波风不再（在），向大家告别！

oyz22 · master于2023-09-27 23:51:22访问

同大家告别一下，因为现实中的我需要去处理一些很重要的事，我将会从论坛消失好耐。所以，这次离别估计不是短暂的，可能几个月，1年，甚至更久！
在这里收获了很多，同大家一起讨论漫事度过了无数个不眠夜！
也认识了很多好友，其中有些比我更早踏上了人生的选择道路，我相信大家都有属于自己的一份无奈！
其实早在2月份我已经打算退隐啦，不过见到好多后起的合成高手，依然难离难舍。
一直扛到宜家估计唔可以再逃避选择啦，现实已经好似洪水猛兽般杀到！

最后，波风爱飘雪，波风已成往事，波风不再。我在飘雪的物语亦将要结束。
祝所有朋友仔过的开心~~做自己喜欢的事！
希望漫步步继续将论坛做大做强！

oyz22

本帖最后由 oyz22 于 2013-8-9 00:01 编辑

sha1b18 发表于 2013-8-8 14:25
波風今次真係要走,
雖然小人已經半潛左一段時間,
但係期間時不時都見到波風喺論壇度水可能就係我間中會喺 ...

其实我一直都有留意sha店的动向噶，我从来都没觉得sha店离开过飘雪！（sha店只是一直默默同班坏人在战斗，系佢地逼到sha店做出决定的）
sha店呀，唔知点解，我觉得在水区同你、noddyy仔、路比兄、小蓝、piece仔、喵喵菲、7仔、不明还有异世一起开心吹水的感觉已经回不来鸟，好怀念果阵时！后面5个都已经提前踏上人生选择道路了，所以，我都觉得自己系时候要去做d事情了！
睇到小G同小kin哩班后起合成高手感觉好欣慰又好鼓舞，所以一直都没舍得离开！
我突然觉得自己同宜家的飘雪格格不入，虽然不断有发帖，但系存在感变得越来越低，难道系越熟悉反而越陌生？可能我真系需要离开，为以后的路思考一下

sha1b18

oyz22 发表于 2013-8-8 14:48
其实我一直都有留意sha店的动向噶，我从来都没觉得sha店离开过飘雪！（sha店只是一直默默同班坏人在战斗 ...

仲有小藍呀!

嗰陣時我地幾個真係可以話係日夜都水唔停,我有時夜晚就算唔訓有野搞都唔會覺得寂寞,
因為我地都知道水樓一定會有人一齊水,嗰陣就算開心同唔開心嘅野我地都會喺水樓度講,
飄雪嘅水樓可以話係我地嗰陣嘅生活動力之一,直到半年前呢啲日子都仲繼續緊。
不過隨住時間嘅流逝壞人越黎越多,飄雪嘅新舊交替開始,
我地幾個喺現實中亦都有好多野要做無咁多時間可以一齊水,
對我黎講今年嘅暑假飄雪亦都冷清了,主要係呢段時間我無再翻水樓,
因為我知道已經無可能再翻翻以前嗰棟一齊吹水嘅水樓,畢竟水樓嘅陣容已經唔同晒了。

始終新舊交替嘅過程舊人會慢慢被淡忘,要比新人開闢新嘅世紀同時代,
所以我地喺新嘅時代就算點活躍都好,終有一日都會同飄雪格格不入。

波風嘅決定我都好明白,因為黎緊我都可能要面對同波風類似嘅情況,
喺飄雪想做嘅我都已經做過,亦都曾經一齊開心過,
我亦都開始慢慢咁接受緊時間嘅洗禮,所以對我黎講已經無咩留戀了,
就算真係要我離開飄雪,我亦都只能接受,而且唔會帶有遺憾了。