马甲传奇3之接龙反击战

菲莉絲

noddyy 发表于 2013-4-15 00:42
甘要运动消化下啦

體力差...

pxpxcw

个个都黎长篇，眼都花@@
其实都系一个game者，大家都算数啦
所以我一开始就反对玩接龙，最后真系一片混乱

blueeyes

本帖最后由 blueeyes 于 2013-4-15 03:46 编辑

mjmj 发表于 2013-4-15 01:44
A:
遊戲早期時都是呼喝地叫人刪帖沒有用"請"字
根本沒有想過別人是不懂自行刪帖或基於系統的bug/lag而不 ...

【對於「冇講『請』字」】
一開始大家都係玩個遊戲者～點諗到你有人好似你咁小器得咁緊要、咁就覺得人地串你、仲要搞場咁既大龍鳳？而家玩緊既同學叫其他人刪帖都冇用「請」字架～又唔見其他人咁hard feeling？講真，一直都係你一個人小題大做，小小事就話人鬧你、串你者。我唔覺得「呼喝地叫」係客觀事實。我明白一發帖就俾人話錯叫刪帖會心情唔好，但你心情唔好覺得人地鬧你、串你，唔等於人地真係鬧你、串你。由你第一日發《新．動漫接龍好煩》個陣我已經同你講，如果造成你Hard feeling我都想同你講聲「唔好意思」並澄清大家並冇存心係鬧你、串你。但你依然要咁覺得，我真係冇野可以再講。

【至於「要求做到100%準確」】
你任何遊戲要認真玩都係要求100%準確架啦！你打場波呀～球證都唔係100%捉哂咁多犯規啦！唔通話球證做唔到100%捉到就唔可以要求大家100%按規矩？

【至於「北条司（城市獵人）」，「妮露（魔法小米路）」→「赤木剛憲（男兒當入樽）」，和種種錯接】
「北条司（城市獵人）」個陣，我真係睇漏同真係冇見到有人話錯。我冇權力刪帖，絕對冇刪左你帖扮冇事呢件事發生過。我發現個陣已經係發《懺悔》帖個陣。而「赤木剛憲（男兒當入樽）」呢個都係你而家講我先知。如果你好好地PM我，我會即刻諗辦處理返。你可以老屈我扮哂野，明明知但又扮睇唔到、又屈＿你刪你發言唔俾你話我錯。但我唯一可以講既只係我冇同我真係唔知。你想點屈就請你繼續同隨便，我冇野好講。

【決不使用酌情權的話看到張list有錯一般都不會出聲的!! 積極地呼籲他人指正張list的錯誤都是近期的事!!】
我承認一開始就冇expect過執張帖咁難。我係《懺悔》都講得好清楚自己一開始既時侯係冇咁謹慎。我承認我係疏忽，亦唔會要求你體諒執帖個陣又要search人名睇下有冇用錯、之後又要check有冇用過、再check同上下之間接唔接到，三個程序重複做二十至五十次，到底有幾多重功夫同麻煩。因為我做得樓主就係我既責任，做唔好係我錯、俾人鬧係預左。但都係個句，如果大家認認真真玩，好好地地我就算只係將d名copy & paste都唔會出錯。我本來就係expect大家會好好地玩，所以做得咁輕鬆、幾乎冇點懷疑大家接既帖會有問題、睇漏好多帖。到而家先發現原來純粹靠我一個人來做要100%唔出錯係好難。而且而家玩緊既同學有d之前就PM我、指出過條龍既問題，因為見佢地咁有心玩玩咁耐，所以我就索性係出面求佢地+其他所有人都幫下我手。（我知你好憎我，但我覺得至少要澄清我唔係你口中老屈既個種人。如果我要做絕對權威亂刪帖就唔用出面請其他人幫手，亦都可以自己偷雞編輯個List就扮冇事發生過。（又如果我係如你所講咁同版主夾埋既就直頭可以編輯埋錯左既帖、神不知鬼不覺。）但我從來冇咁做，次次都有公佈問題同錯出係邊。當然你可以繼續屈我咁做係要扮好人、博支持。但無可否認接龍帖而家既狀況異常良好，同學按規矩自律地玩、條龍都唔駛點執點理又唔駛一刪廿幾三十帖。其實搞咁耐都係想咁既～你理得個樓主係唔係PK？）講真，唔係你係咁搞事，我都發現唔到咁大劑。講起上來，我仲應該多謝你添！全靠你搞搞貢搞左咁耐，其他同學唔會咁體諒我一個人執帖、易走漏眼，所以幫下手（你可以繼續覺得其他人純粹係因為酌情多左先幫下手，但我唔係咁諗。你引既GERR08同學都俾我搞到刪唔少帖，我唔覺得係因為我酌情幫過佢所以佢先來幫我）。唔係你，接龍帖而家唔會咁有秩序。但同學你做事同處事既方法都好差。本來你一開始認真好好地講，大家都會尊重你。但你硬要用d搞事既方式黎處理問題，其他人想幫你都好難幫。

【至於版主可能存在的誤判】
唔好成日用d我既錯漏黎老屈其他版主。負責管理接龍帖既人係我，一般佢地唔會跟足帖。佢地刪帖之前要睇既只係個張要刪既帖有冇錯、係唔係要刪，而唔係所有帖岩唔岩。你可以話佢地信錯人、我唔係個好既樓主，但唔可以屈佢地亂刪帖。你要話佢地刪錯既就正正當當講出邊張帖係刪錯，唔好囉d我睇漏、冇刪到既帖來講，屈佢地有可能冇刪該刪既帖就有可能刪錯該刪既帖。你要鬧就鬧我，唔好成日拖其他人落水，屈＿其他人。

blueeyes

本帖最后由 blueeyes 于 2013-4-15 07:57 编辑

mjmj 发表于 2013-4-15 01:48
blueeyes有說過以下幾句話:

我的理解是:

BTW，有樣野冇回應講多句先。

我不嬲唔鼓勵同學用編輯黎將唔岩既帖改返岩。因為咁樣好容易造成混亂。一來，佢明明睇落岩但d點評又話佢錯，會搞到其他不知就裡人都唔知接唔接好。二來，之前就係試過有一帖，明明自己接錯但事後改返岩，搞到好似其他人全世界接錯咁。情況類似咁：

　　↘武藤遊戲（遊戲王）
　　↘~~武藤雙六（遊戲王）~~　藤原佐為（棋靈王）　┐
　　↘武藏（寵物小精靈）───────────┴接唔到
　　↘藏間（妖精的旋律）
　　↘間宮小樽（銀河醒目女）
　　　　　：
　　　　　：
　　　（下略）

「武藤遊戲（遊戲王）」用「武藤雙六（遊戲王）」接係犯規，因為同一套動漫唔可以連續接。於是有人無視左佢，直接用「武藏（寵物小精靈）」來接「武藤遊戲（遊戲王）」，之後一路接左n樓。然後2樓發帖人返來發現自己錯，改左佢做「藤原佐為（棋靈王）」。搞到「藤原佐為（棋靈王）」以下住部變哂錯帖咁。

好似「藤原佐為（棋靈王）」咁既帖，就算接得岩都會刪。

其實個遊戲本身就唔應該有得俾人霸住個位黎慢慢諗點改。雖然有時你改得返岩，上下接到冇斷龍就冇咩所謂。但咁唔係玩呢個遊戲既正確方法囉～個遊戲本來就唔係咁玩。俾你偷雞係人情，唔俾係道理。

rangiku

blueeyes 发表于 2013-4-15 02:56
【對於「冇講『請』字」】
一開始大家都係玩個遊戲者～點諗到你有人好似你咁小器得咁緊要、咁就覺得人地 ...

发现小蓝论文，一级棒

blueeyes

本帖最后由 blueeyes 于 2013-4-15 09:59 编辑

mjmj 发表于 2013-4-15 09:00
最後都要貼圖才會明白早期的管理混亂

菲莉絲:姬川歌子 (玻璃假面)

我仲以為你PM話左唔會搞事同到此為此就會收手。結果你依然係想搞搞貢。

我係PM已經同你講左，我認同你講既，你張帖冇問題。但我唔記得我有叫過人要刪你張帖，同從而家目前仲可以見到既任何一張帖中都冇證據證明我有叫過人刪你張帖。如果係我咁戇＿，明明接受左你接得岩但又自相矛盾走去叫人刪你帖係我仆街。我可以同你道歉。但我而家真係完全唔記得有件咁既事，同想查下到底發生咩事者！講真，而家到底係你自己刪定真係俾人刪，我都未知。你話你係俾人刪，我信你先去搵版大想查下件事係點。（我點知你係唔係特登刪自己帖黎屈我？（你自己刪左自己幾多帖、企圖製造管理層打壓你既假象，你自己心知肚明。））件事要時間處理，你就係等一陣都唔得係要搵人來＿？

再講，就算我有問題處理失當同有錯都唔代表你開馬甲搞事係岩。而且，都係個句，你好聲好氣講，我可以再睇下點處理。本來你覺得同發現接龍帖有問題、想改進係好事。你一早PM我同講我，係我錯既，我都唔介意道歉俾返個公道你，再求版大幫我俾返分你。你而家咁樣搞搞貢、不停開帖搵人來鬧，除左你＿我＿得好開心之外，你有咩得著啊？你覺得咁做好正義咩？

我大大話話都錯左咁多次都求大家原諒左咁多次，我對承認自己錯誤既誠意大家有目共睹。你唔體諒同繼續覺得我係PK大魔王、唔＿我洩唔到你心頭之憤既……我冇所謂！我可以幫你做既野已經做過，想幫你既好說話都講過。你要繼續＿，就繼續。你既事我唔會理，你有冇真係受冤枉我都唔會理，我唔會再回應。

blueeyes

本帖最后由 blueeyes 于 2013-4-15 10:28 编辑

mjmj 发表于 2013-4-15 09:00
最後都要貼圖才會明白早期的管理混亂

菲莉絲:姬川歌子 (玻璃假面)

我岩岩查明真相。受託來回應一下。同學，你又老屈我。我的而且確冇叫人刪你帖。283樓係唔係都係「音無響子（相聚一刻）」我唔知（好可能又係你腦補老屈出來既），但刪你張帖並唔係因為我話要刪，所以版大（noddyy）就睇都唔睇（又或者睇錯）就刪錯你帖。

有圖有真相，請睇：

你張帖俾noddyy刪左係因為你冇quote到上一帖、算係犯規（因為規則寫明要quote上一個）。我一向係執完list先接既。我接下一帖之前就見到，個陣雖然見你冇quote，但一來我覺得問題唔大，二來諗住noddyy已經叫你加返、諗住你之後就會改，所以冇理照收埋入list。但noddyy後來見叫你改都唔肯改、覺得你犯規得黎又冇誠意改過，所以刪左你帖。而我一向唔翻睇入左list既舊帖，noddyy又冇特別同我提過，所以都唔知呢件事。於是「音無響子（相聚一刻）」就一路係個list度，但張帖就冇左。

呢個先係真相。並唔係同學你自己腦補出黎既故事咁！絕對冇版大因為我話要刪就唔理三七二十一刪帖同刪錯帖！！唔好屈得就屈！你已經唔係一次係咁！再講，今次同學你自己都算有錯在先，唔好講到自己咁清白無暇，講到全世界錯哂、得你一個岩哂咁！唔該！

﹏ヽんαrβor

好多字！终于睇晒了，睇到有小小头晕

ddg1212

睇咁耐终于睇晒~作为一个靠接龙呃分嘅人(掩面)表示泪流满面!!!难怪呢几日首尾相接嗰度楼主一直都冇喺1楼更新情况,原来系整单咁嘢~就个人认为,楼主确实冇好正式嘅理由去删人贴,但管理又好定规则又好,全部都系佢无偿咁做嘅,所以我真系好感动咖!而且嗰啲破坏咗规则或者讲错人又唔认嘅人确实系素质问题,好难处理,唯有靠自觉.真系辛苦晒两位啦~我就继续翻去玩首尾相接噜~另:版主真心好有讲古佬天分,建议下次再婊人嘅话可以用翻正式小小嘅书面语,口语系就系精彩,但读起身有啲吃力...