新春創意糕點

chinghar · 发表于 2016-1-20 04:44:42

新年快到，每年都有唔少新口味慶年糕點登場，今年也不例外，像九龍香格里拉便推出三款創新年糕，各有特色，像京都宇治抹茶紅豆糕，採用宇治得獎百年老店山政小山園出產的綠茶粉，加上新宿著名和菓子店花園万頭的北海道上乘紅豆，綠茶香濃，紅豆大顆香糯；夏威夷紫心番薯糕，選用夏威夷的紫心番薯，甜度適中，煙韌富番薯香；還有薑汁韓國黑糖瓜子仁年糕，採用韓國黑糖味道較清且比較軟腍，獨有焦香使其適合配搭其他食材，是今個新年必買Item。

京都宇治抹茶紅豆糕 $298

夏威夷紫心番薯糕 $258

薑汁韓國黑糖瓜子仁年糕 $258

帝京酒店今年就鹹甜兼備，三款新口味包括桂圓棗皇藏金糕、松茸菌皇蠔豉糕及燕窩綠茶紅豆糕。當中小編最鐘意首創的松茸菌皇蠔豉糕，加入牛肝菌、松茸及貴價金蠔。糕底軟糯有口感，多種菇菌香味突件兼鮮香獨特，味道超豐富。另外養身嘅桂圓棗皇藏金糕，採用新疆天山雪棗入饌，雪棗粒粒碩大飽滿，棗味濃郁，糕層同面層都係香甜煙韌嘅紅棗糕，中層則是清甜椰汁糕，更加入粒粒甜如蜜餞的桂圓肉，一口集軟糯同煙韌於一身，糕面灑上食用金粉，好有意頭囉 !

桂圓棗皇藏金糕 $175 (1月29日前訂購)

松茸菌皇蠔豉糕 $205 (1月29日前訂購)

城景國際樂雅軒今年就Sell健康，推出紅桑子蘭香子十勝紅豆糕，以日本十勝紅豆製作底層紅豆糕，雪至硬身後加入紅桑子及蘭香子作中層及頂層啫喱，味道酸酸甜甜亦充滿口感，有別於一般油膩的糕點，有抗氧化功效亦加速脂肪的代謝燃燒。

紅桑子蘭香子十勝紅豆糕 $138

逸東軒今年推出三款賀年糕品，包富貴椰汁年糕、臘味瑤柱蘿蔔糕及極品原隻南非鮑魚蘿蔔糕，當中南非鮑魚蘿蔔糕以原隻極級南非鮑魚炮製蘿蔔糕，為傳統蘿蔔糕增添貴氣。鮑魚軟滑彈牙，鮮味十足，經蒸煮後鮑魚鮮味滲入糕內，加上蘿蔔的清甜和臘味的甘香，令整個蘿蔔糕更矜貴惹味，送比人唔食得都睇得啦！