TVB版西片《星河戰隊》第一部配音表（附第二部配音簡表）

JVT

影片名稱 星河戰隊 Starship Troopers
（全系列第一部，電影本身立意耐人尋味，可惜開閘脫腳搞到續集冇乜人肯投資budget插水）


類別 電影


首播日期 2/9/2000


重播日期 3/11/2001、14/12/2002、30/11/2003、9/7/2023


播放頻道 明珠台


備註 1997年美國電影


配音員 角色名稱 演員

黎偉明（已故，衝動熱血feel完全到位）——列尊尼（Casper Van Dien飾演）
（男主角，布宜諾斯艾利斯非公民家庭出身，為咗得到條女認同參加機動步兵團點知慘被飛起，憑卓著戰功火箭紥職官至中尉）
P.S.：該演員亦都係唯一一位參演系列第三部嘅本片演員，而且係同一角色。

梁少霞（Sharon當時把聲處於巔峰狀態好食個角色）——易嘉雯（Denise Richards飾演）
（第一女主角，羅渣·楊號飛船中尉二副，數學叻而且駕駛技術大膽高超，認為事業大於愛情於是飛起男主角，片尾做到船長）

黃麗芳（麗芳姐配女中豪傑自然手到拿來）——霍狄絲（Dina Meyer飾演）
（第二女主角，同男主角以及第一女主角係高中同學，傾心男主角並最終得米，影片中後段喺P星威士忌前哨站畀蟲插中而犧牲）

林保全（已故，今次保全叔把聲配後生仔竟然唔多覺佢其實年紀偏大）——三德（Patrick Muldoon飾演）
（羅渣·楊號飛船大副，同男主角喺球場、情場同戰場都屬於競爭對手，影片後段喺P星蟲城地底畀腦蟲吸乾大腦致死）

馮錦堂——李艾斯（Jake Busey飾演）
（機動步兵團二等兵，性格臭串但係偏偏同男主角莫名啱key，早期會同男主角互拗手瓜，後面一直跟住男主角輔助佢南征北戰）

張炳強（退行）——駱（Michael Ironside飾演）
（左前臂殘廢嘅機動步兵團硬頸中尉指揮官兼男主角高中老師，影片中後段喺P星威士忌前哨站受咗重傷命令男主角幫自己了斷）

陳欣（勉強算常配）——冼（Clancy Brown飾演）
（機動步兵訓練營高級教官，對新兵嚴格到冷酷無情嘅地步，為咗參戰自願由中士貶為二等兵，片尾因為捉住腦蟲而成為英雄）

陳卓智——加洛（Neil Patrick Harris飾演）
（男主角以及兩位女主角嘅高中同學，具備強大嘅超自然感應力，一路喺實戰及理論部做到上校）

陳欣——屈蘇加（Seth Gilliam飾演）
（硬頸光頭黑人機動步兵，片尾喺蟲城地底身受重傷之際自告奮勇幫男主角一行人斷後，用核炮自殺式摧毀蟲城）

蔡惠萍（退行，勉強算常配）——戴（Brenda Strong飾演）
（羅渣·楊號飛船船長，影片後段飛船畀P星蟲炮台射出電漿擊毀之後喺逃生過程中不慎跌低引致自己被船艙閘門笮死）
P.S.：該演員亦都係唯一一位參演系列第二部嘅本片演員，不過唔係同一角色。

招世亮——聯邦電視網絡播音員（John Cunningham聲演）
（片中聯邦電視網絡標誌出現之後講嘢嘅旁述，負責介紹聯邦軍事動向以及煽動青少年參軍）

黃子敬——列比爾（Christopher Curry飾演）
（男主角阿爸，勁有錢不過冇公民身份，非常反對個仔參軍，影片中前段死於蟲隕石對布宜諾斯艾利斯嘅襲擊）

林丹鳳——列（Lenore Kasdorf飾演）
（男主角阿媽，冇公民身份，同老公一樣非常反對個仔參軍，影片中前段死於蟲隕石對布宜諾斯艾利斯嘅襲擊）

梁偉德——基同（Matt Levin飾演）
（男主角喺訓練營嘅戰友，影片中段同男主角以及第二女主角等人一齊去紋身，隨後喺加蘭達都星撤退嗰陣走得慢畀蟲殺死）

黃子敬——訓練營指揮官（Dean Norris飾演）
（禿頂少校，影片前段宣判男主角被鞭10下嘅行政處分，開戰之後又詐睇唔到由得下屬教官撕毀男主角之前簽嘅退役申請表）

林丹鳳——Birdie（全片冇提過角色名，Ungela Brockman飾演）
（機動步兵團硬頸黑人女下士，性格異常火爆，影片中段喺坦哥龍尼拉星作戰期間畀坦克蟲噴火燒咗成隻右臂不過冇死到）

林國雄（退行）——歐（Marshall Bell飾演）
（怕死將軍，P星威士忌前哨站畀蟲偷襲嗰陣匿埋喺櫃裡面，向男主角等人透露食腦蟲嘅存在，影片中後段畀墜落嘅飛蟲插死）

梁耀昌（退行）——電視網絡記者（Greg Travis飾演）
（負責報道加蘭達都星戰況，撤退嘅時候畀蟲鉗住仲切開埋兩碌）

李錦綸（勉強算常配）——穌茲（Anthony Ruivivar飾演）
（男主角喺訓練營嘅戰友，留住兩撇鬚，影片中段喺加蘭達都星太過冒進導致畀蟲先鉗斷右腳然後集體分屍）
P.S.：維基百科有誤，寫成係雷霆配，而事實上全片都冇聽到雷霆把聲。

沈小蘭——Katrina（全片冇提過角色名，Blake Lindsley飾演）
（男主角喺訓練營嘅女戰友，影片中段喺加蘭達都星被慘烈嘅戰場嚇到崩潰結果向後方狂奔嗰陣仲係畀地底嘅蟲捉走咗）

陳卓智——畢（Eric Bruskotter飾演）
（男主角喺訓練營嘅戰友，肥斯大隻，曾經挑戰教官結果畀對方扭斷手，影片中前段喺訓練當中除低頭盔意外被隊友爆頭而死）

雷碧娜——Djana'D（全片冇提過角色名，Tami-Adrian George飾演）
（男主角喺訓練營嘅黑人女戰友，影片中前段喺訓練當中畀模擬目標射跌之後意外走火將隊友爆頭並因此被軍隊革扯）

林國雄（退行）——狄（Bruce Gray飾演，演員已故）
（聯邦軍隊元帥，負責指揮進攻加蘭達都星，最後因麾下官兵傷亡慘重而引咎辭職）
P.S.：維基百科有誤，寫成係毛叔（源家祥）配，而事實上全片都冇聽到毛叔把聲。

雷碧娜（勉強算常配）——馬他赫（Denise Dowse飾演，演員已故）
（聯邦軍隊黑人女元帥，繼前任引咎辭職之後走馬上任，主張用新策略對付啲甲蟲）



另附第二部配音簡表（哩部當年係家用DVD直接發行所以知名度極低，估計TVB以後都唔會重播）：

陳凱婷——莎哈拉（Colleen Porch飾演）
↑P.S.：片頭混戰期間有一兩句估計係配音員冇睇清楚邊個喺度講緊嘢，導致飾演另一個角色嘅珍姐（袁淑珍）混配。
招世亮——戴克斯（Richard Burgi飾演）
袁淑珍——蕾克（Brenda Strong飾演）
朱子聰（已故）——迪爾（Lawrence Monoson飾演）
張炳強（退行）——傑克·戈登·薛波（Ed Lauter飾演，演員已故）
雷霆——喬·葛里芬（Ed Quinn飾演）
黃榮璋——比利·歐特（Cy Carter飾演）
許盈——桑蒂（何家蓓飾演）
曾秀清——索達（Kelly Carlson飾演）
劉昭文——阿芮·派克（J.P. Manoux飾演）
李錦綸——布里克（Billy Brown飾演）
陳卓智——托爾（Drew Powell飾演）
黃啟昌——霍頓（Jason-Shane Scott飾演）
馮錦堂——神戶（Brian Tee飾演）
林保全（已故）——聯邦電視網絡播音員（Stephen Stanton聲演）

JVT

神之影 发表于 2023-7-11 19:48
咁多角色

战争片多角色都好正常啊

JVT

yingjie 发表于 2023-7-11 21:07
第一集已重播，唔知几时重播第二集

估计冇乜可能会重播，不过我上次话过《生死时速续集》唔会重播结果就重播，希望今次都开口中

JVT

snzt 发表于 2023-7-11 21:24
呢一部都删减咗唔少啦

冇办法，男女混浴嗰段根本出唔到街，而且明珠台播西片往时尺度比而家揸得紧，爆头之类嘅镜头都会剪

JVT

hum0708 发表于 2023-7-11 21:56
星河战队第一部几好看，但是第二部和第三部看不明白

第二部响budget有限嘅情况之下剑走偏锋，玩寄生虫路线其实我觉得哩个思路几好
第三部玩宗教意识我就唔多识得欣赏喇（同《异形第三集》个feel有啲相似），不过可以睇得出《星河战队》系列越拍越倾向体现出一种讽刺嘅思想基调

JVT

tom246 发表于 2023-7-11 22:06
如果第三部都有埋粤语配音就好咯

不过据我所知，第三部TVB冇买嚟播过

JVT

leung902 发表于 2023-7-11 23:07
前晚有睇，两點感受：聽返梁少霞當年把聲真係「嘩～」；行屍個神父原來都有份出演 ...

Sharon当年配少女把声系俏皮得嚟再带少少性感，同丽芳姐有啲似不过会更加清甜啲，近年把声听得出老化咗唔少（类似情况嘅仲有丽丽），所以谂谂下觉得元春姐把声真系keep得好掂

JVT

snzt 发表于 2023-7-12 02:02
就连男二号同女主角系埋一齐的所有片段都删晒

男二同女一搞埋一齐嘅情节要睇导演剪辑版先有咖，TVB买上电视播嘅基本都系剧场版，仲要删埋血腥同暴露镜头

JVT

snzt 发表于 2023-7-12 02:38
唔怪之得我觉得少好多内容

网上有星河战队迷做咗删减镜头嘅剪辑，有一部分收录响当年DVD嘅删减情节合辑，仲有一部分画质蒙到冇人有嘅镜头专门描绘女一各种机心（我估系当年试映版嘅情节可能引起观众反感所以删走咗）

JVT

Seon 发表于 2023-7-12 10:16
多谢嗮分享资信，希望之后有坛友分享明珠重播版出嚟，另外呢个系列出过cg版，係好睇过第二集。 ...

真人电影3部+CG电影2部，之前一路有消息话有人打算投资重启成个系列，不过而家又冇晒声气