《GTA V》PC版實感增強MOD好真

keeloolee · 发表于 2015-12-4 00:25:09

如果你將《GTA V》PC版影像細節推到盡，畫面絕對係靚到震，但《GTA V》從來冇刻意追求接近現實世界嘅真實感，有時反而仲覺得Rockstar故意整到《GTA V》有啲卡通化。The Pinnacle搞咗個「GTA V World Enhancement Project」，顧名思義係將畫面同遊戲操控真實化。
畫面改動瓣數相當多，包括色彩平衡、重製天氣系統、逼真嘅雨水同積水、更自然嘅陰影、反射及光照效果等等，加上支援4K解像與相應嘅材質，真實感直逼電影級數。遊戲調整亦非常顯著，車輛操控性完全重新設計，車重及物理影響到控制，車身撞至變形亦會更逼真。值得一提NPC嘅AI會有所提升，各種職業嘅人類，以至動物嘅行為都會變得合理。武器貼近現實，修正子彈速度、槍咀火花、中槍血花，就連各款槍械嘅開槍聲都換過哂。雖然個MOD係免費下載，但安裝前要秤吓自己部PC夠唔夠斤兩。