧地利對南斯拉夫人既行為,再睇吓美國對美洲原住民既政策,本土文化就係咁被慢慢滅絕  ~~~~~上海话，四川话，福建话< 中國兩大常用語言係廣東話同普通話(國語),想問一問你,咩時候既教育上海等地區用過上海話做常用教授語言?我諗由1949年開始全國學校都已經以教授普通語為主吧,而香港由1841年被英國殖民時都仲用緊廣東語做主要語言,即使日後英方修改教學政策,仍是以粵英同用,回歸後更轉回粵語教學,到而家先要以普代粵?唔係文化侵略係咩?廣州人連主播用普通話都頂唔順,我地讀書要用普通語為主咪更加頂唔順!
7.我畫公仔畫到出哂腸啦大佬,你咁想我講咁白係咪想我比朝廷封殺? 不過算,我希望我講完你會翻牆WIKI吓,民主政府被三權監管外,仲有第四權,係傳媒同人民,政府唔係神唔係天皇唔係主 , 當然係強國另計,不過我地講緊既普教中係香港政策,而家未到2047唔洗咁急清洗HK,教師、學生、家長都有反對,點解政府仲要一意孤行?他冇改善政策再推行仲要睬你都有味,而家你係民定奴?點解你咁鍾意比人當奴生存?生活會開心D咩?中國人仍然依戀帝制?

總結以言你已經唔係講緊香港既普通話教育一方面,而係一直以香港人唔同意大陸人為中心思想
你要問既我好簡單而且一早已經答咗你:香港有普通話堂教學生學普通話的 沒有歧視/禁止普通話於香港學校及社會出現