TXB动画《中华一番》配音表

joe2010

影片名稱：中華一番 (中華小當家)

備註 1997年日本TV動畫

本故事純屬虛構，如有雷同實屬巧合

角色名稱：配音員（無線TXB粵語版）

旁白：招世亮

劉昴星：袁淑珍
男主角，四川國營菜館菊下樓嘅繼承人，有天才般嘅廚藝天賦及超一流味覺，更擅長創新，曾到「美食之都」廣州陽泉酒家學師深造廚藝，並通過廣東每四年一屆嘅特級廚師考試，為找尋傳說廚具而同「黑暗廚藝界」展開連場扣人心弦嘅廚藝對決……

趙美莉：鄭麗麗
女主角，廣州陽泉酒家副主廚趙友之女，性格活潑開朗，經常喺廚藝方面帶俾劉昴星靈感同啟示

志郎：黃鳳英
劉昴星喺西南遊歷修行途中收嘅徒弟，系中日混血兒，自幼就外出學習廚藝，以成為特級廚師為目標，經常同美莉互相鬥氣

鋼棒 紫龍：林保全
山西特級點心師傅，擅長面點同點心製作，手上嘅落星棒曾連續擊敗幾十名一流廚師

七星刀 利安：郭志權（青年），盧素娟（幼年）
幼年曾拜師於陽泉酒家，為人冷靜而善良，同美莉系青梅竹馬嘅朋友，擁有過人嘅廚藝天賦，有資格將來成為陽泉酒家總主廚嘅接任人，後因外出學藝，為追求更高境界而加入「黑暗廚藝界」，刀工出眾，獲得「七星刀」後實力大增，與劉昴星神前刀工比試雙方戰成平手，兩人化敵為友

張雲：盧素娟
劉昴星已經過世嘅母親，四川特級廚師，菊下樓前任主廚，廚藝已達登峰造極嘅境界，人稱四川仙女

劉加玲：黃麗芳
四川仙女張雲嘅女兒，劉昴星嘅家姐

蘇安：陳卓智
四川仙女張雲嘅大徒弟，廚藝實力非凡，更擁有一級廚師資格，曾與劉昴星爭奪菊下樓主廚之位落敗，後投身黑暗廚藝界，喺黃浦江樓麟艦宴席對決第四回合再次對戰劉昴星，結果惜敗，終於悔過醒悟，將傳說廚具嘅地圖交俾劉昴星

李鴻越提督：招世亮
朝廷直隸水師提督，中央廚藝協會會長，以前擔任過宮廷御膳房主廚，指點劉昴星去廣州陽泉酒家學師並參加廣州特級廚師考試

魯岳大師：源家祥
廣州陽泉酒家總主廚，廣東廚藝協會長老

趙友：陳欣
陽泉酒家副主廚，廣州特級廚師

鄧三齊：梁偉德（少年），黃鳳英（幼年）
上海龍鎮酒家少主，曾經喺廣州陽泉酒家學師

加雄：何國星
阿郎：陳卓智
四處擺攤賣餃子嘅餃子兄弟，擅長製作餃子美食，兄長加雄有特級廚師嘅實力，因創業不順利遭到欺壓而走上歪路，想借助廣州餃子大會打響名堂，起初為贏比賽采用不擇手段，遇到劉昴星比試落敗後，終於悔過並明白作為廚師嘅真正意義

關長老：黃子敬
廣東廚藝協會長老，廣州餃子大會比賽評判

羅雲大師：陳曙光
前宮廷御膳房主廚，喺飲食界擁有無上權威，大師級人物，廣州餃子大會上幫助過劉昴星

特級廚師考試初賽主考官：張炳強、招世亮、梁耀昌、黎偉明、林保全
廣州特級廚師考試初賽評判，考試題目系「國士無雙面」

郭漢：黎偉明
東江會年青大廚，廣州特級廚師考試考生，通過咗初賽，喺決賽由於試吃對手料理後惡意打低分而被淘汰

紫玲：黃鳳英
人稱料理魔女，廣州特級廚師考試唯一女考生，通過咗初賽，喺決賽用禁忌食材罌粟汁做料理，更暗中針灸麻痹劉昴星味覺，妨礙考試公正，被主考官取消考試資格趕出考場

鄧林：林保全
畔林酒家副主廚，廣州特級廚師考試考生，通過咗初賽，決賽時因為審題失誤而被淘汰

王虎：陳永信
小林館廚師，廣州特級廚師考試考生，喺初賽比劉昴星先一步舉手完成料理，因料理與考題國士無雙不乎被淘汰出局

飛伊：蘇強文（青年），黃鳳英（幼年）
大同館年青主廚，廣州特級廚師考試考生，被稱為廚藝界天才，幼年時曾經被四川仙女張雲救過，參加特級廚師考試飛伊時曾幫過劉昴星

麗嘉：蔡惠萍
人稱魔幻女廚師，與四川仙女張雲齊名，廚藝造詣極高，系廚藝界中嘅權威，擔任廣州特級廚師考試決賽主考官，考試題目系「面非面」

美嘉：雷碧娜
趙友嘅师父之女，趙友嘅妻子，美莉嘅母亲

李巖：盧國權
趙友嘅同門師兄弟，本來亦愛慕美嘉，但系喺美嘉嘅廚藝比試招親對戰趙友時中毒失敗（美嘉做嘅手腳），懷恨在心嘅李巖投身黑暗廚藝界，十六年後回來揾趙友報仇（廚藝對決），被劉昴星擊敗

黑暗廚藝界老仆：梁耀昌

志郎嘅媽媽：林丹鳳
西南某小鎮菜根館老板，志郎嘅媽媽，系東瀛人

加由大師：黃子敬
雲南曲青菜館創辦人，其曾經擔任過陽泉酒家總主廚，更創出特色名菜「夢幻鍋巴」

安麗姑娘：陸惠玲
雲南曲清村曲青菜館現任女主廚，已故加由大師嘅孫女

連大人：源家祥
朝廷雲南總督，年輕時曾品嘗過「夢幻鍋巴」而一直念念不忘，劉昴星幾經波折，終於令已經失傳嘅「夢幻鍋巴」重現於世

甘文：郭志權
雲南翡翠山莊廚師，用有毒嘅紅蘑菇煮粥俾胡家食用，企圖控製胡有一家而達到霸占胡家財產嘅陰謀

胡有：盧國權
胡夫人：林丹鳳
胡小姐：沈小蘭
翡翠山莊莊主一家，因家族經營世代翡翠生意而十分富有，被廚師甘文用紅色毒粥控製，劉昴星烹制「五色彩虹粥」幫胡有一家解毒，令甘文陰謀破產伏法被捕

楊老板：源家祥
雲南昆明近郊星漢村富商，星漢樓老板

楊麗華：梁少霞
楊老板嘅千金，性格溫柔，心地善良

夏利：馮錦堂
麗華嘅非婚夫，星漢樓主廚，有上級廚師資格，但為人心術不正，打算婚後占領星漢樓改建成煙花之地

伊古：李錦綸
星漢樓三等廚師，其實力已達到上級廚師境界，與麗華兩情相悅七夕定情，最終喺劉昴星「銀河面」嘅幫助下二人終於有情人終成眷屬

天諾：馮錦堂
廣東雞鎮黑羽樓店主，曾經到廣州學藝，同趙友系舊識摯友，天諾引進新品種黑雞嘔心瀝血改良飼養，因過度勞累病逝，加上全身漆黑嘅雞俾人一種唔好嘅觀感，因此引入嘅黑雞被人們稱為「不祥之雞」

天娜：沈小蘭
天諾嘅妹妹，負責經營與照顧兄長留低嘅黑羽樓同黑雞，其實黑雞系稀有嘅珍貴食材烏雞，劉昴星用烏雞代表黑羽樓參賽，終於贏得冠軍並將黑雞嘅真相向大家科普

雞鎮長老 杜力大人：陳曙光
雞鎮鎮長：陳欣
雞鎮副鎮長：李錦綸
雞鎮全雞宴大賽評審大會評判，系食雞嘅專家

張大人：黃子敬（前期），源家祥（後期）
掌管上海市場，黃浦江樓麟艦宴席對決比試評判

胡大人：招世亮
船務工會主席，黃浦江樓麟艦宴席對決比試評判

何大人：陳永信
商店街合作社主席，黃浦江樓麟艦宴席對決比試評判

瑪蓮：雷碧娜
劉昴星等人於黃浦江樓麟艦宴席對決第三同第四回合比試解說

錦毛虎 羅權：黎偉明
黑暗廚藝界麟廚師，右手系一只虎爪鐵手，絕技「羅漢虎爪拔」能快速處理食材，樓麟艦宴席對決第一回合湯品比試，羅權輸咗俾鄧三齊，劉昴星一方先拔頭籌暫時領先

點心王 南廣：陳曙光
黑暗廚藝界麟廚師，有一千七百年歷史嘅傳統點心世家白羅家傳人，雖已年過百歲仍老當益壯，宴席對決第二回合點心比試，南廣對戰鋼棒紫龍雙方不分勝負，二人惺惺相惜，南廣決定從此脫離黑暗廚藝界

一丈青 林珊：蔡惠萍
黑暗廚藝界麟廚師，系位蛇蠍美人，為人陰險毒辣，樓麟艦宴席對決第三回合海鮮比試，林珊用「味覺疲勞」嘅手段贏咗七星刀利安，令劉昴星與黑暗廚藝界雙方拉回平手局面

樂齊：招世亮
著名刀匠，幫利安鑄造打製出「七星刀」，被過去受到黑暗廚藝界迷失本性嘅利安推落懸崖，僥幸大難不死，後被一丈青林珊害死，樓麟艦宴席對決海鮮比試，樂齊靈魂顯靈向利安表示原諒，並叮囑其今後要用廚藝同七星刀為人類謀幸福

拉緬大人：張炳強
安徽黃山縣令，利用職權包庇勾結山賊土匪打家劫舍斂財，劉昴星用美食「變色龍碗子塔」嚟拖延時間將拉緬大人擒拿

副官：招世亮
拉緬大人嘅副官，系個好官，幫助劉昴星等人擒拿住拉緬大人

汪世有：陳欣
九華山鮑魚魔神，原本系個普通商人，因意外保護過傳說廚具魔聖銅器，而暫時得到傳說廚具嘅少許靈力，汪利用靈力整鮑魚湯呃周圍村民啲錢，被劉昴星等人揭穿咗陰謀

蘭飛鴻：蘇強文
黑暗廚藝界麟廚師，廚藝高超，實力深不可測，其真正身份系被黑暗廚藝界藥物控製嘅廣州特級廚師飛伊，對宮廷宴席菜式進行改良，撰寫出「新中華滿漢全席」菜單

螳螂鬼 楊志：馮錦堂
黑暗廚藝界麟廚師，刀工了得

雙尾蠍 羅凱：黎偉明
黑暗廚藝界麟廚師，火工精湛

皇上：張炳強
當朝皇帝，命劉昴星與蘭飛鴻雙方御前進行廚藝比試，三個鐘之內各自完成一百碟餸，勝出方將被任命為御膳房大廚，失敗者將被剝奪廚師資格受處罰

龍丞相：黃子敬
當朝丞相，同黑暗廚藝界互相勾結意圖把持朝政大權

其他配音人員：張英才、鄺樹培、林元春…等



人物从左至右：美莉、刘昴星、志郎


人物从左往右：美莉、三齐、阿星、利安、紫龙、志郎

snzt

旧版嘅故事无讲完

snzt

暗黑料理嘅出处

我唔食猪肉

点心老嘢好似系陈曙光

joe2010

我唔食猪肉 发表于 2025-9-14 23:25
点心老嘢好似系陈曙光

冇错系佢，至叻整馒头

勇者罗兰

snzt 发表于 2025-9-14 23:15
旧版嘅故事无讲完

新版都一样冇。。。

hk112801

有粵語配音都唔錯

snzt

勇者罗兰 发表于 2025-9-14 23:57
新版都一样冇。。。

漫画度男主角唔系都挂埋咩

勇者罗兰

snzt 发表于 2025-9-15 00:29
漫画度男主角唔系都挂埋咩

但主角边有甘易瓜，而且《极》世界观已经变左玄幻了，转头复活乜都有可能
上面新版系讲新版动画，未讲埋慈禧太后果段

hezhen

全明星配音班底