以色列之旅——A Land flowing with milk and honey

drowning

街上感觉挺破的

Latrommi

唔錯甘樣，睇下先~~~

geniuz

　　贖罪日終於過去，街市恢復正常。第日我哋走咗去橄欖山，傳聞耶稣就係喺呢度釘上十字架。呢座山其實就喺Jerusalem舊城嘅後面，Jerusalem所謂嘅景點全部集中喺呢堆地方。







　　山邊有一大片墳墓，墳墓下面喺度挖緊大衛城遺址。啲墳墓係當地人嘅，佢哋認為，當救世主降臨，舊城嘅金門就會開門，跟住山上嘅人就會跟住復活。。。其實呢個傳說聽落有啲似恐怖片。









　　因為猶太教唔承認耶稣係救世主，佢哋認為救世主仍然未出現，所以喺度搞墳墓嘅係猶太教嘅人。





　　山腳有個萬國教堂，都好多人去。不過我哋唔系教徒，去到都唔知佢搞緊乜。








　　山丘其實唔大，不過行咗幾日已經比較疲累，上面又貌似冇乜好睇，所以行上去都唔系好有動力。
　　順便影咗個坑渠蓋，上面嗰隻獅子係Jerusalem城市徽號，市面上嘅旗幟都有呢隻獅子。最得人中意係：個坑渠蓋似乎係中國制造嘅。










　　上到山上可以睇返落嚟，俯瞰全城。不過講真，Jerusalem嘅俯瞰景色真系麻麻哋，不過幾有當地特色就係。
　　山上有條友拉住隻駱駝，吡遊客騎嘅，幾錢就冇問喇，反正我哋冇乜興趣。


（待續……）

haha07

比較冷門嘅旅遊點 睇下先

geniuz

SpiderKobe 发表于 2014-10-23 14:40
復仇最快嘅民族。

現代嘅恐怖主义都係jewish搞起先嘅，不過佢哋而家反而面對周围嘅恐襲，，，不斷嘅現代化同世俗化其實呢啲手法已經唔work

geniuz

昨夜星辰 发表于 2014-10-31 11:00
对于英文唔好的人系绝对唔会出国噶，例如我！

都唔系度度都需要英文好好嘅，例如去日本就唔使英文幾好嘅，

wzcjaychou

发达国家啊

geniuz

　　話說行完橄欖山，返去Jaffa Rd.食咗個pizza，下午又去以色列博物館。
　　呢個pizza不得不提，喺以色列日日都冇啖好食，呢個pizza就已經係非常得食。25nis，我哋三個男人都已經夠食。而且即叫即焗，新鮮出爐特別香脆。





　　以色列博物館要搭bus去，嗰度最著名係收藏咗“死海經卷”，即系喺死海附近發現嘅古聖經卷軸。





　　呢嚿洋蔥頭下面就係死海經卷擺放嘅地方，可惜入面唔吡影相，我哋又好守規矩，真系冇影。





　　洋蔥頭隔離有個Jerusalem古城嘅模型。
　　開始以為就睇個經卷，其實佢呢個博物館入面好鬼多藏品，而且都好鬼精美。我哋入去之前就地圖都唔攞一張，買票嘅又冇問清楚（又或者問完又唔解釋返吡我哋幾個英文差嘅知），盲中中就走入去，兜咗好多冤枉路，亦嘥咗好多冤枉時間。結果睇其他藏品嘅時間唔多夠，我行得快先叫做勉強睇完6個館，佢哋行得兩個館就吡人話收館~趕返出嚟。
























　　館藏太多，最後合並一張大圖，否則今日發圖量又頂唔順。
　　以色列多數公共場合都有呢類安檢設置，火車站一定有，喺Haifa嘅bus總站都有，而且一般有個兵揸住支沖鋒槍，不過見多咗亦就習慣。










　　回程bus嘅時候，我哋有條友認錯路，結果早咗落車。我哋見都冇幾遠，就行埋返去。不過錯有錯著，路過一個小公園，裡面好多貓。可惜我哋行程都比較趕，只系匆匆影張相，冇時間逗貓玩。不過我mark低咗個貓廣場嘅地點。



　　返到apartment已經日落，行咗咁多日已經顯出疲態，月亮升起，倦鳥還巢，心情亦稍微放鬆。

=============================================================================
==============================補充兩張同兵哥嘅合照===============================
=============================================================================







　　
(今日更新到呢度，下次再繼續。)

andy8728

感脚唔会去~~~~~~~~~