马甲传奇3之接龙反击战

pxpxcw

mjmj 发表于 2013-4-15 18:56
我冇特登搞搞貢 看完#76就寫#78 當時我未看你的pm回應 (有時候逛論壇不會刻意留意右上角D野)
noddyy 的點 ...

大家都退一步算啦！各有各道理
无非就系一个游戏者

classical

话说哩条友仲劲过上次嗰单“东窗事发”  一人饰演咁多个角色 佢都算係机关算尽啰 就算真係接龙帖嘅楼主唔啱都唔可以搞D咁嘅嘢 得闲搞D嘅嘢 不如去捐血仲好喇 真係唔想讲咁多嘢 我惊我会爆粗啊 最后希望noddyy兄你以后冇机会再写咁长篇大论喇 虽然你写得好精彩 好睇过小说

blueeyes

mjmj 发表于 2013-4-15 18:56
我冇特登搞搞貢 看完#76就寫#78 當時我未看你的pm回應 (有時候逛論壇不會刻意留意右上角D野)
noddyy 的點 ...

同學，我係PM同你講過，係出面都貼左無數咁多次。你有咩不滿同覺得唔岩既就正正當當講出黎，一日單單打打又開馬甲搞搞貢、算咩英雄好漢？都係個句，你有道理係我錯既我實認，你要我幫我都實幫。你搵次唔好咁單方面主死人地係PK，聽下人講野、俾個機會人地解釋得唔得？下下要鬧住黎講，咩人聽到都會躁。你真係要求公道就一開始好好地發而家你發既呢張帖，唔係開馬甲搞大龍鳳、搵一大堆無哩拉肺既野黎鬧哩鬧路。

你補腦左好多野、對我誤會太深。我唔會怪你誤解我，反正我不嬲都俾人當慣係PK同專門做PK野…（被打）對於你被刪帖既事，我唔知noddyy隔左幾耐先刪帖，判斷唔到咁叫唔叫刪得快。不過，老老豆豆，點講都好，張帖如果唔改既話，唔刪係人情、刪係道理。

接龍帖唔可以水既規矩唔係我定既。係因為版大們覺得接龍帖唔應該要來水，所以先加左「另外，如果要水請去水帖、或利用點評功能來水，發水帖會遭删帖兼扣分處理，敬請留意。」係主樓。你自己睇下接龍帖一樓既點評，我自己講得好清楚我唔介意有水帖。係版大們覺得唔係幾好、私下傾完之後叫我係主樓加返話唔俾人水。再講，水區任何帖都俾人亂水架啦～有時連發資源帖都有人入來當水樓咁水……唔俾人地係自己張帖水既要求本來就完全唔符合論壇生態。而且接龍帖本身就同其他水帖既性質唔同、佢係張遊戲帖唔係討論帖，標明唔俾亂水都好合理。同學你搵次對我公平少少得唔得？？？如果我有接龍帖以外既任何一張帖唔俾你水先鬧來我丫～係論壇因為人地係你張帖度水而發人老脾就好古怪（因為論壇從來都係咁），但我可以理解你新人唔知頭唔知路，覺得人地亂水唔岩有所誤會。無啦啦俾你因為咁既原因搞左一輪，只能算我自己當黑。

講到「剽竊」既問題…老老豆豆，我認真唔覺得咁叫「創作」一個遊戲。其實接龍呢種玩法不嬲周街都有，問題同分別只係以咩來接。將要接既野指定為一d特定既野，再將規則修改左少少、唔一定要頭尾兩個字接…………哇！原來咁就創作左個遊戲？？？拿，再講句老實說話，我玩飄雪之前就冇玩論壇咁滯既。但接龍帖就都見唔少。我個陣真係覺得只係玩一個好普通既遊戲者～你玩「猜情尋」都唔知邊個設計個遊戲啦係咪？？我諗除左我之外，應該冇人開接龍帖會被人話剽竊左接龍呢個遊戲。我知，你想話我剽竊既唔係接龍，而係呢種特殊玩法既接龍丫嘛～但接龍帖修改小小規則再玩係常有既事，我真係唔覺而家呢個玩法有幾特別、特別到要有專利，唔quote原有者就叫「剽竊」。所以後來我見到GERR08同學話佢係原創人想有返d credit個陣我都冇理。個陣我覺得佢只係見我開接龍帖有分所以又想求分。但之後佢話想我加返「遊戲設計者」俾返個名分佢，我諗下其實佢認為呢個問題係緊要，而又於我無損既，何樂而不為呢？於是我都即刻加返，縱然我到而家都唔覺得咁係「剽竊」。

接龍帖既規則我到而家都唔覺有咩大問題，要回應你既一早講哂。除左你覺得個個係嚴重同至命問題之外，我諗版大同好多玩緊既同學都唔覺。至於所謂管理問題，你無非都係想話我地亂刪帖同刪錯帖者～但到目前都係唔見真係有咁既事發生過。

分三張list唔係我想，係因為論壇既帖有限字數。有得揀我都想主樓一樓Post哂成張list，但佢話我爆字數唔俾，我都冇辦法。而放唔放寬既問題，老老豆豆，我放唔放你都有藉口鬧我架啦～我放你又話我博支持，我唔放你又鬧我刪帖唔人道。所以我先成日話由做樓主個日開始就預左俾人鬧。不過我一般都唔主張放寬既，因為放寬好易變成縱容。上次你自己發個帖「一条輝（超時空要塞）」我本來就想刪。但見後面玩既同學仲執緊帖、想令接龍保持完整……你叫我於心何忍。所以最後搵左個藉口來蒙混過去。而我咁做個陣就已經預左你又會再黎鬧我、話我多用酌情權博支持。而你個陣冇用qwer身份即時出現＿我，只係因你係受惠者～講真，如果張錯帖唔係你發而我又冇刪，我肯定qwer出黎＿左我九世。

其實一開始講明有人錯會搞到後面d人全部都要被刪，除左係鼓勵其他人睇帖先跟之外，都係想提升發帖人對自己張帖既自覺。發帖個陣小心d，就唔會搞到自己既帖被刪之餘又連累其他人。其實你發個陣就應該睇清楚有冇人接其他譯名啦～講真，你自己有睇開冇理由對其他既譯名完全冇認知，自己多search一下先發帖有咁難咩？我唔會話你從來冇或者冇嘗試認真玩個遊戲，但好多野唔係你諗下就做左。我都想我可以100%準確，但到而家未一樣係有錯……錯左未下次小心d囉。你玩多幾次實把握到個方法架～而家仲玩緊既人未玩得幾好。視乎你有冇心玩之嘛！單方面希望個遊戲有咁鬆動得咁鬆動、唔好刪帖、唔駛嚴格執行d規則，咁只係反映你根本唔鍾意個遊戲、只係志在入來囉分。所以其他人先一直叫你唔鍾意就唔好玩。

noddyy

mjmj 发表于 2013-4-15 18:56
我冇特登搞搞貢 看完#76就寫#78 當時我未看你的pm回應 (有時候逛論壇不會刻意留意右上角D野)
noddyy 的點 ...

首先呢，关于我删你张“音無響子（相聚一刻）”呢层呢，你话点解删呢D的效率就甘高，原因好简单，因为我只系甘岩见到。小蓝叫我删完2XX楼之后，甘我见到甘岩你张帖冇quote到，甘唔岩规矩啊嘛，而且呢个规矩系我有份俾意见嘅，因为quote方便查看。既然你违规，甘我咪点评提醒你咯，可能你的确唔在线，冇即时改到，但系我都唔知你会唔会改翻，为咗唔妨碍后面而且唔做坏规矩，甘我应该系系小蓝回复你果阵岩岩删咗你张帖嘅啦。事情由来应该就系甘啦。可能就系甘而引致误会瓜。
其次呢，关于系你张接龙好麻烦张帖度水的问题。首先呢，虽然一开始漫步话系资源帖的都唔应该水甘多嘅，但随着时间同论坛逐渐发展，宜家论坛的定位已经系公告帖之外的都能水的。好似历史上曾有某一张资源帖水到500几楼，呢个的确系论坛的自身特色。结合翻你嘅情况啦，你张帖只系系水区，叫人唔水，于理不合嘅，再者，区地的话题始终都系讲接龙，系由你张主题帖的话题衍生出来个，都唔算系文不对题啊。跟住呢，系新的接龙帖入面冇话唔俾人水，只系水的形式由回复变到点评者或去水楼者，呢条规矩又系我俾意见嘅，因为如果接龙帖度用回复的形式来水的话，甘一来查帖困难，二来会水到接龙帖唔似接龙帖的，甘会严重影响接龙的流畅性，因为接龙帖系一个游戏，有区自身的规定，所以区系一个特殊的贴，同一般系水区的水帖有所不同。

blueeyes

mjmj 发表于 2013-4-16 05:43
這類idea能受歡迎 相信只有主打粵語動漫的論壇才會出現
但主打粵語動漫的論壇又唔多

個idea受唔受歡迎同係唔係剽竊好似冇咩關係呀？如果咁係「剽竊」，就算我搞個「棋士接龍帖」都叫「剽竊」架啦～唔係咩？受歡迎先叫「剽竊」咁好大鑊者～我整樣野出黎冇人欣賞之後俾人偷左，偷左既人利用我件野搞到佢好出名、好受歡迎。咁按你個講法，佢就唔係「剽竊」我啦？因為我整個陣唔受歡迎丫嘛！但佢而家出左名、受歡迎喎～咁人地囉佢就叫「剽竊」佢呀？

講真，水樓「路過」我唔覺得有幾厄分。一來，水樓既出現本來就係要俾你合法水分。二來，去水樓「路過」，無非都係想r水吹者～唔去「路過」點知撞唔撞到識既人得閒呀？又或者有冇唔識既人在線肯同你水？定係你覺得所有人要去水樓吹水、應該要PM約埋去水樓水？定係要係水樓發帖tag人指定叫咩咩咩人來陪佢水先岩規矩？

「一D比較有趣的連接比人刪左好冇癮」呢個我唔否認既，但係刪左既帖中，so far我唔覺得有咩咁值得留低。個陣好多都係求其接下，連「連續接」都冇咩人玩。我唔覺得自己刪過d咩好正既野，有既，煩請同學指正。至於條龍唔郁既問題，講真，條龍根本唔會唔郁。只係係你上線個陣唔一定郁咁解者。呢d野不嬲都係講timing、睇下撞唔撞到人同你玩。下下要求你玩既時候一定要有人，又或者條龍長期要有人接緊，咁好明顯係你地對遊戲本身有錯誤既期望。（你自己都識講唔係人人長期上線架啦！）再講，唔好講到用馬甲令條龍郁，又或者幫條龍郁，係好偉大既事咁。條龍唔駛你地做d咁既野黎令佢郁。況且佢亦根本唔會一日都唔郁一次。只係某d時間會冇人玩，僅此而已！

－－－

最後，講返成件事。

根本你一開始以為刪帖要用道具而你冇，你就應該同人講，唔係屈埋發老脾。到你發現我覺得OK既帖俾版主刪左、覺得唔合理既，你應該搵版主或者我、問清楚發生咩事，再唔係去服務台投訴，唔係屈埋發老脾。你發帖抱怨見有人討論新idea設計新遊戲、覺得人地騎劫你張帖、你唔鍾意既，你應該出聲阻止，唔係屈埋發老脾。

根本咁多件事，只要你肯出聲就可以解決到個問題。但你冇、單方面覺得全世界錯哂，得你一個岩哂。（呃！唔係，你有發過《新．動漫接龍好煩》既，係聽人解釋完之後都要堅持全世界都有問題者。）然後大發雷霆搞屎搞棍，當正自己做緊咩正義既使者要儆惡懲奸咁款。又話你地點打壓你、點老屈你，其他人點賤格無恥。好啦，而家真相大白。事實根本唔係你講既咁，係你自己對全世界有誤會而唔係全世界都錯。但你都依然故我覺得自己冇問題、話自己有理由唔高興。OK！我唔反對你有理由唔高興既！冇理由你連唔高興既情緒我都唔俾你有架。但呢件事反映同學你做人同處事既方法都好有問題囉～下下睇到件事既一面就斷定個d係全部既事實。你一世唔知可以冒犯幾多人。

你話我同你八字不合，我都唔反對架～我衰唔好彩囉～個d明明唔係我錯既野係你假想既世界變左我錯哂。做完大魔王之後，又被你發現我疏忽失誤喎～仲唔注定要俾你玩咩？我抵俾你玩架喎～咁你未玩囉～你玩夠未？正義既朋友。



最後，送篇小故事大道理俾你，你既行為同個的士司機一模一樣。
希望你自己好好諗清楚自己做人同處事態度係唔係同你所想像咁正義、咁絕對。


《如果我欠了你五塊錢，請你告訴我》：
http://jiaren.org/2012/11/28/renji-2/

noddyy

mjmj 发表于 2013-4-16 05:49
blueeyes 正是在回音無響子（相聚一刻）順手請貴版主去刪28x帖!!!!!!!

誤會也好 乜都好 貴版主將我抬 ...

等等，理清条时间顺序先。
首先你发帖系           3/19                    00：51：48
我点评你的时间系      3/19                   02：47：XX
而小蓝回复你的时间系 3/19                  03：28：25
再加上我系3/19日的第一个回复的时间系 02：45：20
甘即系我上论坛的估计系系02:40分左右，惯例我会浏览下D新帖的，而且张接龙帖系系3/18先开的，我都玩过下，甘系新鲜感的心态下，我自不然会区睇睇接龙帖有咩近况，跟下帖啦。甘应该自从你发帖回复后，即系00：51：48回复之后，到我入去张帖果阵，即系从00：51：48到02：47：XX呢段时间就冇人接过。甘我一入去就见到你张最新回复啦，甘于是我就点评咗你啦。
然后呢直到03：28：25，小蓝回复你，因为区见到我点评你叫你加翻quote，就以为你迟下会加翻，甘就冇理直接回复咗你啦。然后系呢个回复度叫我删埋283的帖，甘可以肯定的系呢个283层系03：28：25之后删的，至于你张贴系几时删嘅，系咪同283楼一齐删嘅，就要问问漫步睇下有冇后台记录先啦，到时再睇睇点先。但可以话你知，283楼系后台回收站稳唔到记录，所以唔知系边个嘅。

然后再讲讲宜家呢张帖啦，唔系我有心抬高你，而系你甘处理事情法，开甘多马甲叫我怎能无视。我承认我写甘长篇文来公诸于世系好唔人道，而且仲好残忍冇人性添，我预咗俾人话我衰嘅，但系如果冇D实质案例俾大家睇，点可以起到阻吓作用呢，非常情况用非常手法，公开得嘅都属于比较严重的比较有影响的事件，做得出就唔怕认，如果你冇做过何必怕人知。如果当初你坚持用同一个号来为自己的利益辩证，无论对或错，而不是选择用马甲来搞咁多小动作，我相信今日的主角唔会系你，而且篇文的都唔会有机会诞生，而且我承认你系真汉子，系遵守版规的情况下，论坛或版主绝对唔会随便封同自己意见不合的人嘅。

guangdouzi

mjmj 发表于 2013-4-16 09:17
283 是不知誰人在何時從回收站拿回來 不久之後由我自己刪除
版主刪我忘了quote的帖時不是趕時間亂刪就足 ...

水楼我 路过 都系等人同我倾计喈 我好少有甘吧！水楼唔系要水？
甘都比你讲到我都无语了 我玩接龙 我都删左自己唔少贴啊 你知唔知啊朋友
无论系人地接错 跟住我要删帖 定系自己接错 我都删帖啦
真系唔明你个人点霖野

blueeyes

guangdouzi 发表于 2013-4-17 09:40
水楼我 路过 都系等人同我倾计喈 我好少有甘吧！水楼唔系要水？
甘都比你讲到我都无语了 我玩接龙 我都删 ...

算啦，G仔，唔好理佢喇～

佢對成個論壇生態有好大誤解。明明d野冇問題，係佢個世界都會變左錯到離哂大譜。（唔係我點做仆街大魔王？XD）你睇我係佢張《新．動漫接龍好煩》帖回應人地d帖話覺得《新．動漫接龍》唔應該咁玩、應該首尾相接先岩規矩。講左兩句就俾佢＿我：「你自己係人帖水就得，人地係你接龍帖水就刪人帖！你講新動漫接龍帖、自己開帖討論丫！！！！！」仲開左咁多隻馬甲黎搞＿我，你就明佢個世界同我地既接唔到軌。

blueeyes

mjmj 发表于 2013-4-17 21:17
這句是屈人!! 我說認真玩接龍!!
屈人就是貴論壇的生態嗎?

係屈喎～因為我冇權力刪所以唔係我刪。（踢飛）

好，唔講笑。Sor，我唔岩，我冇留意到你原來雙重標準：對自己張帖就用水帖來決定咩帖該死，而接龍帖就認唔認真來做標準。但我就算個句野講得唔謹慎，都唔代表你岩。接龍帖從來唔係用認唔認真玩來判斷d帖應唔應該刪既。唔好整d「接龍帖刪帖純粹係因為d人唔認真，而我有好認真玩所以就唔應該刪帖」咁既假前提係背後來擾亂視聽。刪帖係因為d帖犯規。雖然我地係想透過「嚴格執行刪帖」黎做到「所有人都認真玩遊戲」既效果，但同「刪帖純粹係因為d人唔認真」係兩件事。對我公平d既講法應該係：「你自己係人帖水就得，人地係你接龍帖犯規就刪人帖！你講新動漫接龍帖、自己開帖討論丫！！！！！」而唔係「人地係你接龍帖認真發帖就刪人帖」。講到底，都應該係你屈我先…

之後，都係個句，你成日話你認真，但你想認真、你覺得你係認真、你全心全意地認真都好，唔等於你冇犯規、唔應該按規矩刪帖。同學，你打籃球搞來搞去都係走步，可唔可以話你好認真玩所以鬧球證唔吹得你犯規、唔可以五犯趕你出場？你俾人吹犯規係因為你真係犯規，唔係因為你冇認真玩。成日話自己認真打波，鬧球證點可以吹你犯規、趕你出場，你覺得咁樣好有道理？

你成日發哂晦氣咁又話自己冇朋友、又話人地笑你白癡XYZ…一日自己踩低自己來扮俾人欺壓。講真，搞左咁耐，真正針對你、專登要搵你來鬧既人係一個都冇。而家係你自己係咁發帖搵人來鬧咋～你唔主動搞人根本冇人會搞你。停啦、好唔好？雖然我覺得我咁講你仲會特登搞事…個d「你唔想我玩丫嘛！我偏要玩！」既心態……（無言）……但我都係為你好者～你周圍搵人來鬧係要同人作對做咩者？？不過，無論我講咩做咩好都。我都預左到左你個世界，我都係變卑鄙無恥架啦…點都俾你屈到d野出黎話係我搞到你要咁做同逼成你咁……唔係話我而家咁講係串你就話我而家撩緊你。唉。其實我都係回帖，解釋我就算用詞不當都係你屈我先者…搞到好似我引戰咁……

himuro

呢位超版好执着同埋好钟意逻辑推理，吾去做差佬有D晒